破產聯盟

 找回密碼
 註冊
樓主: dingsio

新人求助, 唔知應唔應該破...

[複製鏈接]
發表於 3-7-2020 22:10:34 來自手機 | 顯示全部樓層
dingsio 發表於 3-7-2020 13:39
TO: 誰人知5年
我都想報警, 但情況唔似會受理, 一來因為公司9成以上買貨都係現金交易, 就算我有本數簿(不論 ...


1.1 可以,最好有借據過數紀錄之類
1.2 呢個好難講睇你拍檔後續點做同破署點去理解,但你唔想煩就應該寫埋落去

咁有幾個問題
首先無限公司係合資定你獨資?
第二你有冇諗住同佢打官司,交比個官去決定呢,至於你能唔能夠申請法援就睇你個人條件
如果你除左呢個所謂拍檔就冇其他壓力需要破產我覺得有好多其他方法解決
 樓主| 發表於 4-7-2020 11:23:51 | 顯示全部樓層
各位, 咁想問有冇咩可靠少少6c? 唔想就咁網上搵個走去問.

可能唔啱版規但我又唔知點搵好.
 樓主| 發表於 4-7-2020 13:43:31 | 顯示全部樓層
knowthyself 發表於 3-7-2020 22:10
1.1 可以,最好有借據過數紀錄之類
1.2 呢個好難講睇你拍檔後續點做同破署點去理解,但你唔想煩就應該寫 ...

1.2 我都唔知寫唔寫落去, 寫咗好似等於我真係欠佢錢.... 咁我破嚟又冇乜意思

另外,
1. 公司有2間, 一間係我同佢unlimited partnership, 另一間係佢獨資, 但之前我哋簽過份嘢我俾錢入股落去, "在不影響日常運作下加我名 (如BR/銀行AC/商標等), 但到宜家除咗銀行加咗我做簽名人之外其他都冇實行過.
2. 我有諗打官司, 亦都有問過吓少少意見(非正式面對面, 只係托朋友問), 都話難搞, 因冇真憑實據啲貨幾錢, 大家只係口同鼻拗, 但佢揸數會着數啲. 同埋打官司要錢, 到時我輸仲要嘔突.
3. 宜家係我覺得都走緊資, 不斷將錢入返俾自己, 即係我羸都拎唔到咩錢, 如果我破都可以叫攬炒同或者可以拎返少少嘢俾屋企人.
發表於 4-7-2020 14:36:43 來自手機 | 顯示全部樓層
版主,你合夥人有冇徽求你意見就去借咗一大筆錢呢?去借錢都有合約㗎,份合約'去咗邊去
發表於 4-7-2020 16:34:32 來自手機 | 顯示全部樓層
dingsio 發表於 4-7-2020 13:43
1.2 我都唔知寫唔寫落去, 寫咗好似等於我真係欠佢錢.... 咁我破嚟又冇乜意思

另外,


佢擺好晒局黎裝你,實有辦法做到借錢同買賣條數出黎
以下有小小建議,非專業,你出去再問人可唔可行
1. 大概計下自己總共出資幾多錢,佢又出左幾錢加埋聲稱借貸
2. 同屋企人傾下,將來可能要搵個做代表上法庭清你公司盤再申破你同拍擋兩個人
3. 叫你拍擋埋左條數真假都好交出黎
4. 你自己或者搵人拍晒出入帳,約佢出黎講數,傾下執左間公司啲錢啲貨點分配
5. 佢唔願按正常分配既咪話佢知,我幫公司借錢既果班債權人(你親人s) 就會入紙清盤公司同索償我地兩個,我就冇錢還大不了齊齊老破,努力四年

不過如何令屋企人出資變成公司借貸你要問下專業人士了
 樓主| 發表於 4-7-2020 16:38:18 | 顯示全部樓層
誰人知5年 發表於 4-7-2020 14:36
版主,你合夥人有冇徽求你意見就去借咗一大筆錢呢?去借錢都有合約㗎,份合約'去咗邊去 ...

佢話問"阿公"借(因佢成日自稱佢以前跟過人, 但我唔知佢咩字頭咩輩份, 佢確實有同類似江湖人士出入, 但好少)
阿公呢啲唔會開字據, 話借咗百二每個月要俾差唔多六位數字息, 我唔識亦未試過, 但我一直都唔太信, 只係以防萬一.
發表於 4-7-2020 17:22:43 來自手機 | 顯示全部樓層
dingsio 發表於 4-7-2020 16:38
佢話問"阿公"借(因佢成日自稱佢以前跟過人, 但我唔知佢咩字頭咩輩份, 佢確實有同類似江湖人士出入, 但好 ...

關人仁事四個大字,借咁大條數唔駛開個會確認呀,仲要比息姐係私人放數,佢自已借咪自己攪掂,師兄你諗下點甩身吧啦
 樓主| 發表於 4-7-2020 17:32:43 | 顯示全部樓層
knowthyself 發表於 4-7-2020 16:34
佢擺好晒局黎裝你,實有辦法做到借錢同買賣條數出黎
以下有小小建議,非專業,你出去再問人可唔可行
1.  ...

多謝意見, 喺呢啲時候任何建議對我都好有用 , 因我暫時唔想同屋企人講住, 等到有大約方向我會同佢哋商量.

1. 我自己出咗幾多我都好清楚, 而佢, 老實開舖時出咗裝修按金等等, 同埋一啲佢所講佢o既收藏品嚟吸客, 話要計數好難, 我當時又唔識行情所以就當一人夾咗一半 (其實佢啲所謂收藏品原來又有部份問人借, 一早俾人收返). 之後佢出資裝修佢獨資公司, 佢聲稱約廿萬, 之後就同我講話不如入股埋佢獨資公司, 以後好運作同安排, 咁我就又問我親人借咗一筆俾咗佢, 寫咗份協議話一人一半, 仲要公司有分紅後俾佢50萬, 佢會在不影響公司運作下加我名 (BR/銀行AC/商標等), (當時佢獨資呢邊的確生意好好我答應, 但宜家完全係一文不值, 可能因啲客去咗我哋合資嗰邊, 同埋同行競爭好大).
其實我入股俾佢嗰舊錢已經足以cover佢同我合資開店條數, 應該仲有剩好多, 而佢話佢借咗阿公百幾, 就係咁多喇. 唔知我講得清唔清楚?
2. 我唔知我unlimited partnership可唔可以俾人申請清盤? 可以的話咁俾人申清係咪即時凍哂所有嘢?
3. 同佢講數時佢就會有.
4. 我呢期有做緊呢啲嘢, 但除咗買貨數之外我大部份都有.
另外, 我其實宜家仲每日見到佢, 不過我就準備緊而佢唔知, 佢可能以為我仲信佢啦.
發表於 4-7-2020 18:05:56 來自手機 | 顯示全部樓層
On 9 完,清盤計數啦!財到光棍手,仲想點
 樓主| 發表於 4-7-2020 18:13:49 | 顯示全部樓層
knowthyself 發表於 4-7-2020 17:22
關人仁事四個大字,借咁大條數唔駛開個會確認呀,仲要比息姐係私人放數,佢自已借咪自己攪掂,師兄你諗下 ...

佢話佢用公司牌頭借, 追佢唔到或者佢出事會搵我囉, 當然我又唔係好信, 但都係以防萬一啫
 樓主| 發表於 4-7-2020 18:15:05 | 顯示全部樓層
金龍華 發表於 4-7-2020 18:05
On 9 完,清盤計數啦!財到光棍手,仲想點

如果簡單講句計數我即時就計喇, 但就係要諗清所有可能出現O既後果先行呢一步.
發表於 4-7-2020 20:27:12 來自手機 | 顯示全部樓層
咁就關人隱事啦,佢自己借自己公司又關你乜事呢?
發表於 4-7-2020 22:56:22 來自手機 | 顯示全部樓層
dingsio 發表於 4-7-2020 17:32
多謝意見, 喺呢啲時候任何建議對我都好有用 , 因我暫時唔想同屋企人講住, 等到有大約方向我會同佢哋商量. ...

咩公司都可以比人申請清盤既,問題係欠債係有限責任定上身姐。我睇你個情況,佢都係坐定粒六佢缸瓦你瓷器,之前滾你咁多次都有數比咪咬多你一口囉,咁佢講明自己找唔到個老黑會搵你,咁你破產都解決唔到架,你黎錯地方問架喇。

正規做法就叫佢埋枱傾,講唔掂咪反枱清盤埋單計數,同佢講總之你阿公條數我就唔會認,已經備左案我同屋企有咩事一定會有人搵你
偏門做法搵個有勢力朋友拆左單野佢

不過呢單野又黑又老千呢度真係未必幫到你架喇
 樓主| 發表於 5-7-2020 11:52:06 | 顯示全部樓層
誰人知5年 發表於 4-7-2020 20:27
咁就關人隱事啦,佢自己借自己公司又關你乜事呢?

其實我覺得自己就係嗰個阿公囉
 樓主| 發表於 5-7-2020 11:58:39 | 顯示全部樓層
knowthyself 發表於 4-7-2020 22:56
咩公司都可以比人申請清盤既,問題係欠債係有限責任定上身姐。我睇你個情況,佢都係坐定粒六佢缸瓦你瓷器 ...

其實我對佢老黑呢個有少少質疑, 只係好似你咁講, 佢缸瓦我瓷器, 我屋企人多佢就得個老母同女朋友. 我唔可以唔考慮埋呢方面囉.
宜家首要都係要搵專業意見先, 我應該點搵呢? 搵個做破產o既律師定其他? 有冇人有少少指引?

唔該哂大家同多謝咁多位O既意見同討論.
發表於 5-7-2020 12:07:37 來自手機 | 顯示全部樓層
dingsio 發表於 5-7-2020 11:58
其實我對佢老黑呢個有少少質疑, 只係好似你咁講, 佢缸瓦我瓷器, 我屋企人多佢就得個老母同女朋友. 我唔可 ...

你買份報紙,入面有好多搞破的6C 廣告,每家打去問問,問價錢等,約個時間去傾傾,再作決定。  有D 議員有免費法律意見,你都可以約個時間去了解下。

google  上那些6C 廣告有D 好假。
發表於 5-7-2020 13:05:11 來自手機 | 顯示全部樓層
dingsio 發表於 5-7-2020 11:58
其實我對佢老黑呢個有少少質疑, 只係好似你咁講, 佢缸瓦我瓷器, 我屋企人多佢就得個老母同女朋友. 我唔可 ...

你問題唔係破產與否,應該係點同個老千一刀兩斷嘛?
 樓主| 發表於 5-7-2020 13:48:34 | 顯示全部樓層
TO cacawong,
即係我就咁走去"葉謝X"或者"王+石"去問?

To knowthyself,
某情度上係, 如果破產可以我應該會毫不猶豫, 所以我先出呢個PO, 當然如果有其他方法當然更好.
發表於 5-7-2020 18:33:54 來自手機 | 顯示全部樓層
我個情況差不多,都係同人合作開公司,被拍檔厄錢,但我嗰間係有限公司,公司好多時啲數都係現金,比較難全部野有晒出入証據,如果你最後一步係接受到破產,我諗幾亂既情況最終都可以解決,只係過程會麻煩啲,另外要處理既係咪涉及黑社會,係怕有啲數破左產都照追。我諗你好難喺度問到解決方法,因你詳細情況其他人唔清楚,都係問返專業人士會適合啲。我都好後悔太遲先去問專業人士要點做,之前一直都係問身邊既朋友意見,直到真係搞緊破產先知道真正要點做,都已返唔到轉頭。俾個方向你參考下,我之前盡量影低公司文件、銀行入數記錄、每年度核數記錄之類(因公司有太多文件,唔可能全部都影晒,所以我盡量揀啲同自己有關既文件,我問過幫我申請破產既6c,佢都唔知之後會需要咩文件,話視乎個官要咩,叫全部留得就留),我先問左公司會計既意見,因佢最了解公司盤數,但佢係拍檔既人,都唔係好願意答我可以點做,但佢可講出以公司現時情況可以有咩選擇。跟住我去問外面既會計同律師意見。最後申請左破產,而家等扮令,雖然仲有好多問題未解決,暫時亦唔知之後要點做,但呢刻唔需要周圍搵錢還債,整個人比之前輕鬆左。
 樓主| 發表於 5-7-2020 19:58:31 | 顯示全部樓層
man_man01 發表於 5-7-2020 18:33
我個情況差不多,都係同人合作開公司,被拍檔厄錢,但我嗰間係有限公司,公司好多時啲數都係現金,比較難全 ...

多謝你O既回覆同分享, 估唔到會遇到同我差唔多情況o既人.
我有幾個關於你情況O既問題想問,
1. 請問你用咩途徑搵專業意見?
2. 你話你問你拍檔, 但你又話佢呃你錢, 咁佢又點會答你? 你仲同佢有來往? 定佢唔知你知佢呃你錢?
3. 我文件唔多, 因貨全部係現金出入, 單都係賣嘢(零售)同日常開支. 仲有就係之前報稅資料 (做蝕唔洗交稅, 我都唔知有冇手尾, 反正公司我一毫子都冇拎過).
4. 想問吓你申請到扮令大約幾耐?
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 29-3-2024 16:54 , Processed in 0.052592 second(s), 17 queries .

Powered by Discuz! X3

© 2001-2013 Comsenz Inc.

ٻظ 返回頂部 б