聽日真係去搞入學啦

mchan

萬念俱灰 發表於 23-5-2019 02:02
仲要食到月尾出糧呀。之前就練仙咁咩都唔想食。呢幾日就好似餓鬼上身咁食極都唔覺飽。同埋出糧我想還比屋 ...

入咗紙之後唔可以私下還錢畀人架你“記住啊”

PoorGuy2018

萬念俱灰 發表於 23-5-2019 01:46
咁我聽日就自己拎去。拎唔到個啲我fax完再落場自己拎去。如果聽日順順利利搞到入學。又冇電話打去公司就好 ...

搞左入學之後，你心情就會慢慢同許志安車婉婉合唱歌名咁，“會過去的”

萬念俱灰

好煩2019 發表於 23-5-2019 02:05
入學後就會鬆好多啦，起碼份糧係自己唔駛再比吸血鬼。

下個月唔續約。又要再開始搵工嚕。希望唔會好似呢份工咁啦。我琴日話早走唔OT。啲人已經west哂面啦。

萬念俱灰

PoorGuy2018 發表於 23-5-2019 07:17
搞左入學之後，你心情就會慢慢同許志安車婉婉合唱歌名咁，“會過去的” ...

唔只會過去的。仲明天會更好添呀。不過以家係煩緊兄弟女人打去公司姐。我今日已經有咩文件都帶哂去。

Stanyan1229

萬念俱灰 發表於 22-5-2019 23:18
其實yan師姐唔洗買啦。
有男朋友保護嘛。hehee

男友要返shift

萬念俱灰

Stanyan1229 發表於 23-5-2019 09:07
男友要返shift

男朋友返shift既時候。防狼器就係你男朋友2號啦。嘩。熱戀期真係會不見到日如隔萬幾個秋。哈哈。

萬念俱灰

岩岩自己打左比兄弟惡女。同佢講今日7點前會交去分行。佢話會繼續call話收數會收多3成。希望今日順順利利。好鬼緊張呀真係xyz。

Jojobb

萬念俱灰 發表於 22-5-2019 18:52
師姐都搞左入學啦？

已入學1年多了

Jojobb

好煩2019 發表於 23-5-2019 01:03
我都係咁，未夠期續借就作古仔搵朋友借，唉，諗返起以前真係唔係人嚟㗎，咩都做得出，差在未去打劫，殺人 ...

me too, 你簡直講出我當時的感受, 為了唔想爆煲及不想比屋企人知, 好樣衰硬住頭皮去作故仔向親戚朋友借,利用左他們對我的誠信, 真係除了犯法真係什麼都做得出, 我簡直唔係人黎

萬念俱灰

Jojobb 發表於 23-5-2019 11:11
me too, 你簡直講出我當時的感受, 為了唔想爆煲及不想比屋企人知, 好樣衰硬住頭皮去作故仔向親戚朋友借, ...

Me too too。我屋企人都幫我還左好多錢。我呀哥自己返工要養老婆養仔都幫我還左幾萬。我媽更加唔洗講。我都覺得自己好冇用。好想還返比佢地。但係暫時冇能力。好想比好日子比佢地過得安寧。以家全家都因為我唔而唔開心。老豆本身有啲情緒病。當佢收到wts群組收數。佢拎櫈擲我。但係第二日自己幫我找哂條數。我覺得自己好冇用好癈。咁大個人仲要搞到屋企。

Jojobb

萬念俱灰 發表於 23-5-2019 11:24
Me too too。我屋企人都幫我還左好多錢。我呀哥自己返工要養老婆養仔都幫我還左幾萬。我媽更加唔洗講。我 ...

我同你有D相似, 我全家包括爸, 媽, 哥, 妹, 細佬, 老公甚至奶奶都幫我還了不少債, 他們鬧完喊完都係會幫我,
我地真係好幸福, 唔好再行返回頭路, 其實佢地不是大富大貴, 每人都有頭家, 佢地話$是重要, 但佢地最想見到的是我改過, 重新做人 !

萬念俱灰

Jojobb 發表於 23-5-2019 11:47
我同你有D相似, 我全家包括爸, 媽, 哥, 妹, 細佬, 老公甚至奶奶都幫我還了不少債, 他們鬧完喊完都係會幫 ...

我媽今朝都話都唔知點解我會咁樣。又話人地啲女點點點。我真係眼淚在心裡流。我仲要今朝問呀媽媽比幾十蚊坐車搞入學。之前佢地試過叫我走。但係我走唔夠一日就返左去。佢地都冇出聲再叫我走。呢段時間壓力好大好負面。但係自己拎黎既。真係想喊都喊唔出。師姐。唔好話自己唔係人啦。你以家入左學。過啲新既生活。補償返比屋企人就得啦。（知錯認錯改錯）

66868686

萬念俱灰 發表於 23-5-2019 10:04
岩岩自己打左比兄弟惡女。同佢講今日7點前會交去分行。佢話會繼續call話收數會收多3成。希望今日順順利利。 ...

如自己搞，9點去可能即日有號碼
搵律師預返5個工作日

nevergiveup

萬念等你好消息，好日子好快黎！要報答屋企仲有大把時間比你番轉頭，你加油！

萬念俱灰

nevergiveup 發表於 23-5-2019 12:49
萬念等你好消息，好日子好快黎！要報答屋企仲有大把時間比你番轉頭，你加油！ ...

仲有幾分鐘就可以跑出公司仆去金鐘。我好驚今日唔夠時間呀。

Ironman

應該出咗發啦喎！祝你順順利利！

痛苦

祝你順順利利

萬念俱灰

哈哈。我用我既32吋短腿仆左去地鐵站啦。仲打左去比兄弟呃佢話今日會過數。嘩。好鬼驚呀真係。求下佢唔好打去公司呀。今日we仔打黎我都係話今日入。連兄弟卡都係咁樣講。真係希望去到搞得成。唔好咁多人啦。

馬王

祝好運

Ironman

加油呀32吋長腿要加把勁跑快啲！過埋今日，好運就會黎架啦