因賭想申請破產又怕要坐監!!

cc1123

本人一向都有一Ｄ私人貸款都差不多成二十幾萬再加有十五六張信用咭,                       
信用額差唔多40萬到!本人衰一時貪玩分別係十二月同ニ月加埋在澳門輸左20幾萬!                       
之後我係D信用咭私人貸款同提款機換拿左10幾萬拿來還最低還款!我差不多還左四五個月                       
現在己經還到冇晒辨法我可以點做!本人一直都以來準時還款冇拖過數我想申請破產
但有我好怕俾人知又怕要坐監!我家中有個老婆同剛出生幾BB要養!

可唔可以救救我?有冇專打破產幾律師介紹俾我???如果有可唔可以留言俾我或e-mail俾我
[email protected]

[admin: email 刪]

lki

http://www.hkiva.org/viewthread.php?tid=696&extra=page%3D1

lki

《 破 產 條 例 》 其 中 有 「 破 產 人 因 賭 博 等 而 有 罪 」 條 文 ， 過 去 三 年 共 六 人 被 控 ， 其 中 四 人 已 被 定 罪 ， 三 人 被 罰 款 二 千 元 ， 另 一 人 被 判 監 兩 個 月 ， 緩 刑 兩 年 。【  每月有千多人破產,在過 去 三 年 只共( 六 人 被 控 】病態睹徒香港舉目皆是,睹到破產真的咁小??????????????

admin

原帖由 lki 於 2009-5-4 06:23 發表
《 破 產 條 例 》 其 中 有 「 破 產 人 因 賭 博 等 而 有 罪 」 條 文 ， 過 去 三 年 共 六 人 被 控 ， 其 中 四 人 已 被 定 罪 ， 三 人 被 罰 款 二 千 元 ， 另 一 人 被 判 監 兩 個 月 ， 緩 刑 兩 年 。【  每月有 ...

老實講，我個人覺得呢D野法律上係唔比，但係太 common 同個罪行相對其實唔嚴重，我係銀行都費 Q 時告你。破產署見銀行唔理，佢都費時搞咁多啦。

小人物

講真一句,你唔講邊個知你賭到破產吖

admin

同埋律師搞之前都同你"就"個個原因啦。

柑拮

又一賭錢個案......戒賭吧

ngkawing

個個都係因為 賭/大使/
欠落唔少架啦 咪同你一樣
我覺得你欠咁多 應該快d去apply
如果唔係 你點生活呀

bb_q_888

我唔係想話你,我亦唔係因賭而破產,

但係我唔明你有咩好驚...你賭錢萬萬聲推出去落注,你都唔驚輸...

賭仔都好享受果份刺激....

破產都好刺激....四年破產期+未來數十年生活,包你一試難忘.

你如真因為賭先攪成咁...除左破產亦要戒賭,為下自己同妻兒....

Money8834

醉酒鬼永遠話自己無醉
賭仔永遠話自己唔會係病態賭徒

Money8834

在此多謝亞Roy提供黃律師地址，我今晚放工會陪家姐上去問，睇下做唔做到她〔最近一次過大海是5月1日，係賭場有碌咭〕，其實我家姐心態係唔想做破產，因為佢最後得到佢老細幫佢找最緊急的10幾萬信用咭數，但家姐重係有70萬分期數咩緊，所以我堅持佢做破產.....

bb_q_888

但係破產幫唔到佢幾多....特別係大耳X,除非佢老細幫佢找呢條數...

銀行.財仔D數...破產係可以唔怕比人追數,但係你之前同我話...佢有欠大耳X,

破產對呢D人冇用架

其實如果佢想破產幾時都可以,但係有機會比人告....

不過咁架情形....都不過係遲早 ....佢老細又幫得佢幾次?

cat

我亦係因賭而破產,岩岩入咗纸(還未上庭)
但係賭場有碌咭,會唔會Check??

請問填破產初步訊問問卷,答咩原因好??
可唔可以唔填原因??
請大家俾D意見~~

Money8834

已經同家姐上了律師樓，律師話無問題，佢話唔想賺我們幾千蚊要我家姐坐監，佢知條法例好難定罪，大多case政府唔會下下同你打官司，所以我叫家姐做，70萬數，反正佢都博左咁多"舖"，就'當"最後一"舖"。我想佢可以重生，唔使午餐成日要等到2:30pm後才吃"大家X"下午茶餐.......

dik06

原帖由 Money8834 於 2009-5-9 10:26 發表
已經同家姐上了律師樓，律師話無問題，佢話唔想賺我們幾千蚊要我家姐坐監，佢知條法例好難定罪，大多case政府唔會下下同你打官司，所以我叫家姐做，70萬數，反正佢都博左咁多"舖"，就'當"最後一"舖"。我想佢可以重生，唔使午餐成日要等 ...

~哈~哈~,睇到你講完,諗番起果陣時同你家姐一樣,我以前又係等到2:30後先食午餐,又可以當埋3點3,諗番起真底死,折墮,破左之後,生活起碼好過之前囉~哈~哈~

[ 本帖最後由 dik06 於 2009-5-9 20:57 編輯 ]

roy

既然律師咁講,都暫時可以放下心頭大石啦.有乜進展,上黎分享下啦.