埋尾一年問題 跪求解答

Taky333

本人破產3年 今年12月到期4年
今日比叫上去李周開會
我既情況係開頭有返工還左2年之後 我求其話要照顧屋企人而辭工 就冇再還過錢
好問題黎啦
佢家陣就話要我比醫院證明屋企人係需要照顧，如果比5到就要還足果段時間既錢(ps我之前有返工還錢個金額), 我問佢就咁證明有咩病好似心臟病血管閉塞咁得5得，佢就話一定要醫院證明需要人照顧先可以
然後佢話我既債主好唔滿意而且有寄過好長一封英文信黎質問我，內容就係話我5返工5還錢，要加我監咁樣，好啦咁李周就話叫我還返之前冇供既錢同埋黎緊會繼續供返數，如果5係就會加監同上庭，因為我無返工果時收入係寫朋友幫比，佢話會要求埋我朋友出庭，同埋到時堂費係我比，話大約5000至20000

我想問既係當我拎5到醫生紙咁我果時都無返工啦，我仲要還返果段時間既錢？另外加監既話我要上庭之外仲要比錢？仲要叫埋幫我既朋友上庭？求大佬們解答
最後我問佢政府派錢果到，佢就話無自己用一定要比出黎同埋一定要去拎，姐係我一定要去拎果4000比佢啊？

果橙

我相信樓主你一定要提供到證明比佢哋，如果唔係佢哋一定會咬住唔放

果橙

一直爬文睇過有無數次關於李周係會第四年清算，尤其你沒有工作，如果你反對或覺得不公平，或者你可以打去破處嘗試資詢，但勝算未必大

kktiger

想問下樓主，你一開始無做野時有冇通外判，如無這點你洩底

金龍華

吓，失業都唔俾咩，我過年前被炒，家陣都未搵到工喎

cl475867

李周呢間外判既做法係係你最後一年先同你算帳

Taky333

如果我不反對由佢加監呢，咁都要上庭比堂費？

Taky333

我辭左工有即刻通知，佢家陣意思就係我一係比錢一係加監上庭，另外政府果4000一定要拎同全數比佢

Taky333

我無做野果段時間都要比錢 我好奇怪 咪由佢加期囉 但佢又話要上庭又要叫資助我既人上庭仲要比堂費，我好好奇呢樣野係真既？

Anmi2019

cl475867 發表於 12-3-2019 19:13
李周呢間外判既做法係係你最後一年先同你算帳

依間嘢咁衰，多謝師兄提點

bbbbbbb07

李周既， 你點都要比， 你唔比， 佢會直接同你講， 咁樣好難解破！

laam92517

但系返唔返工呢個系我自由 我有返工要還錢咁系正常 我唔返工做件廢物你都無我符 最搞笑就系比唔到證明就要還足錢 你比張銀行月結單比佢佢仲可以點 我今年零收入你要我還十萬咁點還

laam92517

最緊要你無返工有通知佢 果時我外判宏x知我無做野都廢事理我

laam92517

真系未聽過因為破產後唔做野會比人告 佢大你姐 你話照顧屋企人咁都唔得 我諗上到庭個官唔會叫你唔好照顧屋企人掛

flo

唔做野都唔比，法律上都冇話唔比人失業，唔比懶唔做野要告你

flo

下次錄音，你上去又好，聽電話又好，真係告你可能用得著

貓女

樓主你破時欠邊幾間??

貓女

佢話我既債主好唔滿意而且有寄過好長一封英文信黎質問你，內容就係話我5返工5還錢..

咁你叫佢叫債主介紹份工比你返..再唔係打電話問主任,你係咪唔返工要加監?
無返工都一定要我比錢?? 問下主任外判而家係咪要迫死你??

flypig

破產可以唔留工，根本唔需要驚。你以為 將震完 有番工?
你可以覆番佢：
1 無工作無收入
2 要加監要上庭無問題，非常之歡迎。
3 等緊佢排期上庭，記住預早通知
4 由於無收入，堂費都唔會有錢俾。而且要睇個官點判，因為你未必輸！，


哈哈！你無收入，破產無錢還又唔會坐監，你根本無得輸。反而，佢可能拖你，遲遲唔出不反對解破書，
但如果搞得3個月6個月，你不斷去一仔，破署，相關機關投訴，話佢效率慢有心針對，可以搞番佢轉頭添！，