破產8年後還要不要申請解除破產通知書才能開新銀行戶口...

porschechan

律師行話要，銀行果邊未問

admin

樓主，我成日收到銀行信，話會定期查下我的 TU。

即是話：我當你有個 bad debt account，一直都無取消。無人話過破產會取消架，用唔到就一定。

即是話銀行就不停更新你紀錄，即是你的 bad debt 係永遠存在的！

ken2542de

梗係要啦.吾係點証明你已解破.

flypig

我一直唔知係4+4，定4+5。
你俾左答案

porschechan

不是8年後會自動証明嗎？因為破產期最長為8年

flypig

4+4的講法，係源於頂磅8年就可解破。4+5的講法，係源於4年+5年 你的紀錄先唔會出現於基本的銀行/ tu 的紀錄。可能你破已解，但又無確認信，銀行database 依然有你老破紀錄。基於不同銀行做法，可能就係唔做你生意。4+4/4+5 可以講係理論與現實的不同。亦可能有灰色地帶，即某些銀行做法不同。

ken2542de

因私隱條例規定，銀行不應保留任何人的破產資料超過八年而必需銷毀相關紀錄，以免造成標籤效應.
你信吾信.我就好有保留,你有解除破產通知書去開戶口比較好D.
但亦吾代表一定比你開戶口,話係商業決定都得.
你問完銀行有結果,返黎分享下,我都想知得吾得.

porschechan

或者咁問，我今日破產，唔攪解破書，20年後可否開新戶口？

flypig

ken2542de 發表於 5-9-2016 22:23
因私隱條例規定，銀行不應保留任何人的破產資料超過八年而必需銷毀相關紀錄，以免造成標籤效應.
你信吾信. ...

我稍為check 下，私隱法的確係破產日開始計8年。我搞錯左。多謝指正。http://hk.on.cc/hk/bkn/cnt/news/ ... 1006_00822_001.html

flypig

經商討後，銀行縮短保留期至15年，專員指不合理而拒絕接納，指通常破產起計4至8年後可獲解除破產令，銀行終修訂政策，在客戶宣布破產日起計，保留其破產資料不超過8年

flypig

根據香港個人資料私隱專員公署頒布的《個人信貸資料實務守則》，保留期限如下：

環聯可保留最新的信用卡和個人貸款帳戶紀錄，以作信貸參考之用。
由賬戶終止日期起開始計算，環聯可保留正常結束的信用卡和個人貸款帳戶紀錄5年。
由欠款金額全數償還日期起開始計算，環聯可保留逾期還款紀錄5年；或由欠款人根據香港個人資料私隱專員公署頒布的《個人信貸資料實務守則》通知環聯解除破產日期起計算，保留相關資料5年。兩者以最早的日期為準。
由法律程序日期起開始計算，環聯可保留破產申請紀錄8年，其他公眾紀錄7年。
由查詢日期起開始計算，環聯可保留會員查詢信貸報告的紀錄2年。
假如賬戶在結束前5年內未有出現超過60天的逾期欠款紀錄，而環聯收到會員通知，要求刪除該已結束賬戶的資料時，環聯會盡快將之從資料庫中刪除。

ken2542de

樓主點解會問呢D問題既.
早排有個會員話想試下不合作.
最多八年自動解破咁話喎.

cc4321

一定要,呢D唔洗問銀行,但就算你有證明銀行都可以唔開比你,表面上銀行唔應該保留解破人士資料,但實際上佢留左你都唔知,銀行係商業運作,無法例規定銀行一定要開戶口比你

porschechan

謝謝咁多位分享，因為本人快過8年，一直冇新戶口，但咁啱有份工要指定一間銀行戶口出糧，我就係咁開唔到，但去律師行又要比2500搞個解破書，仲話要搞幾個月，就係咁我想看看是否真的一定要搞，可否節省2500