破產管理署出售海外聯名物業 (3月24日更新)

admin

因為之前個post被鎖了, 宜家又有update, 所以係度一次打返個時序出黎:

12-01-2015:
大家好，我爸爸2003年申請破產，當時申報左一間澳門聯名物業，因為媽媽擁有50%同無錢買返破產管理署果50%, 所以之後不了了之，到上星期五收到破產管理署既信件，話要出售破產管理署果50%權益，問我地用市價買唔買返，佢仲俾左第二個選擇我地，叫我地搵律師同銀行傾下還返筆錢佢，就可以拎返果50%權益。

21-01-2015:
宜家既進展係, 我地已經搵左律師樓去同銀行傾還幾錢。

由於之前未搵到律師之前, 有問過其他顧問公司既意見, 佢地見我地個case咁特別, 係海外物業, 所以佢地都想了解多D,
係咁搵我, 我都講左少少update俾佢地聽,

03-02-2015:
1. 澳門物業無被香港破產管理署釘契

根據律師既意見, 話我爸爸係破產時已經一無所有, 該50%業權係屬於政府, 而我地係唔可以私下處理。

今日有一個好消息, 我爸爸有3個債權人, 今日律師收到最大金額債權人既信, 話佢破產當日欠款18萬, 銀行唔會收過期利息, 只需要還返呢18萬就得, 希望另外2個債權人都係咁就好啦。下一步就係睇下點籌呢筆錢返黎

只要還哂所有債, 再向法庭申請廢止破產令, 咁破署就會俾返果50%權益我地。
希望順順利利啦。

16-02-2015:
我爸爸另外2個債權人回覆啦,
首先係匯X銀行, 欠4萬, 律師寫信求情還少d, 但佢地企硬要還8萬
另一間亞XX合財務, 欠2萬要還13萬, 呢間就只係初步話要還13萬, 律師未寫信求情還少d,
初步估計欠24萬要還39萬

佢地俾左calculation我地,我爸爸由破產2003年12月到宜家11年多D,

第2間銀行, 就用8-10%每年計, 佢話跟足法例計, 打去叫佢waived部份利息, 佢話銀行policy無得改, 而且已經唔係跟卡數既30-40%去計算, 用8-10%已經係好好, 所以企硬8萬, 我聽完都覺得呢間銀行都算有良心。
第3間財仔就用44%去計, 所以2萬變13萬, 真係好離譜, 律師話呢d財仔最食得深, 佢地食利息為生, 所以都想傾下俾50%利息得唔得。

呢個係今日最新update:

之前寫信俾亞XX合財務, 叫佢減50%利息, 佢地無理我地, 我叫律師再寫多封信俾佢地, 佢地3月中覆返我地, 只可以減1/3利息, 即係還9.4萬, 唉, 無法啦, 唯有接受啦。
所以我地好快咁準備好筆錢, 還俾債權人大約36萬, 律師叫我俾37萬佢, 因為仲有破署既費用要俾。
聽日就會交支票俾律師, 律師就會同3個債權人溝通, 要求佢地出一封不反出廢止破產令既信, 咁收齊哂3個債權人既信之後, 就向破署申請破署既不反對信,
準備好哂呢4封信, 就向法庭申請, 之後等官判。


律師話還哂錢理論上債權人都唔會唔出信既, 而債權人都唔反對, 破署無理由會反對, 而債權人同破署都唔反對時, 反庭理論上都唔會反對既, 希望可以順利啦!!!


題外話: 律師話佢宜家都做緊同類既case, 佢個客都係有欠渣X銀行錢, 渣X同樣都係唔收利息, 還本金就可以

admin

原文。多謝會員amy126 提供
http://hkiva.org/forum.php?mod=v ... &extra=page%3D2

admin

27-04-2015:上星期律師收到破署信, 就話已經知道我地要申請廢止破產令申請, 信內容就叫我地支付破署費用, 大約$22,000, 咁佢就話我地有$14000係佢度, 補返$8,000左右, 之後叫律師準備d咩文件用登報咁樣啦。
今日律師打黎問我爸爸d背景資料, 最最最重要既部份係還錢果部份點黎? 呢筆錢係我屋企自己既存款, 全家都有份(包括我爸爸), 又有部份係問親戚借, 跟住律師話破署可能會問筆錢點黎? 點解無啦啦會有37萬係度, 又話佢地怕係我爸爸本身有錢但唔還, 跟住我就整左個source of finds既表, 就解釋俾律師聽果37萬係邊個出, 阿媽出幾多, 阿爸出幾多咁樣啦.

雖然d錢全部都係白, 都係我地之前儲蓄黎, 我問律師咁樣會影響到我地個申請? 佢話我地比較複雜,  佢有d case係個仔有層樓, 按左佢套現出黎, 咁樣就好解釋, 聽律師咁樣一講, 就怕個官唔比我地廢止破產令, 唉, 又要擔心...

admin

28-04-2015:

今日律師打電俾我, 佢話佢今日同破署聯絡過, 原來佢地對於個 Source of Funds 唔係咁著重, 只係破署想知道如果筆錢有盈餘 (基本上唔會有), 之後政府俾返邊個人咁樣姐, 所以律師就話唔使擔心, 同埋唔好搞到好似好複雜咁, 就咁寫全部都係我名算啦, 之後律師 send 左Application to Annul Adjudication 同 Affirmation 俾我睇, 跟住約我阿爸去第二間律師樓宣誓, 之後入紙向法庭申請, 等候上庭聆訊, 咁就完啦。希望可以好似判破產咁易啦, 同埋希望下次上黎update係已經完成哂啦

admin

15-05-2015:

今日我阿爸上左律師樓宣誓, 之後入紙向法庭申請, 排期7月中上庭聆訊, 問左律師有無咩情況會令到個官唔批准佢廢止破產令, 律師話破署會準備份report上庭, 成件事就會睇破署份report同個官佢自己既睇法, 所以律師都答我唔到。加油啦!