欠款話要凍結戶口及出信通知公司

vicfre

邊間外判?
外判唔可以透過除了高院的收入付款令(IPO)其他手段去逼還供款,你可以去高院入紙根據破產條例83條:

針對受託人向法院上訴
破產人、任何債權人或任何其他人如因受託人的任何作為或決定而受屈，可向法院提出申請，而法院可確認、推翻或修改被申訴的作為或決定，並就此而作出其認為公正的命令。

通常公司會因為收入付款令而知道你破產的,但如果話你欠款就出信通知公司手法好有問題,受託人要有IPO先可以逼公司代你俾返受託人。

vicfre

我都係呢間喎，我而家仲未供款俾佢地，等高院判，佢地亦無恐嚇我通知公司同凍結戶口，只係話高院見。
你唔洗怕佢地，如果佢地真係凍結你戶口，可以即刻入紙排快期同老爺講，不過你要預備好俾佢問點解唔供款等等問題。

vicfre

43E.收入付款令
(1)法院可因應受託人的申請而作出一項命令(收入付款令)，為破產人的產業申索在該命令有效的期間並屬該命令指明款額的該破產人的收入。
(2)如收入付款令會使破產人的收入減低至法院覺得在應付該破產人及其家庭的合理家庭需要方面而必需有的水平之下，則法院不得作出該命令。

問題在於外判繞過法院，這可能因為可以不受43E(2)對外判的不利影響，可以收取更加不合理的供款。連破署要收錢都去法院申請收入付款令，點解外判可以唔洗？

vicfre

flypig 發表於 19-9-2018 18:17
講掂數可解涷！但如果拖太長，或者人地唔like,可以 叫銀行取消你戶口。
其實講咁多都無用，拿拿臨同佢講 ...

佢好似講就算一個星期俾返都唔得,話李X已經做左野...

vicfre

我公司都收到信，我同大家分享下。
原來封信係講，果Ｄ 花紅，散水費都要俾返李Ｘ，仲俾埋封債權人會議記錄證明佢地係受託人。
佢地咁樣做的目標好明顯，就係要教訓我，俾顏色我睇，不過，公司睇完後都係「哦」左一聲。
仲話下年人工可以按佢地批的生活費一樣

vicfre

我個CASE係開唔足生活費，我拒絕簽名，我叫佢地俾法院評定生活費。
果封信係好正常「通知」，佢地有權通知，咁我個情況肯定係佢想俾壓力我／報復。

vicfre

admin 發表於 27-9-2018 00:11
其實我係呢度都講過好多次。爭政府錢，你無得避！除非你死左或者走佬！

唔好以為外判就唔得，外判係根據破 ...

我曾經問過破署主任，佢話只有老細收到有高院印鑑的income payments order (IPO)先要俾錢俾外判，皆因勞工法例仲要遵守的，而且IPO只會講每月有幾多生活費或者每月要俾幾多錢俾主任，唔會全部俾外判之後扣起供款最後先俾返我。所以我覺得好奇，點解外判可以代老細出糧？我係合約制，每年無限續約果種，仲要唔係返佢公司返工，合約寫好左每日做幾多個鐘同每月有幾多人工，所以老細唔會玩野。