破產聯盟

 找回密碼
 註冊
查看: 21059|回復: 6

破產FAQ - 06 - 解除破產

[複製鏈接]
發表於 5-10-2008 13:35:51 | 顯示全部樓層 |閱讀模式
一般來講,你要係法庭判你破產後,要上破產管理處傾日後的開支上限,及佢地應該會同你講你要係每個破產週年前交一份果一個年度的收入及支出的報告表,咁即係四年的破產期要交4份報告表.

咁理論上,呢四年係吾駛同破產管理處有任何聯絡,但當你係呢4年有任何職業的變動、薪金的改變、家居地址及聯絡電話的改變、或離開香港一段時期,便要書面通知破產管理處.

咁當你4年破產期完結後,及交埋第4份報告表,如果破產管理處沒有聯絡你,便是你的破產令正式自動完結.


及你可以寫信或致電破產管理處查詢你的破產令是否完結,及可以順手要求破產管理處寫封信比你去高等法院去索取「解除破產證明書」,理論上你有左呢張「解除破產證明書」便可以問番銀行借錢及申請番信用咭.

但事實上,銀行不會接受曾經破產人士申請任何私人貸款及信用咭.

如果你以前欠落的債不算多,及沒有在財務公司借過錢,你可以試下帶埋張「解除破產證明書」去aeon申請信用咭,limit有$5000,及可以係吉之島百貨公司購物時做分期付款.


當然啦,如果你有份高尚職業及有番咁上下收入,及係果一間銀行有相當大金額的定期存款,銀行不會拒絕同你做生意.
 樓主| 發表於 8-1-2009 11:24:12 | 顯示全部樓層
會員補充:


咁又唔係勁
開頭申請破產, 月入9000.  一年後揾到份工有15000, 計過數点都係要還. 米申請IVA, 同埋覺得, 欠債還錢, 係應該, 自己買一個教訓, 好過淨係等4年. 最後每月還7610, 還左4年半.  清曬條數.

但係衣家申請乜, bank 都係rejected.
所以覺得 "還左的錢是白還"


咁即係,無論點,你個 record 都係花左。


原文:
http://hkiva.org/viewthread.php?tid=215&highlight=
發表於 1-2-2009 20:58:49 | 顯示全部樓層
在破產期間可否轉為 IVA,其實我欠四十個,現在應該還了十個,我和太太有一層居屋,如果同銀行按我估都可以有三,四十個,現在我有一份工,家庭收入有18,000,每月可還5,000,可以分5至6年供完.

想問這樣可否即時解除破產,重獲自由.
發表於 1-2-2009 22:12:20 | 顯示全部樓層

回復 #3 tigger 的帖子

咁同上面Admin所答一樣,你當然可以自行申請解除破產啦,
分別係你要分期還錢,直至還清,同埋可以做返老板。唔使捱滿四年。
無分別嘅係,個底一樣係花咗,因為你都係"曾經破產人仕"!
所以我認為,既然已經搞咗破產,不如叠埋心水捱滿幾年,無謂再徙律師費,除非破產記錄有影響你日後職業就另作別論。
 樓主| 發表於 22-2-2009 00:05:29 | 顯示全部樓層
多謝會員 遊戲

原文:
如何去攞 "解除破產證明書" 程序更新
http://hkiva.org/viewthread.php?tid=603&page=1#pid4690

小弟早前在這查詢過有關如何去攞 "解除破產證明書",手續須要有點煩瑣,不過好在在攞之前得到幾位師兄講解,小弟先多謝一下   admin,gpo4074 (John Chung)及 samtsang 大哥。 特別係 gpo4074 (John Chung) 大哥 介紹呢條 link 非常有用   
http://www.oro.gov.hk/cgi-bin/oro/search_c.cgi

小弟剛去辦理完 "解除破產證明書" 手續,現小弟可以根據以上幾位大哥提供資料再整理一下步驟,這樣就詳細一點說明,手續如下:

1.) 如果你剛過了 破產解凍期已有一星期後 或最好一個月,可先在以上網站內輸入你檔案號碼 及破產令日期,然後找出最新跟進 case 官員,再聯絡他(她)有關欲取解除破產證明書事宜。 當有關人員核實你的資料後會再約你一星期後某時到金鐘破案管理處拿信時,你最好早15分鐘前到。

2.) 一定要親身上去破產處,並最好帶備自己身份証副本,當知道在幾樓後(假設12/F),在出電梯後會見到一邊門好似有個 counter 位,位外牆身有個分機電話,旁邊有個 Tel List,就按這個 list 找你要找的人,說你的名字 及已說明已約好時間來拿文件等。

3.) 官員出來後會比一張 form 你填,只是填一些個人資料及 你嘅破產檔案號等(最好記低自己個檔案號)。 填好交回該官員後他就會給你一封有個 chop 嘅信。

4.) 即時拿這封信到乘電梯到地下,再轉乘扶手電梯落一層,就過對面果座高等法院嘅 LG1/F (即 G/F 落多一層)。

5.) 出電梯後,轉左手面,因高院電梯只有一邊方向,所以一定是左面,進入後會見到一條長走廊,你進去的位置剛好是長走廊的 2/3,就選最長方向行,亦都係左面。
一直行到盡,會見到有個大房,房號係 105,門口寫有什麼 "無律師答辨.... "。

6.) 進入房後,左面有部不顯眼嘅機,按制取飛(取輪侯號碼),取了飛仔後(如果人多可能等叫號),在門口的右面有個窗口,就把飛仔連同你果封信一起比果位職員並告知何事,他便會又給你一份文件要填 (其中一張係日後你的取証受權書),不過都係填些個人資料及 破產檔案號等,遞交之後他會核對你嘅資料,然後會叫你去申請宣誓 並 叫你影印你剛才填的文件、你個人身份証 及 從破產處攞來的信。 (不過我覺都暫時唔使影住,等埋下一個步驟先!)

7.) 然後,出番電梯位置的右邊 (但在走出這個 105 房後,旁邊亦有條 sort cut,不過最好走返原路),即剛才入長廊的對面,進入後會見到有個地方可以比人寫野,睇書,有印影機等等.. 嘅地方,再走多幾步,會見到有一排窗口位由3~7、跟住8~9 號等,再行過8~9號窗後,會見到有間房(房號 159)。 呢個房其實係兩個前後細房組成,你就先去最接近 8~9 號窗果個房,即係順序的第一間房(或面對著的左面),然後把你剛才在105 房的*文件,交給那個小房內的職員核對,之後她會問你有冇信教?信乜教?對好後她會把你從105房交來的文件連同你的身份証副本打個印仔。
*註:文件有105房給你填的一張,破產處的信一封,你準備好的身份証副本等共三張文件。

8.) 之後,出番第一個細房後再走前三步,有間同樣大小格局的房 (或面對著的右面),那就是宣誓房。 坐低後,職員又會核對你個人資料,然後佢會即刻指下就在你前面抬面有幾張不同文字的宣誓詞,多數指你中文果份(除非你係外國人),總共四句,然後照讀,跟住起身走人!
這時,我覺得你可以把已打好印仔的文件(即105房的文件 及連同破產處的信共兩張紙,取証受權書唔使影,果張比你攞走) 攞去剛才入門口果度影印,八達通可用。

9.) 然後在剛進入時的一排窗的地方(由3~7號窗)排隊交回這些文件 (有105房給你填的一張,破產處的信一封,你準備好的身份証副本等共三張文件)。
他們會同你講,自己數三星期之後再到 115 房取回正式的 "解除破產證明書"。
115 房即係行出宣誓房(159房)同一條走廊向前行到盡便是!

- 以上由 2、6、7 每個過程都須要出示身份証,整個過程我用了45分鐘。
 樓主| 發表於 20-4-2009 01:30:26 | 顯示全部樓層

如破產令提早完結,管理署需收取總欠債額25%費用!!

多謝會員 BBQ 提供

首季破產達4600宗 部份富人欠債逾億


金融海嘯的後遺症進一步浮現,富豪亦不能幸免。

今年首季,破產申請累積已達四千六百多宗,較去年同期上升逾一倍。上月個人破產申請更急增兩成四,創五年新高,有近一千九百宗,是自○三年八月以來單月的最多的申請。有律師表示,有個案的欠債高達逾億元。

據破產管理署資料顯示,三月份個人破產申請達一千八百七十二宗,較前月多三百七十多宗,升兩成四。而該署發出的破產令亦有一千七百多宗,較前月微升百分之一。

有專門負責處理破產個案的律師透露,近期申請破產人士,不乏一些富有人士或廠商。他們因投資失利及周轉不靈而破產,部份個案的債權人多達二至三十個,欠債額高達數千萬,甚至逾億元。 另外,亦有酒樓因容許熟客以「月結」形式付款,當客人申請破產後,令酒樓亦被拖欠近四萬元,成了債權人。

經濟師范婉兒亦預期,本港經濟要較長時間才能有較好的復甦,不排除本港未來破產申請的情況,將較○三年沙士期間更嚴重。

律師梁永鏗指現時一般申請破產的費用最低約為一萬四千元,債務重組則約三萬元。但他建議市民不要輕言申請破產,應先嘗試作債務重組。因若有還款能力而申請破產,破產令提早完結時,破產管理署會收取相等於總欠債額百分之二十五的費用,令總花費比進行債務重組更高,最終得不償失。


轉貼
  http://www.hkheadline.com/dailyn ... 009/04/18/76394.asp


http://hkiva.org/viewthread.php?tid=1137&extra=page%3D1
 樓主| 發表於 2-6-2009 01:31:44 | 顯示全部樓層
多謝 tomytomy 會員指正

應該是 LG 1。

http://www.hkiva.org/viewthread.php?tid=603&extra=page%3D1
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 21-9-2021 19:40 , Processed in 0.082439 second(s), 22 queries , Apc On.

Powered by Discuz! X3

© 2001-2013 Comsenz Inc.

ٻظ 返回頂部 б