準備入學，有少少嘢想問

mchan

Ironman 發表於 24-5-2019 12:12
佢個網又話每天有人係法院，又話以第一時間迅速安排，又話上午會面，下午已可入紙排期申請破產。
最後乜 ...

唔係咁寫，你點會幫襯佢，搵律師搞一向都會慢

Ironman

最後我最打上6C樓到，點知第二個跟我嗰位小姐原來又走咗.....但都知道咗已入紙，7月頭上庭！

Lk2019

恭喜樓主。。我爬文見。係咪要有一年銀行記錄。請問可唔可以先入紙。資料後補。有本簿唔見左。請指教,謝謝

Ironman

Lk2019 發表於 31-5-2019 09:20
恭喜樓主。。我爬文見。係咪要有一年銀行記錄。請問可唔可以先入紙。資料後補。有本簿唔見左。請指教,謝謝 ...

當時因為我cut咗份保單，6C先話要銀行記錄。
但我相信去到破處到佢地會要

好煩2019

我入紙前半年cut左份保單，頒令後見主任要我比資料佢證明有冇收過保險退款支票(幾錢)，但我全部掉晒只有保單号碼，破處會出信比保險公司要求攞返我嘅資料 (因為佢cc左一封通知我)，所以就算冇資料都唔緊要，但係一定要老實報比破署知收到幾錢。

Lk2019

咁師兄。想問銀行數會唔會要一條條解釋。 因為我依家先睇返。啲autopay數 亂到仆街

好煩2019

要呀，我要詳細例明啲錢用途。

Lk2019

咁駛唔駛比埋借錢果啲合約。

Lk2019

免tu 果啲真係要揾。。仲有問朋友周轉。

Anmi2019

Lk2019 發表於 1-6-2019 21:55
免tu 果啲真係要揾。。仲有問朋友周轉。

LK，你開個帖，一次過問你嘅問題，人哋答你又方便，自己睇噃都易d啦

Lk2019

ok 收到。唔好意思。我太亂

Ironman

有無師姐姐兄知道 美國卡 嘅fax 同 UB 嘅fax 呀？

萬念俱灰

Ironman 發表於 6-6-2019 10:07
有無師姐姐兄知道 美國卡 嘅fax 同 UB 嘅fax 呀？

你ub係邊間分行整架？有啲唔洗fax去總行。fax返去幫你整個間分行就得架啦。你上網搵下。不過有啲就咁fax一頁佢會唔收。要fax多頁白紙先fax到。

Ironman

萬念俱灰 發表於 6-6-2019 10:22
你ub係邊間分行整架？有啲唔洗fax去總行。fax返去幫你整個間分行就得架啦。你上網搵下。不過有啲就咁fax ...

Thx 師姐，我試吓照fax去分行先

Ironman

各位好耐無update !

Ironman

Ironman 發表於 5-7-2019 10:28
各位好耐無update !

我update 下我2號判咗令，成功入咗學。係之前個一個月，係呢幾年過得好輕鬆，因為唔使諗啲錢要還錢先定點。而呢一個係無任何追數電話，基本上係fax咗個呈書就無再打黎追。我欠嘅係Beon . UB,  
細新、DAS , 美國卡，K現金，都無再追。係信用卡戶口除消嘅時候就寄信黎話要幾多日內還全數，過哂時間，但都無再打黎追同再寄信。最難捱係剛同律師樓去申請破產嘅時候。時間較長，所以特別難捱，要不停避收數佬電話、又拍佢地上門.......
所以如果非必要都係自己處理，快好多！

判令前破署寄咗信黎，話判咗令就5日內去某某律師樓交文件，睇返stanyan 師姐嘅post應該暫時係破署自己跟，不過可能遲啲會畀返外判掛，呢個就唔知道啦。
今日我都去埋律師樓到交文件，幫手收資料嘅哥哥話有咩就揾返個主任啦，同埋畀咗4張年表我話每年填完就交畀破署。最後就係咁啦，似我要再揾返破署主任問下情況先！

Ironman

應該係anmi2019師姐嘅post先啱.....sorry

Anmi2019

Ironman 發表於 5-7-2019 10:44
應該係anmi2019師姐嘅post先啱.....sorry

恭喜成功入學，邊個post都無所謂啦，最緊要幫到大家^^

破星

我都恭喜你！

破星

6c真係好慢，6月尾上去填表申請，攪到昨日先有人打比我約我下星期上去宣誓，問清楚後話仲要等多幾日先得閒去幫我入紙排期，佢地唔會理你有幾急，廣告講到幾快都係吹水。我依家都心大心細，咁橋新公司又叫我下星期返工，人工雖然唔夠每月還，但屋企人話可以幫我頂住差額，真係考慮緊想蝕6c訂金唔再攪老破。