希望大家比啲意見

好煩2019

萬念俱灰 發表於 11-5-2019 23:56
我以家仲未敢返屋企面對我老豆呀

快啲返去啦，可能佢地等緊你，冇謂令老人家擔心，佢地都唔好受㗎。始終一家人，佢地唔會見死不救，過左呢關先啦。

萬念俱灰

已經返左去啦。唉

hornet

萬念俱灰 發表於 12-5-2019 00:48
已經返左去啦。唉

加油

萬念俱灰

好多野諗。諗下聽日又要點應付啲電話。又要諗點面對屋企人。聽日仲係媽媽節。我真係一個曲街

好煩2019

萬念俱灰 發表於 12-5-2019 00:48
已經返左去啦。唉

沖過熱水涼，早啲休息，聽日同兩老坦白認錯。唔好諗咁多住啦，聽日可能會冇電話。

好煩2019

加油呀 !

萬念俱灰

好煩2019 發表於 12-5-2019 00:57
沖過熱水涼，早啲休息，聽日同兩老坦白認錯。唔好諗咁多住啦，聽日可能會冇電話。 ...

呢幾日紅日希望冇啦。不過黑財應該冇假放卦。我都想唔諗咁多野。但係控制唔到。難過到喊唔出。係自己衰自己唔好。

爆破2019

萬念俱灰 發表於 12-5-2019 01:00
呢幾日紅日希望冇啦。不過黑財應該冇假放卦。我都想唔諗咁多野。但係控制唔到。難過到喊唔出。係自己衰自 ...

師兄捱過呢關就雨過天睛...呢個係上天俾你個歷練
唔會行返以前條舊路

萬念俱灰

好煩2019 發表於 12-5-2019 00:57
加油呀 !

多謝你。大家都要加油呀。不過我暫時仲係漏緊油。

好煩2019

你撐住呀，唔好諗咁多，比個腦休息吓，嚟緊仲要打仗㗎。大家會陪住你走㗎。

萬念俱灰

爆破2019 發表於 12-5-2019 01:05
師兄捱過呢關就雨過天睛...呢個係上天俾你個歷練
唔會行返以前條舊路

我係師妹。今日我第一日驚到咁。都唔知點捱落去。我知佢聽日又會打電話黎。我又唔知點對答。我真係一時間拎唔到咁多錢出黎做一筆清。煩完呢到又好快要煩埋兄弟個到。唉。好驚佢上門同淋紅油貼街招呀。

好煩2019

你入紙有号碼，兄弟就唔駛驚，所以你要快啲入學啦，再拖就真係好大鑊。

PoorGuy2018

萬念俱灰 發表於 12-5-2019 01:00
呢幾日紅日希望冇啦。不過黑財應該冇假放卦。我都想唔諗咁多野。但係控制唔到。難過到喊唔出。係自己衰自 ...

目前除左你可以做既係明日同兩老認錯同商量下有冇親朋可借錢你入學，同埋早點休息，你控制唔到人地財仔點做也控制唔到自己唔去諗，咁就唔好刻意壓制唔諗（咁可能會有反效果），諗到當你身心累到一個點會不知不覺訓著，然後休息過後才有番少少精神去走以後既路

萬念俱灰

好煩2019 發表於 12-5-2019 01:10
你撐住呀，唔好諗咁多，比個腦休息吓，嚟緊仲要打仗㗎。大家會陪住你走㗎。 ...

今日真係好多謝你地。其實我前2個月都知自己搞唔掂架啦。無意中發現呢個網仲煲左幾日。返工都係到睇。多謝你地。起碼我覺得有人支持緊自己先。

好煩2019

睇返你之前寫都係欠4間，趁果幾間未追快啲攪入學，有号碼邦人，兄弟唔會搵你。只係應付其餘2間。

萬念俱灰

PoorGuy2018 發表於 12-5-2019 01:15
目前除左你可以做既係明日同兩老認錯同商量下有冇親朋可借錢你入學，同埋早點休息，你控制唔到人地財仔點 ...

我諗好多野。我屋企係到住左好耐有好多人識。即係個啲師奶個啲。我好驚佢地會上門貼街招淋紅油。最驚佢會搞到去我公司。因為我老闆係醫生。佢好驚呢啲野。我唔係怕我自己冇面。係我衰我認。但係我想屋企人好過啲。

萬念俱灰

好煩2019 發表於 12-5-2019 01:16
睇返你之前寫都係欠4間，趁果幾間未追快啲攪入學，有号碼邦人，兄弟唔會搵你。只係應付其餘2間。 ...

我都想呀。但係我公司唔請得假。

好煩2019

萬念俱灰 發表於 12-5-2019 01:16
今日真係好多謝你地。其實我前2個月都知自己搞唔掂架啦。無意中發現呢個網仲煲左幾日。返工都係到睇。多 ...

呢度全部都係同路人，大家都行過你而家行嘅路，所以好明白你感受，雖然唔可以幫到你入學，但你有咩問題，負面情緒，壓力都可以係度問係度呻 ，好多師兄/姐都好樂意幫你解答。陪住你走。

Stanyan1229

你喊唔喊得出？因為喊到一個點，真係會好累會訓得著。師妹，我唔可以講話自己好有經驗，但呢度D師兄師姐，都知我筆數好癲，我1、2缐+扣底財，總共欠160萬。你一定要同屋企人坦白，因為佢地係會想辨法幫你，係好辛苦好難受，但唔錯都錯左，財仔上唔上門，我地控制唔到。你明天同屋企人坦白完後，盡快入學，可以既話入左比盈X先，其他D仲可以拖住。加油啊！

mchan

撐住啊，儘快搵錢入學啦!之後慢慢就會好架喇