過來人DRP（上當中介，但成功）

icman12

首先。
月入16000左右。
欠債三間，獅子，恒X and 渣X總數35萬啦。

咁其實當初係無辦法下，上網查債務重組和破產。之後就上左間仲介，佢叫我假舉手，拖長一年，之後找佢條數，在申請DRP。一共七萬手續費。。。。

上述，明白的Ching應該都知道係邊間，專業XX重組協會。

之後我唔肯啦，又搵過第二間，直接開4萬。我就簽約啦。

重點！！！！！
我後面先發現，份約好眼熟，係第一次哥見專業XX協會的約，一毛一樣！

咁已經超級灰，已經打算申請唔成功就自殺。

最後都成功，咁宜家叫做成新做人，慢慢還緊，仲介條數都還緊，叫左買個教訓。


其實，銀行DRP係完全可以自己申請，只需要打去客服，話搵貸款部，一般都會接受申請。

主要其實幾點啦，大家參考。

第一，穩定工作。

銀行自動轉帳出糧。超過三個月或者過試用期，轉工都係OK的，我就係剛轉工過試用期後申請。

第二，負債倍數。

呢個好重要扣完MPF有幾多實際收入，除翻條債大數。基本40倍內，都比較容易成功，當然啦呢度都要配合翻第一。

第三，債主。

如果係銀行，基本都會盡量幫你DRP，因為都係哥句。銀行唔怕你攤長還，最怕你唔還。因為DRP都係有利息，佢都係賺錢。你舉手反而佢咩都無。

如果係財仔，一線你可以試一試，但基本成功率少三成，如果大部份係二三線，直接舉手唔好浪費時間。

第四，關於TU

明確話比大家聽，係會係環聯有記錄，係還款期間，同破產相同。唔一樣地方係，你DRP完，準時還錢，係可以填表取消個債務重組檔案，唔會似破產咁跟一世。

叫做有條重新嚟過機會啦。


第五，關於仲介。

呢度大家，請相信我，咩計畫書啊，幫你同銀行傾，全部搵笨。個計畫書我都有睇。。。根本垃圾，基本就係除翻份糧，每月打算還幾錢咁。

其實銀行，係會自己同你計過曬條數。自己申請就可以！自己搞就可以！

咁點解呢度要提仲介，其實只要本住死都唔簽野原則，新手或者有疑問。你係可以去仲介，比你D資料佢，佢會用個excel表出個plan比你，唔洗錢的，總會影比你，你可以免費有個大概資訊。

咁呢個免費諮詢，其實OK我覺得，至少可以睇曬自己借左幾多，利息幾多，還幾多等等。

記得，諮詢可以，死都唔好簽約！

咁基本，呢個係DRP，我自己經驗。

希望幫到大家。

希望人人都有機會重新嚟過。

dindin4003

我而家就係咩都冇搞 我見唔對路想取消 但佢地要求我比取消費 咁我緊係唔制啦 佢跟住就話交比仔仔追

icman12

補充，第二間，姐係宜家找緊數間野，無假舉手，直接行DRP。

icman12

同埋律師樓，會計事務所，都唔需要！自己搞！記得係自己申請DRP！

苦虎

師兄，我case同你一模一樣，又係去過XX重組中心不過冇落曡，不過最后都係跌咗4雞比中介。

icman12

個專業XX中心，係集團式經營，基本市面上好多仲介都係，大家真係小心，死都唔好簽

icman12

另外，好多人應該會煩，DRP要還幾多哥D。其實好簡單，講你收入（扣MPF）連埋part time 之類，50%攞嚟還所有債總數，睇下要分幾多期。

icman12

一般，96或者108，姐係8年9年已經頂緊。咁好多師兄會問，還咁耐，點解唔舉手。第一，舉手跟一世，呢個就唔解釋。第二，好簡單，你DRP，未來加人工，多出嚟哥部分係可以袋入自己袋，又或者做多幾份part time，收入增加全部係計自己。但係舉手就除左生活費，全部充公。呢個其實分別就好大啦，如果係真心重新嚟過，就DRP好過舉手。如果係都無咩決心，心大心細，我勸你舉手。

lmk292000

icman12 發表於 16-8-2021 23:31
一般，96或者108，姐係8年9年已經頂緊。咁好多師兄會問，還咁耐，點解唔舉手。第一，舉手跟一世，呢個就唔 ...

黎個我同意 如果日後想買樓 破產好多銀行唔做 就算做都做到7成
仲有我轉左份工之後有雙糧花紅 如果破產要嘔返出黎

krischeng2018

搵中介吾代表做吾到, 因為中介會轉介比會計師 / 律師做申請, 只是收費貴好多

zebrajaijai

我都打算做DRP, 見你咁講, 中介起碼都收幾皮野喎..律師樓都一樣嗎?

zebrajaijai

仲有我想問, 做完DRP, 如果之後有多錢, 可以提早還錢嗎?? 同埋如果銀行唔同意, 咁要直接還清卡數嗎?

Rt1210

請問TU差可以照去銀行Idrp?

dindin4003

師兄我真係低能簽左約 而家唔知點做好 但咩程序都未搞過

icman12

zebrajaijai 發表於 12-1-2022 19:34
我都打算做DRP, 見你咁講, 中介起碼都收幾皮野喎..律師樓都一樣嗎?

律師樓，我都搵過葉XX，好似收9000幾。自己申請啦DRP，都係填表填資料姐。

icman12

Rt1210 發表於 4-2-2022 10:09
請問TU差可以照去銀行Idrp?

你做得IDRP，就已經無TU可言，照去啦。

icman12

dindin4003 發表於 8-4-2022 09:31
師兄我真係低能簽左約 而家唔知點做好 但咩程序都未搞過

假舉手定點？如果係假舉手，我記得佢有條條款係話，如果中途唔搞，要比翻13XX幾佢。我建議你唔好啦。。。。。

Windy0111

想問下第二間有冇幫你同銀行傾免息/減息？