破產 FAQ 19 - 破產期間想買保險及出入境、旅行

admin

Question:
我現在是破產人士,申請破產到現在剛剛過了一年,而我亦在這一年裡失業了.最近我的家人想幫我買保險,我之前是沒有買的,而我的家人覺得有這需要所以他們想幫我購買,我想知我可不可以購買保險,如果可以,要不要向破產處申報,如果要申報是用書面通知嗎.另外如果我想去旅行要不要通知破產處,而且要怎樣解釋旅費是怎樣來的呢.


Answer:
旅行呢個問題最易答.你可以事前通前破產管理處話你會幾時會出海旅行,而費用由家人全數付出.

「可以，但所有開支都不能由破產人的資產和收入支付。此外，破產人應在旅行前通知他／她的受託人有關其旅行安排。」
http://www.oro.gov.hk/cht/faq/faq.htm

保險方面,係吾比賣.不過既然係由家人幫你買,咁你大可以隱瞞呢件事,無必要比破產管理處知道,就算係穿左煲,你都可以死撐話係屋企人靜靜雞買份保險,當你有乜野事時都可以有個保障.

就算真係你自己比錢買份保險,最好吾好係你本銀行存摺有有關的自動轉賬記錄,當然啦最好係全部用現金去交保費.

反而最煩係,若果真係大吉利事,有不幸事件發生,咁保險公司賠錢比你時,你點解釋存摺記錄有呢筆錢.如果你以往不需每年交銀行存摺記錄上破產管理處咁就易過骨d.

admin

Roy 哥補充：

我當時交文件個陣,外判公司個職員都話出境1-2日吾使通知.

係網上小小資料.

破管署申請 獲終院判條文違憲.破產人士離境放寬申報

終審法院2006年7月20日為全港接近七萬名破產人士宣布一項喜訊，裁定現行《破產條例》中限制破產人擅自離港的條文，違反《基本法》中保障港人出入境自由的規定，終院五名法官以四比一大比數，同意破產管理署申請廢除《破產條例》有關條文，放寬破產人士離開香港時必須向破產管理署申報的做法。今次亦是首次有政府部門要求法院宣布現行法例違憲。

破產管理署今次是以兩宗破產者個案為基礎，要求宣布廢除有關條例。涉案的破產人陳永興及林海山（均為譯音），因為未能償還七萬多元及逾一億元欠債，分別於○○年被判破產，他們的破產令原定在前年自動解除。破產管理署前年以受託人身份向高院提出申請，指兩人未有依例向署方擬備入息及取得財產的周年報告，要求延長兩人破產期。

《基本法》保障出入自由

不過，高院聆案官在原審時指出，陳、林於破產期間每月往返中港十至三十四次不等，且未通知破管署，因有關期間不會被計算，署方過早提出申請，故駁回署方申請，署方向上訴庭上訴亦被駁回，破管署遂再向終審法院上訴，指該條文會加重部門工作量，要求宣布該條文違憲。

涉案的《破產條例》條文規定，破產人一旦離港，須把離港一事及聯絡處通知其受託人，否則會暫停計算其破產期，直至他通知受託人他已返港。終院又指出，《基本法》保障港人出入境自由，但涉案的條文卻限制了破產人的出境自由，除非該條文的限制屬於合理及不可或缺，否則便屬違憲。

涉案條文非不可或缺

終院指出，有關限制雖然合理，但並非不可或缺。破產人一旦違反該例，不論任何情況，都一律不會獲豁免，這種限制過於嚴苛。《破產條例》主要是保障債權人權益，債權人或受託人認為破產人不合作，可向法院申請延長其破產期，已給予債權人保障，涉案條文並非不可或缺，故已屬違憲，但終院未有提出以後的做法。

破管署發言人表示，未獲解除破產的破產者，應繼續與他們的受託人合作，履行他們在《破產條例》下的責任，發言人又指會諮詢有關部門意見後，考慮是否要採取跟進行動。破產人如對判決有查詢，可致電破產管理署，電話號碼：2867 5828。

根據破產管理署的統計，截至2006年七月中，未解除破產令人士約有六萬九千人，今年上半年每月平均新增破產人有八百多人。

http://hkiva.org/viewthread.php?tid=319&page=1#pid1984

admin

會員經歷

haha, 呢排真係好忙, 好耐冇上過黎la, 大家都幾好嗎?

講番正題先~
希望大家留意下, 如果必需要出境, 請大家留意下出入境ge時間...
原因係上星期, 我有事要出境幾日, 當然事先都有fax比主任講明邊幾日唔係香港.
返香港時, 就出現左個情況, 就係人太多ge關係, 所以我係人地度出境係11:45pm,
但入香港境時, 已經係第二日ge 00:03am...
事後, 我都有講番我ge情況比主任知, 咁主任都好nice咁話: 咁補番張解釋比我啦, 畢竟過左12點就要當做第二日...
所以大家要留意喇,
如果出現好像我咁ge情況, 記得第一時間同主任講, 費事到時有咩誤會影響到個破產期就唔好啦...

p.s. 雖然遲左好多, 但都祝大家: Happy New Year~~

原文：
http://hkiva.org/viewthread.php?tid=319&extra=page%3D1

admin

會員提烘的通知表格：

本人xxx,破產案xxx年第xxx宗,現通知受託人,本人於下列日期離開/進入香港
之有關情況:
離港日期:
回港日期:
目的地:
離港原因:
使費支付者姓名:
希望這離境通知書幫到你

原文：

http://hkiva.org/viewthread.php?tid=321&extra=page%3D1

ebayer

本人做網上生意, 經常(每個月平均4次),要到大陸買貨,即日來回需唔需要預先申靖 ?? 咁嘅情況, 係咪要每次申請呢?

温sir

呢個問題之前我問過主任，佢口頭答我 ﹕而家唔使嘞，除非離境時間比較長，一般一、兩日來回嘅係可以唔駛報嘅。
但亦可以用Fax通知主任就得。