欠款話要凍結戶口及出信通知公司

gimasham

有冇人試過？

阿三妹妹

gimasham 發表於 28-9-2018 11:51
我上星期已還清比佢 佢話我過左幾日所以公司已經做左野 我戶口已被凍結

你都知道人地是正常程序，等待佢慢慢解凍啦！大家引以為戒。

gimasham

我上星期已還清比佢 佢話我過左幾日所以公司已經做左野 我戶口已被凍結

admin

vicfre 發表於 27-9-2018 01:02
我曾經問過破署主任，佢話只有老細收到有高院印鑑的income payments order (IPO)先要俾錢俾外判，皆因勞工 ...

呢D有晒程序。根本唔難。只要有證明你有意唔比錢，即刻入紙。高院法官唔駛開庭，簽個名就得。

千奇唔好以為，上高院，要請 6C 打。呢D基本上只係文件交收。

我…朋友當時無錢交稅…唔信可以試下。幾個月見效。

vicfre

admin 發表於 27-9-2018 00:11
其實我係呢度都講過好多次。爭政府錢，你無得避！除非你死左或者走佬！

唔好以為外判就唔得，外判係根據破 ...

我曾經問過破署主任，佢話只有老細收到有高院印鑑的income payments order (IPO)先要俾錢俾外判，皆因勞工法例仲要遵守的，而且IPO只會講每月有幾多生活費或者每月要俾幾多錢俾主任，唔會全部俾外判之後扣起供款最後先俾返我。所以我覺得好奇，點解外判可以代老細出糧？我係合約制，每年無限續約果種，仲要唔係返佢公司返工，合約寫好左每日做幾多個鐘同每月有幾多人工，所以老細唔會玩野。

admin

其實我係呢度都講過好多次。爭政府錢，你無得避！除非你死左或者走佬！

唔好以為外判就唔得，外判係根據破產的委任，基本上有晒政府的權力。

唔比政府錢，一般做法：
1. Freeze 晒所有銀行
2. 通知老闆
3. 叫老闆唔出糧
4. 叫老闆出糧比佢

再落去我就唔知啦。

樓主老闆實開心架，比你生活費，即是出小D糧。

樓主一定覺得過引，死未，外判玩野啦！

不過樓主因住玩大左，以後出糧上佢出，老闆先比錢佢，你就月月都要受人面色啦！

樓主要求神老闆是好人，唔會落井下石！老闆叫你開 OT，咁你開唔開？開就無人工，唔開就博炒。當一個老闆知道你走唔甩，打工的遭遇會完全唔同！

tsang123

多謝ching 兄分享

vicfre

我個CASE係開唔足生活費，我拒絕簽名，我叫佢地俾法院評定生活費。
果封信係好正常「通知」，佢地有權通知，咁我個情況肯定係佢想俾壓力我／報復。

highman01

vicfre 發表於 21-9-2018 10:43
我公司都收到信，我同大家分享下。
原來封信係講，果Ｄ 花紅，散水費都要俾返李Ｘ，仲俾埋封債權人會議記錄 ...

其實d版友係擔心
外判會否在正常的情況下
通知僱主 引起負面影響
你可否講下你個c a s e
在什麼清況下 會主動聯絡公司(剛入學/欠上缴/交年報)？
Thx!

vicfre

我公司都收到信，我同大家分享下。
原來封信係講，果Ｄ 花紅，散水費都要俾返李Ｘ，仲俾埋封債權人會議記錄證明佢地係受託人。
佢地咁樣做的目標好明顯，就係要教訓我，俾顏色我睇，不過，公司睇完後都係「哦」左一聲。
仲話下年人工可以按佢地批的生活費一樣

flypig

vicfre 發表於 19-9-2018 19:13
佢好似講就算一個星期俾返都唔得,話李X已經做左野...

我同佢講比一星期時間我入返 佢話唔得 公司已經做左野
其實,對方都係求財.
宜家俾些少野樓主睇.
到最後,佢都要出信幫樓主開番戶口.

當然,佢可以 唔涷結/立即解涷!!!
又可以先涷結/取消樓主戶口.
宜家只有肉隨砧板上..............................

最佳做法就係同對方傾...........亦無其他方法

sun0911

我都係呢一間，我都覺得呢一間好能hi，之前我月入萬六左右，要供要兩個細路同啊媽，基本上一個月都唔夠洗，仲要我每個月供成千幾蚊，我就谷鳩氣唔翻工話翻大陸做野。

vicfre

flypig 發表於 19-9-2018 18:17
講掂數可解涷！但如果拖太長，或者人地唔like,可以 叫銀行取消你戶口。
其實講咁多都無用，拿拿臨同佢講 ...

佢好似講就算一個星期俾返都唔得,話李X已經做左野...

flypig

gimasham 發表於 18-9-2018 13:01
如果真係凍結戶口 係咪唔會再解凍嫁？

講掂數可解涷！但如果拖太長，或者人地唔like,可以 叫銀行取消你戶口。
其實講咁多都無用，拿拿臨同佢講數就真

alalfred913

諗下點同公司解話吧
唔一定諗到咁壞公司會炒既

阿三妹妹

我一家老小靠份糧食飯。試過頌令前的凍結連飯都開唔到。所以絕對怕怕

airmax

阿三妹妹 發表於 18-9-2018 06:58
其實佢都唔係恐嚇，你唔入錢，唯有凍結你戶口，等你個個月上佢公司出糧。我唔明白，點解唔準時上繳，自己最 ...

某啲討論區話破產人士係無賴，都唔怪得人。

gimasham

如果真係凍結戶口 係咪唔會再解凍嫁？

flypig

vicfre 發表於 18-9-2018 09:47
43E.收入付款令
(1)法院可因應受託人的申請而作出一項命令(收入付款令)，為破產人的產業申索在該命令有效的 ...

問題在於:
1 如果 受委託人直接 係銀行拎走你錢,可能要經過一大輪手續,如經法庭之類.
2 受委託人要FREEZING 你戶口,就完全無問題.
因為一老破,所有銀行戶口的開戶/延用,都要人地 Golden Head Nodded...
人地可以隨時 SHUTDOWN(Permanent),或者FREEZING(temporary) 都可以.

highman01

而係外判發覺你唔肯供款 佢玩下你 樓主可否講下欠左幾多期 咁大牙齒印