將要破產,好灰, 希望大家幫下手

eric5354

自僱貿易多年, 舊客9成9已消失.

有八十多萬咭數, (銀行, AEON, 兄弟, UA,),而UA只欠數千.
百多萬私人貸款.(銀行)


三年多來, 付最低付款額, 壓力己爆煲, 希望解脫,
可惜,上有兩老要照顧.


年中, 間無限公司已結業,
11月頭, 過去數天, 想找律師, 可惜, 律師話要三年清晰個人及公司賬目,
過去數年, 賑目是左補右, 右補左, 何來可以清晰.

我告訴他只知現在欠多少, 他們說破產後好大機會要比人告.
我唔明佢意思, 可以告我咩.
是否即是不能破產.


剛剛一老又過世, 盡了孝心, 餘下的現金流已到盡頭,
同時, 另一老 已時日無多, 精神好差, 我好怕, 追數公司, 會真的嚇死老人家.

我想問:
1) 我交不出以前的出入收支賑目, 是否要入獄.  當然,如果要入獄, 我寧願離開世界.
2) 破產程序,點可以快D, 現在已開始收到電話及信件. 我知有張法庭紙, 可以令佢地立即停止 追數.
3) 點可以唔連累家人受滋擾. 餘下一老唔可以再受剌激架啦.
4) 追數公司會上門嗎, 佢地會用什麼手法, 我應該點應付. 我本身是斯文人,好怕這些爛仔.
    我知道報警都無用. 我自己都好灰.

希望各位大大, 感受到我現在壓力及困局, 幫下手, 比下過來人意見.

flypig

1 WORST CASE:唔俾老破,判監
2 唔俾老破,緩刑
3 俾老破,判監
4 俾老破,緩刑
5 俾老破,罪名不成立

我唔係6C,亦唔係專家,只係一個花生友.
我估呢D CASE,會係 4......俾老破,緩刑
你應該搵 專業律師傾下.同埋,你番查下 因老破而坐監係咩CASE...
通常就欺詐(填不實資料),轉ASSET.......

flypig

1) 我交不出以前的出入收支賑目, 是否要入獄.  當然,如果要入獄, 我寧願離開世界.
上次有位難友唔見左半年 帳目,重罰2K5 (好似係)
你盤數 數COME 數唔係問題.但無左盤數就好大問題.
你無左盤數,人地驚你轉走資產.咁可能唔俾你破就大件事.
相反,有盤賑目是左補右, 右補左, that is fine!!!!

kungfu

小弟當年有有限及無限公司各一。有限公司在破產前一年半停止運作但無通知公司註冊處，有完整賬簿及報稅紀錄。無限公司盤數最後幾個月立立亂。結果順利破產。第一次見主任時她只要求小弟遞交有限公司最後一盤數及辭任董事，完全無提那間無限公司。

定啲嚟，冇事嘅。

kungfu

3) 點可以唔連累家人受滋擾

小弟在破產前兩年已作好準備，當時賣了住所減債，同時租了兩層樓(都是住宅)，一層作居所，一層辦公(兩房一廳，唔錯嫁)。所有銀行的住所紀錄改成辦公地址。即使收數佬上門亦只會找到小弟，而小弟絕對不怕面對爛仔。不過從未有人上門，直至收到破產令。

kungfu

kungfu 發表於 15-11-2014 12:52
小弟當年有有限及無限公司各一。有限公司在破產前一年半停止運作但無通知公司註冊處，有完整賬簿及報稅紀錄 ...

師兄可以為老人家另覓居所，咁就唔使擔心喇。