設立破產聯盟嘅目的

温sir

設立破產聯盟嘅目的：

開Blog咁耐，認識不少同在破產路上浮沉的"同路人"Blog友，相信大家都有同樣經驗，就是陸續都有"朋友"想了解"破產"呢啲問題。但我認為個人能力經驗始終有限，雖然法例上無限制，但能有兩次或以上破產經驗嘅人，真係少之又少。

而確實在目前，仍有很多"朋友"，正在面對著我(我們)曾經遇到過嘅困境，煩惱著人生的重大抉擇，但又唔容易揾到有經驗嘅人，去助他作出正確嘅决定。

設立破產聯盟嘅目的，絕唔係鼓勵大家去破產，只係希望集合一些"同路人"，大家將在「申請破產」前、後的心路歷程、經歷、所遇到的問題、解決方法等等，與及在破產期間，甚至破產期滿後，所面對的種種情況，集中起來讓大家一起分享。
因為每位"同路人"都有佢嘅經驗，各人亦有各人嘅經歷。大家聯系一起，希望可以幫助某些有需要幫忙的"後來者"網友，助他們解答、解決某些難以開口嘅問題，尤其係如何面對"破產"嘅心理嘅問題。
另一個因素，係希望有個地方，讓一些...對"破產者"充滿懷疑，又或好奇的網友。...鄙視又或可能誤解"破產者"嘅網友。了解一下真實"破產者"的生活狀況。

祈望大家一起輕鬆渡過這幾年，從中又可以幫到些"後來者"，最理想係在你一句、我一句中，能找到些新點子，幫到大家更容易的去面對將來。