微型破產？ 真係咁著數？

ah_jai2005

今日再有人同小弟介紹微型破產；佢又有講過即係個人破產，唔同大眾破產。

佢講既主要特點係：
- 無其他人知，唔需要登報，甚至人地問你你可以唔認；
- 佢話有辦法做到條數可以完全唔洗還錢。 即係，我份月薪可以自己 100%自己用，唔洗RESERVE一份畀債權人。
- 只要申請成功，即使我發左達，或者突然承繼到一大筆遺產，都可以光明正大地擁有財產而毋須還款畀債權人。
- 一般破產要守既，譬如搭的士、食貴野、買名牌就理論上唔得。 但佢講到根本唔會有人查你，就算查都係象徵式咁，求其畀個解釋佢就過骨。
- 四年後保証係一條好漢。

++++++++++++++++

我覺得著數得太唔合理，想上網搵資料，睇下其實即係D乜，但係搵唔到相關資料。
我深信一定係某一類型既破產，只係唔識得係咪有一種破產係唔同傳統上講果種。 如果係自願安排，應該要同債權人傾還款方案，但佢講到好有把握一個仙都唔洗還。

想問有無師兄知道D 細節？

另外，我本身其實係可以做到一筆清，每月還款大約佔月薪唔夠四成，即係可以應付到有餘既，不過還款期超過四年(破產期係四年)。
只係，我畀佢「可以成份糧自己洗」同埋「唔洗拖咁耐」既講法吸引左。 心諗，明明可以快一、兩年搞掂條數，可以洗底，呢段期間仲可以鬆動好多。 唔做好似好 ON 居，但係，我又覺得無理由D 破產限制真係咁流，任得我豪玩豪食四年然後無債一身輕！！

各位過來人認為我應該勤勤力力自己還錢？ 抑或有著數一定要拎？ (我最怕既係呢個有副作用但佢無話我知)

跪求師兄幫忙解答！


++++++++++++++++++
【18/11早上再補問：】 請問師兄們，通常破產期間份糧有幾多可以自己洗？ 有幾多要還畀債仔？  感謝幫忙！

flypig

301 發表於 17-11-2014 23:17
係,
的確仲有:輕鬆破產, 快樂破產, 適時破產 等等.
幸福祇是在你自己手.

仲有最新一隻,隱形破產. 你破左都無人知,破署又唔知...債權人又唔知,唯一知係當事人同顧問

flypig

Ching,微形破產呢家野，唔只你破左無人知，連世上有無微形破產呢樣野，連政府，破署都唔知。

flypig

你親身去破署，話要搞微形破產，
小心笑大reception個嘴

wexchau

嘩,講到咁吸引,不如話比我知,等我破多次吖.....等我將呢樣野登報公諸於世呀,比個政府知道佢幾無能,有咁嘅野政府都唔知..

admin

樓主，破產無微型，男人個度或者女人呢度就有。
一聽就知又係我地顧問溫、Ben、Chan 的說法啦！

smallcat

  第一次聽 微型破產    "重型"破產係點?

admin

smallcat 發表於 17-11-2014 22:28
第一次聽 微型破產    "重型"破產係點?

上次被我地踢爆臨時破產，而家米作個新名羅

smallcat

admin 發表於 17-11-2014 22:30
上次被我地踢爆臨時破產，而家米作個新名羅

  收到, thanks!   又係騙局   破產破得咁神秘就好

admin

下次又有特色破產，港式破產，日式破產，…咦咁似…

wexchau

admin 發表於 17-11-2014 22:34
下次又有特色破產，港式破產，日式破產，…咦咁似…

我要法式..

admin

wexchau 發表於 17-11-2014 22:37
我要法式..

而家打風喎…你告左假未？

wexchau

admin 發表於 17-11-2014 22:39
而家打風喎…你告左假未？

無所謂啦,當放長假..

wahtung

乜有啲咁既破產咩

admin

wahtung 發表於 17-11-2014 22:48
乜有啲咁既破產咩

無，絕對無，我地呢度係正骨…唔係係正式的！無推油…唔係…係無落油…唔係…係唔會推…

301

係,
的確仲有:輕鬆破產, 快樂破產, 適時破產 等等.
幸福祇是在你自己手.

ah_jai2005

咦？！ 睇嚟，其實即係普通申請破產咋喎。

我估，佢講既唔洗還款，係靠佢地口中所講既「化左條數」，即係靠吹大自己既必要開支而令到還款畀債主嗰部份 TEND TO ZERO。

咁，我都想請教吓師兄們經驗，通常申請破產後，可以留返幾錢自己洗？ 又有幾多要拎去還債？

flypig

ah_jai2005 發表於 18-11-2014 09:35
咦？！ 睇嚟，其實即係普通申請破產咋喎。

我估，佢講既唔洗還款，係靠佢地口中所講既「化左條數」，即係 ...

CHING, 如果到時 破署要你俾錢還債,即 你間顧問保證但失敗.咁你點追番 D 分期付款??你去消委會告佢,定
係訓馬路抗議???? 呢D 友講姐,衰左你吹佢唔漲的.反正 DEPOSIT 已收!!!!

你問題:
收入-必須支出==上繳..
DEPENDS ON:
1 你搵幾多
2 你必須支出幾大
3 由上列兩點,主任/外判 JUDGE 俾幾多你

wexchau

ah_jai2005 發表於 18-11-2014 09:35
咦？！ 睇嚟，其實即係普通申請破產咋喎。

我估，佢講既唔洗還款，係靠佢地口中所講既「化左條數」，即係 ...

嘩....師兄,咁你真係要介紹(佢)比我識,把口叻到可以吹到化左條數,咁駛咩老破呀...去銀行財仔吹左佢咪得囉