關於申請破產期間 前公司要我賠錢 有冇c兄可以解答 好煩惱

smic2007

好耐冇上黎因為好多野煩 依家終於有得用一用電腦上黎問我係4月中去左3姓律師樓申請破產 文件已比齊
但我有講明如果我申請破產公司會炒我 而公司炒我係要我賠一筆大約40萬既錢
咁6c就同我講要我公司出左封要我賠幾多錢既信比我先可以填果筆數落去欠債度 因為唔可以寫D仲未發生既事落去份表度
咁我唯有打電話要公司快D出份追數既信比我 但係呢間咁既公司 又話唔知幾時先出到呢封信 問佢出信部門電話又話冇呢D電話 語氣仲要勁差 我問極都係咁既答覆唯有收線等
依家收數公司共3間每日不停打電話比我打左接近兩個月我都係聽過一次之後唔敢聽
終於係前幾日收到封信 就係公司出信話炒左我 內容係英文 大約意思係同我講返公司已經炒左我 將會要我比返呢段期間公司出比我既糧既一部份錢比佢 但係冇寫銀碼(咁即係呢封唔係佢正式要我賠錢果一封信)
依家係咁搵負責6c想問但係佢仲未覆我 又話叫同事打比我叫我留低電話no 我等左成個鐘都未有人打比我我就直接打上去D查詢電話問佢地 但又話要我搵返6c因為係佢負責

我想問有冇c兄知道我可唔可以先比呢一封信申請住先 到時見主任(我唔知係咪要見一次主任)同佢講返清楚件事 再補返個銀碼比佢?因為我手上呢封只係講會要我賠錢但未有銀碼係上面
再拖到等前公司寄我要果封黎先搞 都唔知收數果邊會唔會咁耐收唔到又搵唔到我走去再判比D大耳窿收...唉

真心希望有c兄可以解答到我 如果c兄唔介意既我亦都想係電話問下詳細既解決方法

alan1alan

電話唔可以交換架......

你有冇試過問律師要點做?

或者可以先係呈請書寫低欠呢間公司40萬又得唔得? 你寫左, 之後破處會同呢間對數, 佢唔對即係佢放棄追既權利.

smic2007

alan1alan 發表於 19-5-2016 12:32
電話唔可以交換架......

你有冇試過問律師要點做?

我唔知唔可以交換電話唔好意思c兄..
我之前打比破產處問過佢地話可以交哂D野上去先 賠錢封信收到之後可以再後補當更改資料 但律師樓可能會收返D手續費
之後我問律師律師話會好煩...我唔知係佢唔想做定係真係會好麻煩
依家等緊律師打返比我但等左好耐都未覆
我想問咩係呈請書?即係寫我欠依家既債權人幾錢果一份?即係我如果寫到個確實既數落去(因為我可以自己計到要賠幾多)就可以叫破處到時再同呢間公司對數?
因為之前律師話唔可以寫未發生既債務落去而我的確未收到佢要我確實賠幾多錢既信比我 搞到我依家兩頭唔到岸...問前公司又死都唔比D查詢電話我 又係咁話唔知幾時會寄

flypig

你出番封信俾公司,話已收到佢要你賠錢封信.

你短時間內生活有變動,甚至有機會離開香港.
希望 儘快處理呢單野.唔係 對方 到時搵唔搵到你都係一個問題.
跟住希望 對方 係 兩星期內處理呢單野. CC  DEPT HEAD, DIRECTOR, 法律部Head, FC ... ETC...
記住有咁大粒CC 到咁大粒.邊條卒仔 懶懶閒隨時咩大鑊.. 字裡用 "要處理",唔好寫預備"科水",
字眼唔好講太死,太實.寫"可能離開"
你要知道:
1 索償數目
2 幾時要賠
希望對方在兩星期內回應,否則你都唔知點幫佢地 完結呢單野.

smic2007

flypig 發表於 19-5-2016 13:03
你出番封信俾公司,話已收到佢要你賠錢封信.

你短時間內生活有變動,甚至有機會離開香港.

唔該師兄
岩岩收到律師電話律師話可以先用依家手上呢封冇寫銀碼既信申請
最後我想問下如果今日律師做野
以各位師兄既經驗黎講大概要幾耐先宣誓同埋拎到個no比收數公司?
因為我6月10要去旅行5日 機票年頭女朋友買 佢請我去的
我怕我旅行期間比收數公司搞到我屋企人...

Alex2233

公司要你賠錢係因為你涉及刑事違規
定純粹毀約果類既民事紛爭？

民事可照用破產收佢檔，
即係申破時列埋佢入債權人
不過冇必要都唔好比佢屈到，因為分分中靠嚇，佢連一份索償文件都拎唔出？

cc4321

好好奇想知師兄係打咩工,個人申破就要賠錢比公司
你搵律師搞,律師會同你問所填報債權人每條數總結久個金額幾多,如果當時你公司唔比或者講唔出,咁即話你申破前係無呢條數存在,事後你公司都好難追返你

smic2007

Alex2233 發表於 19-5-2016 14:23
公司要你賠錢係因為你涉及刑事違規
定純粹毀約果類既民事紛爭？

唉就因為當初入去做果陣入世未深唔知道合約期內就算自己辭職或者比公司炒都要賠返哂所有既津貼
我諗可能當係毀約所以要賠
依家所有文件都齊哂準備約律師宣誓
但我想知道如果要財仔唔再追數係要等到邊份文件出左?而呢份文件又大概要幾耐先會拎到?
我已經比幾間財仔追到心力交碎.....

smic2007

cc4321 發表於 20-5-2016 08:39
好好奇想知師兄係打咩工,個人申破就要賠錢比公司
你搵律師搞,律師會同你問所填報債權人每條數總結久個金額 ...

保險公司
所以我依家見到有朋友想做保險都會叫佢地諗清楚先
做左兩年我知道呢一行好多野玩文字遊戲
而且我亦都比呢間公司搞到我幾十萬糧冇得出 如果唔係都唔洗行到破產呢一個地步

flypig

smic2007 發表於 23-5-2016 15:00
唉就因為當初入去做果陣入世未深唔知道合約期內就算自己辭職或者比公司炒都要賠返哂所有既津貼
我諗可能 ...

1 唔一定.無人知财仔幾時停.
法律上,可合法追到頒令前.當然,中間淋油,你可以報警.

2 但你可以做,就係申破後 SEND 檔案NO. .
一般銀行下面的收數,會停.未停,要通知銀行,叫佢地幫忙叫停收數.财仔未必. 可能追到頒令.
頒令後都有人被追,請去睇下本版靚女bbb123456 日誌.不過收下信咁喇.

3 其實你公司玩你,你都可以玩番佢.只要你唔要面.
就係引D收數去你公司喇.如同收數講, 你地都係收錢姐,千祈唔好去我公司搞大佢呀!!
去到我隨時無工做架.

應該有大字報,或者見到同事好忙係度抹油.

smic2007

flypig 發表於 23-5-2016 16:12
1 唔一定.無人知财仔幾時停.
法律上,可合法追到頒令前.當然,中間淋油,你可以報警.

因為我有3間都係銀行既數係佢地判比財仔收全部都係銀行既數黎
姐係如果我有檔案no之後就可以叫律師sd比佢地 佢地正常就會停左唔收?
咁我想知道大概時間係宣誓後幾多日會有呢個檔案no?
因為律師只係同我講急既話去灣仔宣誓最快,但佢冇同我要幾耐時間先停到財仔收數

flypig

自己搞，上午去，上午有。下午send 俾銀行。自己保留no. .收數問到同佢講番。幫襯律師，3/5/7日不等。  ：）

smic2007

flypig 發表於 23-5-2016 18:08
自己搞，上午去，上午有。下午send 俾銀行。自己保留no. .收數問到同佢講番。幫襯律師，3/5/7日不等。  ： ...

之前已經搵左律師搞仲比哂錢...
係律師做野慢定係搵律師樓搞一定會耐D?

admin

smic2007 發表於 23-5-2016 21:05
之前已經搵左律師搞仲比哂錢...
係律師做野慢定係搵律師樓搞一定會耐D?

做生意就實係 batch mode 易啦！

admin

flypig 發表於 23-5-2016 16:12
1 唔一定.無人知财仔幾時停.
法律上,可合法追到頒令前.當然,中間淋油,你可以報警.

就係引D收數去你公司喇.如同收數講, 你地都係收錢姐,千祈唔好去我公司搞大佢呀!!
去到我隨時無工做架.

此招唔好用。一定死。

我，唔知點解，個朋友個親戚的女友個同學有個friend的弟弟，又識個朋友做呢行。

你怕乜就專做個樣。

flypig

admin 發表於 23-5-2016 22:03
此招唔好用。一定死。

我，唔知點解，個朋友個親戚的女友個同學有個friend的弟弟，又識個朋友做呢行 ...