應該點做好，好苦惱，好擔心

mary1234567

大家好
我做文職，月入13500,未扣強積金
欠卡數同銀行貸款如下

匯豐 :36000
中銀：37496
citybank:113676
恆生：100000
中信嘉華：19150
建行：46000


依家應該要點做呢？問左好多間，都話可以做債務重組
本來問左香港債務xx 協會個些，但朋友又話係中介，要小心
問左葉x 鄧律師行，但是又好像不多想理，不上心咁，又不想找佢地

之後找到一間羅x 會計事務所，又擔心，收二萬八，可以分期

又話接受申請，就多數會成功

但其實好擔心申請失敗。錢就比左
結果都是不成功
麻煩各位比下意見

Darculatam

我四年前搵到李X民幫我做Iva，講真當時都幾頭痛，五間裏面三間銀行都批咗條數比爛仔收，當時失債大約三十個左右，又失業又工傷未好，真係好徬徨無助，真係一心就諗住去老破，就連東XX院都話要有錢先搞到，當時我全身得一百蚊，心諗搞條毛呀？但係收數既唔會理你架，每日都搵人上門搵你還錢，搞到屋企人每日都提心吊膽，自己大洗姐點解要連累埋屋企人呀？直至我終於搵到份長工，我就上網搵到間律師行，心諗死馬當活馬醫啦！當時人工17XXX，每個月要比六千蚊做律師行手續費一共六期，當時都好甘架心諗老破啦！唔好還啦！挨四年姐，但係最後我都係選擇左做Iva 點解呀？因為我唔想再避亦都唔想第時申請依樣果樣都話唔得，因為有老破底始終都麻煩啲，我要做個有誠信既人，好多人都會話咁你都冇哂信用學咩人講有誠信呀。搞清楚件事先如果我真係冇信用既就唔會還啦！直接攞兩萬銀去搞老破，唔洗煩，但係對得自己對得人，就算係差人錢我都唔希望走左去，做人要負責任，我相信我肯改過機會總有黎，我知道當時我點亂洗錢，我條數一直拖，拖左成十年有多，我回望過去，由一張萬六蚊既信用卡比我攪到成三十幾萬，點解我既理財咁差，反省反省再反省，到左宜家仲爭九個月就清數，我一定要堅持到最後，信用卡唔用，用預付卡，由月光族變到每月都儲到一千蚊，希望可以提早清數，樓主雖然直面是絕路，但係希望在轉角，我唔期望你會同我有一樣既諗法，但係希望我依個經歷可以幫到你渡過呢個難關，共勉之一番，集氣

manman810

我同你差唔多..都好苦惱....我貸款大約500000.

icman12

簡單計下數先啦，總欠大約35萬，扣完MPF約13000。

icman12

之後除下，負債大約27倍，可以申請DRP，但係預計一個月都要還6000+，還8-10年。之後，你話會計啊，律師啊，唔上心好正常，個仲介都真係昆你。記得一件事，DRP係自己申請就可以，唔好比錢人“幫”你申請，因為你申請之後，填表交資料，全部係可以自己搞。銀行會幫你計算，咩計畫書，會幫你plan全部垃圾，我已經買過教訓。記得！自己搞！

icman12

其實你收入比較少，如果無計畫增加日後收入或者個人無咩恆心，35萬，你舉手都係一個選擇，但係就一世。我係過來人，我都係差35萬左右，但我收入16000左右啦，宜家分八年DRP還緊，你好好思考下啦。

square3207

申破其實仲好。每個月起碼都有一萬左右生活費先。

苦虎

有一點真係要講完一次又一次，申請drp/idrp係唔需要揾中介/律師/會計師可以打電話上去自己同銀行傾，中介更加唔好諗死路一條。你揾律師/會計師都唔會增加你成功申請同減低利率嘅机會，銀行好實際只會睇你有冇能力還同份工穩唔穩定去判決。

苦虎

順帶一提，當日我就係on99上咗law氏，中咗伏比佢劏咗一刀。跌錢都算，收錢前同收錢後完全兩個人兩種態度，有嘢問佢接近完全唔理你，仲要態度差到無倫。佢個動作只係負責喺電腦print个plan出嚟幫你填下form，之後就pass比律師，个律師事後都話其實你自己申請同經佢申請基本上係冇分別，只係律師會幫你出封求情信，所以千祈唔好一時迷惘再跌錢。

Darculatam

我四年前搵到李

Harmonychow

我先前問過hsbx，只要係全銀行數和佢既數佢地都會牽頭到idrp,唔關係唔係佢大數事

richardchow

點解欠咁多？

richardchow

點解欠咁多？

richardchow

點解會欠咁多錢既？