破產聯盟

 找回密碼
 註冊
查看: 2042|回復: 47

新人求助, 唔知應唔應該破...

[複製鏈接]
發表於 2-7-2020 13:47:35 | 顯示全部樓層 |閱讀模式
其實在新人報到度有出po, 但見冇人覆所以在公海再問, 如果版主覺得有問題請通知我刪po. 謝謝.

簡單講,
之前同朋友合夥搞公司(合夥無限公司), 投入一大筆錢, 但近來生意慘淡, 朋友仲同我講話佢為入貨出咗好多錢, 宜家公司欠佢好多錢 (近200萬), 一人一半都近100個. 要我同銀行用公司名義借但要我簽紙答應自己還哂, 我覺得好有問題但又苦無証據 (因公司大部分嘢佢揸手, 入貨又全部用現金, 有冇落格佢自己先知, 但我都幾肯定佢有). 佢仲要我之後私人問銀行借錢還俾佢.... 我覺得佢呃我錢
其實我冇乜街數, 只有卡數幾萬同之前問親友借錢嚟開公司的錢(約250-300萬), 我宜家就諗好唔好我申請破產等宜家同佢聯名間公司即時冇得做兼可以從中變賣啲貨嚟還俾屋企人. 但我想問
1. 我要搵咩人幫我做? 律師? 可以順便諮詢埋件事睇吓可唔可以告佢, 其實我知冇乜機會, 但真係為啖氣.
2. 如果我申請破產, 債權人係我屋企人(父母, 妹, 老婆), 因之前做呢個生意都問佢哋借咗錢, 咁其實受唔受理?
3. 如果我呢個合夥人都話係我債權人, 咁又得唔得?
4. 如果我真係申請破產, 係咪公司會即時停業同變賣公司資產俾我債權人?

唔好意思, 人急就亂咁問, 如果犯咗版規請告知, 多多包涵.
發表於 2-7-2020 14:45:22 來自手機 | 顯示全部樓層
你借錢都要有證據
 樓主| 發表於 2-7-2020 15:01:09 | 顯示全部樓層
你意思係我借親友錢? 大部份有銀行入數記錄, 要做張借據亦都唔難.

發表於 2-7-2020 16:18:25 來自手機 | 顯示全部樓層
建議問律師意見
 樓主| 發表於 2-7-2020 18:13:07 | 顯示全部樓層
我都想問律師, 但我唔知應該搵專做破產律師定其他律師, 因為時間已經唔多.
一打google見到好多廣告但又怕搵錯人嘥錢嘥時間
另外, 呢度好似唔俾介紹律師? 咁我應該搵咩人問呀......
發表於 2-7-2020 19:26:57 來自手機 | 顯示全部樓層
你都諗到破產,點解唔同個所謂朋友一拍兩散,至於親戚錢好老實你破佢地又係收唔到,佢地知你生意失敗慢慢還又得唔得呢
發表於 2-7-2020 23:37:20 來自手機 | 顯示全部樓層
話比你知佢當你水魚、老實講你系呢間公司出多少錢去經營,仲有你的合顆人又用咗多少錢呢?破產話長唔長,話短唔短,點解要你去借,佢又唔去借?佢話出咗好多錢,單據呢?現金買貨都冇單據,有冇人信呀,好啦,生意失敗,我冇睇錯呀,版主,買賣有冇單據,賬簿呢?係唔係大家都要承擔責任,現在你的合顆人好似抛你落海喎,佢就一D事都冇,叫你自己上身,有冇可能呀,而你就全部食晒!想清楚啦!好似有點詐騙!擺明係老千局,報警啦
發表於 2-7-2020 23:47:51 來自手機 | 顯示全部樓層
申請破產你的公司所有財物係唔可以變賣,由破署處理
發表於 3-7-2020 08:13:39 來自手機 | 顯示全部樓層
Unlimited partnership 要破都攬住破啦!
 樓主| 發表於 3-7-2020 13:39:13 | 顯示全部樓層
TO: 誰人知5年
我都想報警, 但情況唔似會受理, 一來因為公司9成以上買貨都係現金交易, 就算我有本數簿(不論真定假, 佢定我的)都未必會接受.
另外佢自稱之前搵咗"阿公"用公司名借咗百幾萬, 一直都只還息 (佢話同阿公借錢冇單據, 我對呢個說法存疑,但我未借過所以唔知 ). 所以佢頂咗好耐, 唔再頂要我還.
宜家最好情況係同佢談判之後佢知驚收手, 我就全身撤退拎唔到錢.
最差係傾唔掂大家律師見大家洗錢到最後我要輸律師錢之餘仲要再俾佢追數, 最後老破.
第三個選項就係我直接老破, 寫屋企人係債權人, 再拎宜家公司資產變賣俾我債權人. 但呢步我有幾點唔肯定.
1. 屋企人可唔可以做債權人? 要啲咩料去支持
2. 如我申請破產我呢個合夥人理應要通知, 咁佢可能會申請做埋我債權人, 到時帳目等等唔知要搞幾耐, 而且佢會有時間走資同搞我. 公司帳目如果破管接受咗佢變埋我債權人, 咁我咪又係要還俾佢.
3. 如果第一個問題係做唔到咁我呢個選項已經完全冇用. 因為我實際出面冇乜街數, 冇理由因為幾萬卡數去破產, 我又唔會申請破產時直接認欠合夥人錢.
 樓主| 發表於 3-7-2020 14:03:38 | 顯示全部樓層
TO: knowthyself
我就係要防佢有後手, 因佢成日自稱跟過"阿公", 講唔掂都要諗吓點一拍兩散, 因為應該冇辦法單方面申請結業 (BR/銀行AC等), 所以我先諗住用破產嚟强行結業!
親友方面, 其實佢哋冇追過我, 但我知我冇可能再咁落去, 我都要為我屋企人負責 (雖然我已經不負責任咗3年...)
我冇辦法接受佢同我講話冇錢屋企人要做手術要賣車套現轉頭原來係trade in 換部新車返嚟同幫女朋友買十萬保險 (呢啲全部伙計話我知, 我亦見過佢部新車). 我亦初步有問過人, 但大都話我冇實數好輸蝕.
所以先事急亂投藥, 周圍搵人問吓, 但始終律師意見係要俾錢, 所以我唔敢隨便上網搵一個人去問, 希望有人可以同情吓我介紹一下等我有個方向.
 樓主| 發表於 3-7-2020 14:09:02 | 顯示全部樓層
TO: 金龍華

我係怕我想破破唔到同對佢冇影響, 咁我就破得冇價值.
發表於 3-7-2020 16:33:26 來自手機 | 顯示全部樓層
所以話骗子囉
發表於 3-7-2020 16:37:56 來自手機 | 顯示全部樓層
跟你講合顆人點變債權人呀,你估下官信唔信你或佢
發表於 3-7-2020 16:48:36 來自手機 | 顯示全部樓層
跟本一開始就係騙局,佢有後着,一句講晒,就係叫你去借,借好就比佢,佢就一走了之!
發表於 3-7-2020 17:22:37 來自手機 | 顯示全部樓層
6c係有免費資詢架,你唔知道咩,你真係要做當然要比啦
 樓主| 發表於 3-7-2020 17:38:42 | 顯示全部樓層
你所指6c免費資詢係講緊做破產6c? 佢又會唔會理我合夥人呢堆問題呢.
發表於 3-7-2020 19:35:09 | 顯示全部樓層
你呢D CASE 好複雜, 公司盤數又有欠債, 你盡早找6C 資訊啦,
發表於 3-7-2020 21:29:27 來自手機 | 顯示全部樓層
無限公司欠債要上身,唔知你同 partner 關係,帶齊料問6C 啦!討論區唔清唔楚,講你都唔好信
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 28-3-2024 17:48 , Processed in 0.058059 second(s), 20 queries .

Powered by Discuz! X3

© 2001-2013 Comsenz Inc.

ٻظ 返回頂部 б