破產後還債回購業權求助

samam2015

我係2004年因病失業兩年多, 經濟出問題要攪破產, 個案係破署主任跟, 有層未供完居屋尾會54萬, 欠4間銀行30多萬咭數, 最近都收到破署信件稱若再不處理, 佢地會考慮強拍我半層物業變現, 或者收取我地佔用物業租金, 我都即刻問過下破署, 佢地都算幾好人, 叫我自己先主動聯絡每間債權銀行, 同佢地講下還款方式, 睇下有冇得傾平d, 還清債項便可以免除拍賣物業程序, 我嘗試都搵過d律師傾過, 但佢地唔係好肯接, 可能太濕碎, 話債權銀行太多好難傾, 有一間唔接受還款方案都唔成事, 叫我自己去傾, 可能律師大雞又唔食細米嫌搵得少啦, 而家唯有自己逐間銀行講下價先, 如果收足咁多年利息, 就算佢地肯都好慘啦, 但之前見過有網友都有成功例子, 而家唯有唔得先至再打算, 家下個心都好煩, 有個好朋友肯借錢我先還銀行筆數, 希望可以先贖返我果半個業權, 再同銀行加按還錢俾返個朋友, 但如果債權銀行收足十幾年高利息同行政費用, 條數真係不得了, 可大可小, 就算朋友肯借錢清數, 銀碼太大將來再加按都會有困難, 希望各位過來人分享一下呢方面嘅經驗, 謝謝。

samam2015

為不反對信係債權銀行發出，破署係唔知你最終要還幾多錢。

Kitty123

am1200, 加油。

samam2015

Lotus 發表於 26-12-2016 21:28
請問是否一定要請律師？

可以唔請6C, 基於如果你唔怕煩又了解法律程序, 英文程度又OK嘅話, 但我講返最初聯絡破署主任傾有關解破一事, 主任都好中肯咁答: 「你可以自己同債權人議價, 但攪上庭呈請破解嘅手續, 建議你俾6C搞, 因為文件出錯率較低, 佢地同6C嘅法律文件容易協調d, 不過你自己決定啦!」, Lotus, 個人認為咁多錢都還咗, 唔爭在辛苦d俾6C搞埋呢部份埋尾啦!

Kitty123

我6C還未上庭，不過6C同我講，應該上左庭後約1-2星期，便可收到廢止令。之前見到 Samma 都是這樣說過。

安太太

我分享轉按時一般所需要的文件，可以幫助大家既可以順利快速得到申請，又可以快些套現後，第一時間還給親人朋友

ID cOPY
法院蓋章的廢止令 （即上完庭後的文件）
最近六個月的供樓紀錄
樓按的年度結欠表 （outstanding blance)
原按物業的 LOAN AGREEMENT
糧單 三個月 （如適用）
儲蓄戶口 紀錄，三個月至半年
出糧戶口紀錄，三個月至半年 （如適用）
供樓戶口紀錄，三個月至半年 (如適用）
所有信用卡月結單  （如適用）
註。由於現在好多人都用網上理財，所以要向個別銀行申請 PRINT OUT。 以本人為例，獅子銀行為例需時要 三星期至一個月。其他銀行要自行查詢。費用為 HK＄250.

最後，要和大家分享一個好消息，我己經成功申請到轉按了。（由獅子銀行轉向創X銀行）現在只欠田土廳註消起釘便可以正式簽署，取款。

希望以上資料可以幫助到未能找到轉按銀行的同路人或準備找轉按的朋友

samam2015

進展最新匯報: 律師5月中由田土廳收到起釘文件, 並交獅子銀行進行轉按(四月初時已由6C介紹獅子銀行將物業預早批核轉按文件), 今日套現金額扣除物業原銀行尾會, 餘數已存入戶口, 並已將物業轉按套現的款項償還好朋友, 物業再分期供款, 開始另一個還款旅程, 而整個「破產後還債回購業權」亦總告一段落。 再次感謝破聯, 感謝所有幫助我渡過難關的每一位好朋友、同路人,  版友, 祝願大家都有更美好新的一天!

itsme

破聯版友這方面經驗不多，具代表 性就是 amy126 及 Bankrupt 兩 位，你可以看看他們的分享。前者 個案2003年欠24萬，2015年要 還35.5萬。後者2003年欠44萬， 2015年要還79.5萬。主要取決於 欠那些銀行、財務。個別銀行是差 不多免息的，有些就獅子開大口。 要看樓主彩數。Bankrupt 版友有 9個債權人，也是自己逐一去傾的， 最後經律師辦理廢止破產令。詳細 資料可自行爬文或看破產需知。

samam2015

我都係見到上面倆位的歷程，最初都以為果半層業權遲d有錢先至攪，加上初時聽講同債權人傾都冇用，係破署hold住個業權，要用物業市值價去傾，樓價愈升我地更加唔洗諗，邊有咁多現金去回購? 加按又唔得，份契唔完整，銀行唔會受，幸好見到過來人的成功經驗，好似還有點希望，而家等破署回覆各債權人較接近的債項數目。

honey

我十二個債權人，傾剩aeon! 有咩大家update 下！我想問你補左地價未？另外，你那時（四年後）有沒有申請解除破產令呢？

安太太

今天問過主任

samam2015

honey 發表於 7-11-2015 00:34
我十二個債權人，傾剩aeon! 有咩大家update 下！我想問你補左地價未？另外，你那時（四年後）有沒有申請解 ...

地價14年前按樓套現已補, 四年破產期畢業已到高等法庭申請咗果張「破產解除証明書」。

honey

收到！因我另外一個朋友沒有申請解破，而又未收到此信，所以問下你！謝謝

安太太

samam2015 發表於 7-11-2015 00:48
地價14年前按樓套現已補, 四年破產期畢業已到高等法庭申請咗果張「破產解除証明書」。 ...

samsam，我奇怪點解你可以在14年仲可以加到按，不是已釘契，應做不到的。

samam2015

安太太 發表於 7-11-2015 01:27
samsam，我奇怪點解你可以在14年仲可以加到按，不是已釘契，應做不到的。

安太太, 妳誤會咗我唔係2014年加按, 我係2004年先至申請破產, 我2000年果陣加按層樓做小生意, 果陣未破產但係自從01年中咗風做唔到工作, 一路要供樓, 小朋友又細, 用咗銀行咭數及透支額, 最後要搞破產。

安太太

samam2015 發表於 7-11-2015 01:44
安太太, 妳誤會咗我唔係2014年加按, 我係2004年先至申請破產, 我2000年果陣加按層樓做小生意, 果陣未破產 ...

原來是 破前加按。

samam2015

安太太 發表於 7-11-2015 01:47
原來是 破前加按。

居屋加按要先補地價, 所以當時補咗31萬幾地價。

安太太

samam2015 發表於 7-11-2015 01:50
居屋加按要先補地價, 所以當時補咗31萬幾地價。

補那麼多。。我不償失

samam2015

安太太 發表於 7-11-2015 01:52
補那麼多。。我不償失

當時估市值140萬

安太太

其實我真的沒能力一下子可以拎出 70萬出來。唯有靠加按。雖然我只有廿幾萬便供完。樓值約 300幾萬 接近400萬。但不知銀行願意接受，始終有釘。但又要破署批。好擔心

samam2015

或者要問相熟律師有冇銀行肯咁做，我早前聽過可以搵律師一條龍咁做，有d銀行會做，特別自己供開樓果間，幫妳向破署先贖回業權再加按，好似當年未補地價居屋翻按借錢，由銀行先代補地價後翻按套現一樣，但能否成事，都要銀行傾一傾，妳有層樓係銀行，錢唔會過妳手，最終都唔怕妳走，只係文件工作，得唔得都試一試，好過坐以代斃。

honey

安太太，你最好打去破署問下有冇昵回事可以加按！如果唔係可能要找財仔先受！

samam2015

我都讚同honey所講，打去破署問返主任，有時佢地會教路或者有冇成功例子，好過自己估估下。

samam2015

近年財仔好積極，肯俾利息又有層就供甩嘅居屋，借財仔贖回間屋好過成日心驚驚，不過相信要預兩個月左右時間翻按還返俾財仔，佢地肯息口唔少，但最後都要考慮呢步，除非有親友肯仗義幫手渡難關。

admin

各會員比多D資料，等我張個息口寫去破產需知。

samam2015

一定，我地都係由呢個地方得到資料，感謝各同路人心路歷程分享，有新進展，定當將成果回報，多謝版主勞心勞力!