新人準備入學,感受極之不好!

tbl07

想講下呻下,若有不喜歡不要插我!
大家好, 我最近申請破產,雖然已經宣左誓,但要排到6月14日先上庭等個官決定批定唔批,我有HSBX,X民,安X,日本仔4條數. 當初宣誓完之後,6C幫我FAX俾,叫做好彩HSBX,X民,安X一收到FAX都冇再打俾我,反而日本仔真係好有病,同其他師兄師姐一樣,風狂打電話俾我,就已今日為例,
首先用一個太空卡電話打黎,要我一定要還,仲話就算破左都要繼續,之後我同佢講我真係冇錢啦,佢就好惡咁話後果自負就收左我線,
幾秒之後就另一個唔同既電話打黎話唔還錢就上黎我家,之後就總共打左400幾次電話俾我,每次響幾下就收線.
忽然之間感覺自己變番一個小朋友做錯事俾父母責罵一樣,但又好似一個走犯咁怕隨時俾人捉番去坐一樣.

坦白講真係還唔到先走呢步,以為會輕鬆D,但感覺上原來好似仲衰.
唔知大家當初點樣捱過呢? 教教小弟吧

flypig

如果唔想俾人滋擾，就唔好借財仔。
宜家只有撐住，對方都無咩計，呢d 電話攻勢，如前面巴打所講，最後一擊。其實佢份工都好慘，好多時白做。工作黎姐，大家體諒下。

tbl07

我都好希望個令快D出到,努力捱完4年就可以從新做人!

Alex2233

你掉轉頭諗，呢d已經係佢地唯一可以做到既野，

係佢地唔夠你玩，唯有玩電話，
好似九十年代d初中雞咁，我出面跟幾多k架，有大佬架，你放學小心D呀
係佢輸唔起發爛渣

站於法律上，你只要無視佢地，一蚊亦唔洗還，電話喂兩句就由得佢
等破產令一出，佢地全部收得聲，

鬼叫你黎香港做生意咩，有破產法呢樣野，係惡做d架啦

jimjim888

c兄欠佢幾錢？

tbl07

我欠日本仔佢地2萬幾

jimjim888

2幻幾都咁煩，還左幾期？'

tbl07

還左2期,所以佢一直話可以告我欺詐,但我問過6c,只要我有還過,佢地就唔可以告我係欺詐.
問心,掂既都唔想問任何人借錢,更加唔需要申破呀..再者我係估唔到佢可以痴線成咁呀.

Alex2233

佢話可以告詐騙你就信
你可以告呀！成唔成功咁解
正如你都可以話告佢恐嚇！
我又想告梁振英貪污
我又想告林鄭掠奪長者財產
告得入先得架，你拎乜野證據去告人先
根本佢講乜都改變唔到實況，
所以亂吹都要吹到你驚，
你動搖肯還，佢咪達到目的

根本詐騙與否，冇得用供款期數定義
供款多與少亦只係比人既感覺，憑感覺又點入罪

借錢時無諗住破產，但再經歷過轉變，才發現無能力還，則冇犯法

借錢前已經故意唔打算還、一早諗定破產，仲借，你借果刻想破已經犯法，


詐騙與否主要睇你借錢時有冇'故意'，而呢個'故意'都相當難定義！
但我相信實際唔少老破者都犯過呢樣，有d人打算破產，但無錢，仲碌卡透支申破，咁個logic上已經犯法
但點解無事，因為要佢去證明一個人借果刻有心唔還，係幾難！（但唔代表可以囉正牌咁做，始終唔正統）
所以財仔咪偷換概念，用感覺上既法則去嚇你，喂你還得兩期，我實告你架！（告得入先算）

tbl07

咁我而家唯有頂多一個月,希望唔會有大字幕果D啦

cc4321

首先佢追你錢係正常唔係有病,以為入左紙就唔可以追呢個諗法先係有問題,當然追數手法就另外討論
另外你借錢唔還走去破產,借錢比你果D人咁就可能無機會收得返借出去D錢,咁你自己話你有無錯?你唔可以話追你還錢果位有問題
所以話人唔啱時自己諗下,唔係因為理財不善洗鬼走去破產咩,破得產就要承擔所有後果,唔可以怪人

flypig

tbl07 發表於 17-5-2016 02:58
還左2期,所以佢一直話可以告我欺詐,但我問過6c,只要我有還過,佢地就唔可以告我係欺詐.
問心,掂既都唔想問任 ...

佢再CALL 話要告你詐騙,就話唔好意思,你真係無錢.
而且真係唔係詐騙.佢唔信,就等個官判

tbl07

唉…佢地開始又玩每一分鐘瘋狂地打黎收線,真係唔知點好

flypig

tbl07 發表於 17-5-2016 10:36
唉…佢地開始又玩每一分鐘瘋狂地打黎收線,真係唔知點好

可能佢地人工都好貴,宜家係電腦CALL 你
如果次數太多,可以去告佢地滋擾.
如果經INTERNET 打出,由外地出發,就好難CHECK

ANYWAY,小熊來電 對你有用

由零開始2016

樓主，加油，我地同一日上庭

tbl07

咁岩同一日?大家都加油呀！

Qriqri

tbl07 發表於 18-5-2016 14:40
咁岩同一日?大家都加油呀！

師兄我想問下邦x收到你臨時破產令係咪已經停曬所有追數？
小弟準備入學 好擔心邦x同ub會有收數行動
你係過來人 可否指點下小弟

cl475867

邦x係你申破後, 只係有封信叫你申請債務重組

tbl07

當6c幫我fax哂俾所有財爺之後,邦x從來冇打過或寄信俾我,安x亦只係打過1次,6c再fax之後就冇啦…1係日本仔每日仍然堅持住4百幾個call而已

jimjim888

tbl07 發表於 19-5-2016 04:03
當6c幫我fax哂俾所有財爺之後,邦x從來冇打過或寄信俾我,安x亦只係打過1次,6c再fax之後就冇啦…1係日本仔每 ...

你做乜唔報警