我交4年年結俾外判,無預約,上到去水牌搵黎搵去都搵唔到

flypig

會計師樓不見了
由於不反對自動解破名單無我名,我都驚有D 阻滯.通常不外符話收唔到你過去3年年結,或者欠錢犯例之類.不過我無人通知我仆了街,犯了例.都無咩做到.就決定一炮過上一次去.準備左公文袋,入面有 3年年結的副本(之前已經FAX 過,分別係 2013年11月,2014年8月,2015年6月)同今年的年結,加上 "不反對解除破產的 證明書"的申請表 .大家望下,我年結遲交半年,都無人理過我,就會明白呢個外判幾咁忙喇.黎手丟左我3年FAX 話無收過又有幾奇??
搵番4年前 破署俾我封信,叫我聯絡 個間會計師樓.跟住地址,去到水牌度對一對個名,點知唔見左.
本來係 呢間 會計師樓:





水牌無左,得間 姦2女 會計師樓,即呢間:




我記得破聯度睇過,唔知MERGE 定改名.唔理,直上.
去到見到個 招牌,用白紙貼住D 改名部份,真係好環保.見圖:





咁無預約,又唔知個外判得唔得閒理我,去到大聲話我要交年結俾 伍衛國,俾左個公文袋職員,問有無人要見我,無我就走喇.點知佢話等一等.

各處鄉村各處例
年結,我記得破聯巴C打講過,支出與收入唔好一樣.當時講過,你做數都唔好擺到明呀!! 所以,我每份年結做到相差幾十大元.但職員走出黎,叫我改做 收入與支出 要一樣. 另一樣野係,由於我支出大於收入.不足之數填親友資助. 車費我最後一年大減(因為之前要經常探阿媽,但宜家一齊住,當然差好遠喇).對方又叫我 改番同 前3年一樣,大家EE哦哦一輪,結果算數.個度真係 好凌亂唔單止無一間房俾我咁理想.檯都好難搵一張俾我改年結.結果搞一大輪,俾到少少空間我....改完4年年結,走得.
走之前,我同職員講:呢度除左有4年年結之外,仲有一封 確認信的申請書架.唔知幾時有呢??有就 通知我黎喇.
跟住佢講一句令我好意外的說話:等一等.即刻俾你.
下! 即有咁好野.好似破聯得 功夫兄講過咁有效率.其他有D 拖幾個月都見過.
真係無呃我.5分鐘之內,職員即拎封信俾我.如下:








跟住仲好詳細同我講去金鐘點搞.而我當時幾想同佢講:






我想話呢幾年我成日係破聯出沒,玩下手熟過你添.咁當然唔會咁失禮喇.千萬多謝之後,出左去,大約11點幾.之前無預到即時有信.好唔好擇日搞呢?還是睇清楚流程先去呢?想下都係即日搞埋算數喇.跟手上 破聯同 破產署,大約知道 唔係太複雜.跟住就 豪食左 50大元的車仔麵當慶祝.再去黃金行下. 1點40分開始去地鐵,直殺去 高等法院.

ken2542de

唉..有D咁既外判,始終搞惦就好囉!!!
主任跟係咪好D呢

flypig

去到金鐘ON 99去錯政府合署,跟住搵一大輪先搵到. 過程唔詳細講,破聯的解除破產篇同破署入面有好清楚的介紹.講幾點要注意的:
1 根據破署網頁同 破聯:
http://hkiva.org/forum.php?mod=viewthread&tid=203&extra=page%3D1
申請人須往高等法院登記處索取誓章表格，填妥誓章後前往宣誓處(低層1 樓159
室)宣誓申請破產解除証明書;
高等法院登記處原來即 LG105.LG 代表 Lower Ground, LG105 即 地庫 1樓,105室.
個水牌係 "無律師代表訴訟人資源中心".本來想影相,但好似係 犯法?? 會被罰$250.轉頭加多條百搭 "不誠實使用電腦罪" 咁我咪邊度都唔駛去. 所以就算映左都要話無映,更加唔會蠢到放上黎喇.
2 唔駛買筆.我ON 99 係金鐘間OK 店哂左幾紋添. LG105 有供應.
3 要身份證副片.我無準備到.Too Bad!! 好彩個度有影印機,用八達通付款即可.
4 跟住去番 LG159 排隊宣誓.前面有一條友.誓辭20隻字之內.搞到幾分鐘.
最後又去排期,出左張 收條俾我.見圖:



跟住 我番去黃金,去到望下鐘,剛好2點40分.原來頭尾連車程不過一粒鐘.,真係 如呢4年一樣,龍船快過箭.
各位破產ING 的朋友,好快到你地,回頭一望,呢4年可以快到你唔信.

flypig

ken2542de 發表於 19-5-2016 12:00
唉..有D咁既外判,始終搞惦就好囉!!!
主任跟係咪好D呢

呢間外判,交文件等到我火,傾傾下佢去左開會要我等左兩粒鐘.我將佢檯頭本講功夫書睇哂.你話幾誇呢!!!

但做落不知好過主任多多聲.我第一年 11月先交,如果係主任,隨時又 WARNING LETTER,玩下手都唔知會唔會
告我(如藍XX ,許C長 罰左幾K)...

雖然 年結要我改到 MATCH 番D 數.但都係玩左5分鐘之內.

最緊要係佢想快D CLOSE 我FILE.
即日出信個度好呀!! 有D 外判 拖成幾個禮拜甚至幾個月架,係就煩了.

alan1alan

恭喜師兄, 好詳細

alan1alan

咁師兄以後會唔會得閒上來破聯?

admin

去 Dont 管

Alex2233

外判都係打份工，
分分中根本唔係接開破產案，

經驗仲少過你都唔定

YANNY

恭喜哂師兄!!其實都係架..跟主任下下玩程序,得閒又要你寫解釋信,你都唔好話唔煩呀!!

redcat

恭喜晒 師兄

singleboyisme

恭喜晒

EWB

C HING, 你本身係主任跟 OR 外判呢??  如果本身係主任跟, 咁....解破等所有手續問題係咪都係負責既主任處理番架???  

willbegood

恭喜！！

flypig

alan1alan 發表於 19-5-2016 12:35
咁師兄以後會唔會得閒上來破聯?

無論如何,我精神上都會同大家一齊渡過呢幾年.

I will be always with you.

flypig

YANNY 發表於 19-5-2016 16:10
恭喜哂師兄!!其實都係架..跟主任下下玩程序,得閒又要你寫解釋信,你都唔好話唔煩呀!! ...

NG.......
外判好多時唔係同 主任 差咁遠.

既來之,則安之.希望大家保持愉快的心情渡過呢幾年.

flypig

EWB 發表於 20-5-2016 00:01
C HING, 你本身係主任跟 OR 外判呢??  如果本身係主任跟, 咁....解破等所有手續問題係咪都係負責既主任處理 ...

我間外判連招牌都用 白紙 PRINT 印 ,而會計師樓等等就 沿用之前.

如果係主任,YES, 解破等所有手續問題係咪都係負責既主任處理 .
功夫兄講過,佢好似 都係唔知即日定隔一日 出 "不反對解除破產"的確認信.

YANNY

flypig 發表於 20-5-2016 11:11
NG.......
外判好多時唔係同 主任 差咁遠.

都係....我由決定破...到正式頒令...到主任搵我寫解釋信...其實壓力十分之大...希望之後會順利畢業,承你貴言啦!!

hohochi

圖文詳盡 恭喜晒