破產聯盟

 找回密碼
 註冊
查看: 11503|回復: 1

破產 FAQ 14 - 破產後能否重新做人?

[複製鏈接]
發表於 8-10-2008 01:57:54 | 顯示全部樓層 |閱讀模式
咁睇下你點界定「重新做人」?及千祈吾好比藝員鍾XX的所謂成功甩身的例子誤導左自己!

我之前的幾篇blog都講過好多次,破產後便不能再申請私人貸款、信用咭、樓宇貸款、購物分期付款等等,所以下半生會有好多的不便.

如果你以前欠落的數吾係太大,又未試過係財務公司借錢,咁破產期完後,攞埋張解除破產通知書,便帶埋張野去可以去aeon分行試下申請吉之島與aeon聯營的信用咭,而 limit有$5000.

如果申請成功,咁你下半生可以係吉之島買左用呢張咭用分期付款,及可以呢張信用咭交上網費、電話費等,雖然個 limit 吾係多,但都可應付一般需要.

但吾係個個前人都能申請成功,小弟正是失敗例子.

如果你做的職業吾係d專業行業(e.g.律師)或金融行業等等,破產與否影響不大,因果幾類行業好著重個人操守及個人誠信.

換言之,對一般人來講,申請破產期間,你單野好大機會通晒天,特別係某d財務公司依然會係你申請破產期間繼續係你的工作及居住地方騷擾你,大銀行一般好少會繼續搞d申請破產的人士,但不排除某d銀行會把你條壞賬賣比收數公司,因此果d收數公司依然會係你申請破產期間不斷搞你.

另一方面,如果你計過條數,如果每個月只係比minimum payment,咁你要用好多年先可以找晒條數,例如20萬card數,假設你每個月固定還1萬銀,計埋利息,大約31個月便找清條數.

Visa卡數的計法如下:
month 1: loan: $200000, payment: $10000
month 2: loan: $196000 (i.e. $200000 x 3% + $200000 - $10000), payment: $10000
month 3: loan: $191880 (i.e. $196000 x 3% + $196000 - $10000), payment: $10000
month 4: loan: $187636, payment: $10000
month 5: loan: $183625, payment: $10000
..................
month 31: loan: $9698

但實際上,有幾多人真係月入過萬,而又吾駛比家用,又或係單身?

講真,如果你人工有番咁多下,及高薪厚職,申請債務重組會仲好.我係以前其中一篇的blog有提及.

所以,你可以批評所有申請破產的人係逃避現實.但好處是未來四年可以有番比較好的生活條件,雖則係破產期內的開支上限是有限制,但「你有張良計,我有過牆梯」.

雖則破產後,你下半生的信貸記錄會一世花左,但可以解除前半生的沉重負擔.

結論: 都係果一句,你下半生發左達後,銀行就會走上門搵你做生意.
 樓主| 發表於 24-1-2009 14:02:12 | 顯示全部樓層
會員 Intel 的重生:


大家好, 我係新人, 由she.com 轉過呢邊睇既. 我完成4年破產期已經1.5年了, 身邊朋友家人無一個人知道我係破產人仕, 因為我好彩自己住, 當年攪破產時剛好轉工, 公司都唔知道咁多野.

個4年間我係外判case, 由渣打搵law firm睇我個case既; 真係睇得好緊, 無父母使費無上網電話費, 更不用想什麼睇醫生讀書個d. 所有費用例如比家用/買衫/睇醫生/比人情(呢個真係好慘)/配眼鏡等等都要係個 $3000/月 既"膳食費"入面自己想掂. 而且4年當中我唔方面出境, 所以推左好多工作上要出trip既發展機會, 就連一d 推唔到既business trip, 去住酒店時都要另我煩+預備好耐, 因為要用cash比deposit, 公司又係出完trip先一次過比番d使費既 (邊個知我無卡丫). 真係試過為慳一個幾毫, 由中環行去坐船, 再轉bus番屋企 (比mtr 過海平5蚊) ; 早上趕返工就係屋企行2個mtr站先坐車, 因為分段收費可以另個一程既mtr平1蚊. 中午lunch 我講大話同屋企住, 所以有得拎飯(大男人3x歲仲要拎飯) 實情係自己去買d 平野自己煮飯 (有人知點可以$15食1日3餐, 問我啦); 平時又要周圍囉/收集費紙, 拎去d 回收站 賺10元8塊; 過年過節過生日收既禮物, 馬上放係yahoo拍賣賺番d; 病左無錢睇醫生就係咁食公司pantry既必理痛+幸福傷風素....

講左咁多, 好似好慘咁, 但係個4年既心情基本上係輕鬆既; 無錢另我完全變成另一個人, 以前一鐘意就買野, 送野比朋友好疏爽, 年年去旅行都大洗特洗, 從未想過要儲錢, 點知一場SARS, 另我比公司拖6個月人工, 6個月之中只可以 "用卡去生活", 就係咁唯有選擇呢條不歸路 ....破產個4年真係完完全全唔同左, 學識左用錢係要"PLAN"既 (因為試過月尾2日得番廿蚊連坐車都唔夠, 焗住要請假唔返工) ; 學識左唔用錢既娛樂 (睇下電視, 做下運動); 學識左真正既朋友唔一定用錢去聯繫既 (以前成日送野比人, 而家只係生日先送小小心意, D 朋友依然KEEP到); 學識左講大話既技巧 (要暪4年身邊所有人, 唔易架)....

4年完左之後再出第一份糧, 第一件事係走去 DUP骨 (健康個隻) , 因為個個月D錢都係自己用哂, 每個月多左萬幾蚊呢 (還款$13684/月, 好記得). 之後既幾個月都係有D放監既心態, 去食去買去旅行....最近呢一年才收歛左學人儲下錢, 而家戶口唔係話有好多, 不過都儲左5-6萬 (一年咋).

而家我等既就係多3年既時間, 我CHECK過X聯個網, 佢話 破產紀錄係KEEP 8年, 由2003年計起我2011尾就可以從新做人了, 我要用呢3年再儲下錢, 打好個底. 大家一齊努力吧.



http://hkiva.org/viewthread.php?tid=383&highlight=
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 29-3-2024 05:14 , Processed in 0.045555 second(s), 22 queries .

Powered by Discuz! X3

© 2001-2013 Comsenz Inc.

ٻظ 返回頂部 б