與子女相處之道

bb_q_888

一早就想講下呢個話題.

聞一
又有逆子偕友殺親 父死母危

新聞二
13歲數學王吊頸亡

參考三
唔識同人相處既姐姐

新聞四
35歲機癡墮樓亡


當父母覺得係為對方好,但是...對方係咪明白呢?
我有時覺得仔女只是一個比自己細既朋友.
唔知大家有咩睇法?希望大家可以分享下~

MEIMEI

唉~呢d咁深嘅問題, 我唔識答...

bb_q_888

MEIMEI 發表於 19-9-2013 22:05
唉~呢d咁深嘅問題, 我唔識答...

其實真係幾難架~
做父母都係要不停學習,而每個細路都有唔同.
不同想法,不同學習能力.

呢個話題都係研究下,同仔女相處,我有時都問下佢地想法.
尊重對方意見,給予大家思考空間都好重要.

bb_q_888

講下新聞一
現時有好多隱蔽青少年,唔知讀完書有咩好做.父母亦唔知可以點幫佢.
其實現時除左不停升學,有咩好做?
其次相信佢地關係唔好...甚至差,在時工作等於一般人全部,一家人亦各有壓力,欠缺體諒互相幫助.

雖然我們個個都有讀過書,但真正明白道理又有幾人?
身為家長看到這些新聞,總是很失望.
或許我們不是聖人,但總可指引下一代.供衣教學雖可使他們長大,
而不代表可令他們成長.
及時教導關懷,可能更有幫助.

如果無時間....返工大哂....無錢.....怕煩....唔好生!

admin

我見過兩個例子。
1. 父母與子女溝通係指示。個媽媽成日叫個仔，呢樣唔準，個樣唔準。夏天要穿長袖 3 ，重要係"勇"布！癡線！
跑兩步，出汗，就話唔好，話出完汗好易病！喂，真係只係跑左兩步！出汗，跑步會病？癡線！
夏天就勁啦！唔開冷氣！重要唔開風扇！點解？吹風易感冒！重有樣勁！就係…連窗都唔開！有無搞錯！香港夏天呀！大佬！我上去食過兩次飯。跟住，我就以後都唔上去啦。因為真係頂唔到。
唔準飲可樂，食老麥，乜都唔得，會熱氣！平時食菜，點煮？勁，就係清 " sup"。即係加水，淨煮！真係一D添加都無。連油同"言"都無！肉？ Sorry！無得食。因為有太多激素！
唔準出街玩！易學壞！
唔準睇電視！

每日有晒安排！上堂，補習，學呢樣，學個樣！基本上每日係無自已時間。

結果，勁！呵呵…

2. 父母基本上唔理。由得佢。食乜都得。但係都有D補習。其餘好少理。成日玩手機都得！
但係又好奇怪。細路又讀書幾勁！

dopod123

admin 發表於 27-9-2013 02:07
我見過兩個例子。
1. 父母與子女溝通係指示。個媽媽成日叫個仔，呢樣唔準，個樣唔準。夏天要穿長袖 3 ，重 ...

1。大個之後我念會係一個非常人，唔開冷氣比細路，但連自已都唔開，勁，可以到非洲生活。

2．只要有合理溝通，一定唔會太差

bb_q_888

admin 發表於 27-9-2013 02:07
我見過兩個例子。
1. 父母與子女溝通係指示。個媽媽成日叫個仔，呢樣唔準，個樣唔準。夏天要穿長袖 3 ，重 ...

我個亞伯娘... 係1個種.

2.我朋友個仔亦咁,細個時候還好,當佢地長大感情相對會較差.
讀書都要講天分,如果比多D關懷,先會留到佢地幾時有唔對路.
因為而家D人會無啦啦自殺.

kungfu

我家中只有以下規則:
1. 早上叫早晨, 瞓覺叫早抖
2. 要揸啱筷子
3. 晚飯時只可用英語交談
4. 夏天未到28度唔可以開冷氣
5. 唔番屋企食飯6點前打番嚟
6. 冇必要12點前番屋企

bb_q_888

「世界讓我失望」
http://hk.news.yahoo.com/吊頸太子爺fb-世界讓我失望-224031384.html

世界，讓我失望了~

為何他會這樣說....事實我也感到很失望,因為生活/人生并非想像中咁美好.
從小就要接受要讀好書搵扮好工,不停上課.補課.課外活動,
讀幼稚園.升小學.升中學...甚至上大學,那裹不用錢?自負盈虧....我們總是虧!
父母只能不停工作,滿足生活需求....老而不退,老而不休,被迫還是自願,那個說得清?
物質代替不了父母.

中學生我家有一個,看到她我就知為何"世界讓人失望",通識教人學習思,上網令人不用面對人群,
但學校從無教如何面社會,升學或工作渡向,對社會失望心理準備.

兩萬蚊請承包洗碗無人吼
http://orientaldaily.on.cc/cnt/news/20128672/00176_044.html
其實點解洗碗無人想做?講到尾太辛苦了,工時過長,而容易有職業病.

李+X講過香港無工業,少了就業機會.
http://www.chinareviewnews.com/doc/1007/8/5/2/100785291.html?coluid=7&kindid=0&docid=100785291

其實讀完書有咩選擇? 繼續進修,再進修....
之學D中英數化理有幾時會用到?  真可笑~

最低工資月薪變時薪....社會讓我失望了~
但我總不能告訴子女事實真相,因為扭曲世界并不存在書本上,只在人心.

講到尾....你有冇關心你子女?比機會佢傾訴...開解佢.