破產聯盟

 找回密碼
 註冊
查看: 8553|回復: 0

破產 FAQ 21 - 破產後是否一定不准住租金較貴的地方?

[複製鏈接]
發表於 10-10-2008 13:55:55 | 顯示全部樓層 |閱讀模式
Question:
我準備申請破產, 但其實我都失業左四個月, 中間只找到散工做, 破產後是否一定要我找到工做.
我是租屋住, 每月六千八租金, 但幸好有我家人幫我付擔, 但他們無能力幫我還款了.
破產後是否一定不准住咁貴租呢?


Answer:
1. 原則上,破產人士要係能力範圍內扣除必要生活開支後,餘下d錢便要還債,還得幾多得幾多,吾係一定要還晒所有欠債.當然啦,可以還晒所有久欠債,從此個record乾淨番晒.

2. 又即係話,如果真係能力所限,一d錢都吾還都得.

3. 換句話說,如果你人工係剛剛好或低於所批準的生活費上限都無問題.

4. 換言之,如果你可以解釋到破產期間內,d生活費係點來,搵吾搵長工都無所謂.又即係話,你可以話d錢係兼職收入、家人/男朋友/丈夫接濟你都得,但逢係有銀行記錄果d錢,就要報上去,即係兼職出糧的支票及其他人轉賬比你的錢.

5. 有不少前人係破產前係攞緊綜援,或破產後才去申請綜援,綜援d錢都係填埋落果份週年報告表.

6. 所以,係破產期果四年完全無正職收入,如果個負責你個case的人接受到,就可以過骨.不過如果你想做得好睇少少,可以把兼職的收入報埋上去.我第一年除左報埋兼職收入上去,仲寫埋變賣珍藏的漫畫.而第一年仲特登去讀建造業訓練局及僱員再培局的有津貼的課程,以便幫補生活費之餘,份週年報告表會好睇d.

7. 租金問題,比較複雜,千祈吾好比藝員鍾xx係破產期間的食好住好的生活條件而被誤導.

8. 原則上,破產人士不能過太奢華的生活,及有責任扣除必要生活費的開支後,餘下d錢便要用來還債,還得幾多得幾多.

9. 所以,如果破產管理處接受到你一個人住係$6800的租住單位,咁都無問題.但如果係無正職收入,而你份兼職或其他來源的錢都cover吾到你依家個$6800的租住單位.所以你要有心理準備要可能搬去4000元以內的租住單位、或搬番去同屋企人住、或辯稱係男朋友暫住幫你比租金,令到條數好睇d及合理合埋d.

10. 但如果你不嬲及末來都係搵開一萬幾千至二萬蚊人工,以往都一直都係住開$6800的租住單位,睇番其他前人的分享,你多數可以過到骨.不過要有心理準備會被破產管理處質疑是否有需要一個人住咁貴的單位,唯有辯稱果度治安好d及管理好d,單身女仔一個人住會安全d,睇下佢地信吾信.
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 5-2-2023 06:55 , Processed in 0.076310 second(s), 21 queries , Apc On.

Powered by Discuz! X3

© 2001-2013 Comsenz Inc.

ٻظ 返回頂部 б