|
之前搵屋企人幫忙, 還左啲高息咭數. 而家仲有一富x 既 ploan 同埋獅子既循環貸款一部份未清, 全部大約 550k 左右. 我目標係清埋個循環貸款然後睇吓有無計轉個低息啲既 ploan. 當時借 600k APR 成 21%, 不過提早清要比 3.5% penalty, 我自已計過假設出年年頭搵到 APR 4.7% 左右 (咁低都唔知搵唔搵到), 都只係總數慳到 25k 左右, 叫做好過無啦, 而家儲緊 tu.
tu 方面, 我既經驗係, 之前我一個月內申請左二次結餘轉換, 都唔批, tu 即跌一個 grade 去到 G. 銀行因為申請貸款而查你 tu 係會扣分的. 我還左高息咭數後, 自己 check 過, 應該係因為條數細左, 所以即時升返去 F. 不過我留意到有啲戶口個數銀行未報上去, 個 outstanding 仲喺度, 跟住我過幾個星期再 check, 啲 balance update 左, 期間我全部準時還錢, 有簽少少咭, 但全都月月清, 無做現金透支, 咭既 limit 都無減到, 岩岩琴日 check, tu 上返 C, 個分係好接近 D, 不過我見有張 AX 咭都仲未 update, 仲顯示緊我爭佢 90k.
師兄加油, 睇吓有無朋友或屋企人幫到手, 我最初都唔敢比屋企人知, 但其實屋企人先係最願意幫你. 開源, 搵 parttime, 節流, 減無謂洗費, 唔好再同任何財務機構申請貸款, 準時還錢, 挨吓, 總有出路!!
我而家係煩緊幾時係時候問個低息啲既 loan, 同埋要一擊即中, 唔係 tu 又跌. 又唔知搵邊度做好, 不過而家舒服左好多啦, 都好多謝 admin 比既意見. |
|