|
樓主 |
發表於 13-11-2013 14:58:06
|
顯示全部樓層
本帖最後由 bb_q_888 於 13-11-2013 15:01 編輯
仔細個時係有語言障礙 (學習障礙其中一種)
語言障礙亦有不同分別,由於我唔係專家,我只可以簡單講解.
發音障礙
例:聖誕節~我"踢"了火"機"
正文:聖誕節~我吃了火雞
對語言理解
水果與 蘋果.橙.西瓜有咩分別?
水果係種類.蘋果.橙.西瓜係分類...
但有語言障礙係唔識分 (問非所答)
而且佢表達唔到,而你又唔明,通常都會發脾氣.
抽象慨念
例:時間.圖片
昨天.今天.明天係點分?點講解?
一隻貓...真貓同卡通貓,又點分?加菲貓係長毛貓,定波斯貓?
不同種類都是貓.
實物.圖片也有差別,更有學習難度.
當年我每天都在家做基礎訓練.
第一日 今天晚餐吃雞蛋.
第2日 昨天晚餐吃雞蛋,今天晚餐吃牛肉,(慢慢延伸)明天吃面包好嗎?
第3日 昨天晚餐吃牛肉,今天晚餐吃面包.
當佢答你:明天我要吃XX. (成功了! 教學完成)
不同分別練習,需要玩具幫助. (可學到分顏色.數量.指令理解)
假設:紅色車.紅色公仔.黃色車.黃色公仔.
要求他放去不同地方.
如黃色車放枱下. (顏色.分清目標)
2個黃色放入黑鞋中.(越唔合理就越知佢明唔明)
2個公仔放入筆合. (認清目標)
轉動物公仔就識分大笨象.斑馬.長頸鹿.
改用暗示:我要條頸最長既動物去厠所. (更複雜理解)
..................................................
過程:
問:幾時食月餅?
幼兒班
夜晚食.
低班
聽日食
高班
中秋節
光陰似箭 日月如梭 ............
琴日我問: 幾時食月餅?
佢諗一諗: 下年.....今年中秋節過左啦~
|
|