破產後還債回購業權求助

samam2015 · 发表于 8-4-2016 00:36:47

robi, 呢d情況, 破官一定按本子辦事, 你有冇問你個6C點處理?

robi · 发表于 8-4-2016 18:43:18

samam2015 發表於 8-4-2016 00:36
robi, 呢d情況, 破官一定按本子辦事, 你有冇問你個6C點處理?

佢都話要諗諗點做......並叫我唔好還電訊公司兩條數住...

不過點都好,先多謝呢個網頁,同咁多位同路人的分享......我先能夠逐步逐步行落去,多謝大家

samam2015 · 发表于 8-4-2016 23:59:02

祝你早日完滿解決, 既然委託6C, 就等佢攪吧, 有時d債權人都怕佢地煩而妥協嘅, 等你好消息! :victory:

Chercher0416 · 发表于 9-4-2016 00:57:22

samam2015 發表於 23-3-2016 00:09
同大家匯報一下進展: 由與債權人議價、清還債款及利息、收齊不反對廢止破產令信件, 直至搵6C搞呈請破署有 ...

恭喜你可以解決左困擾。
有的問題希望你可以俾少少意見，我爸爸欠銀行同另一間公司（貿易公司），我準備幫我爸爸還錢
我已經聯絡左破產官，破產官淨係電話上同我講爸爸欠幾多錢同有邊幾多個債主，之前我問破產官拿了當時債主申請破產文件，只係得一個債主，咁依家破產官話有2個，我可以向破產官申請債主文件嗎？定破產官電話講的都可信？

，但銀行淨係口頭講金額叫我去還錢，可信嗎？因為銀行冇白紙黑色回覆我的！
同埋另一間債權公司口頭告訴我委託左律師行處理，叫我聯絡律師傾價，律師同我講我還錢後就會俾大反對解除破產信我，信內容係 '代表債權人處理' ，'債務人名，証件' ，'債務人已還清欠款' ，
但我見之前有提過信內容要有戶口號碼同檔案內容，戶口號碼是指欠債時的帳戶號碼？檔案內容是破產內容？
我太多問題啦，但真係唔識解決，我都好想好似你咁怕的解決左依件煩事，謝謝。

samam2015 · 发表于 9-4-2016 02:37:34

本帖最後由 samam2015 於 9-4-2016 03:06 編輯

Chercher0416 發表於 9-4-2016 00:57
恭喜你可以解決左困擾。
有的問題希望你可以俾少少意見，我爸爸欠銀行同另一間公司（貿易公司），我準備 ...

Chercher, 我嘗試答覆你嘅問題, 希望對你有d幫助吧! 我都係同破署主任通過電話, 佢叫我書面寫信寄俾破署申請一份所有債權人嘅「債權人欠款明細表」, 破署份欠債明細表只係簡單列咗你申破後債權人嘅名稱, 債權人係破署登記嘅債款約數, 包含欠債數目及其他行政費用, 並不表示係真正還款數字, 只作參考之用, 因為破署唔知你d債權人點同你計咁多年嘅數, 所以你要自己或委託6C(建議你自己傾價), 逐個同債權人(銀行/財務/機構)去查詢今時應還嘅所欠款項, 有d會即覆或遲覆, 你可以同負責嘅職員傾下價, 例如唔收利息、少d利息之類, 咁如果相方都接受還款條件, 就可以還錢並叫對方發出一封「不反對廢止破產令」嘅信, 呢封信要有齊你欠款嘅準確資料, 唔好有錯漏, 集齊所有破署明細表列出嘅債權人發出嘅「不反對廢止破產令」信件, 重要記住: 封信內容唔只係証明你還晒錢, 最緊要係要註明佢係「不反對廢止破產令」, 收齊信後, 就可以搵6C幫你向破署申請搞呈請法庭廢破嘅手續。
另外銀行一般係電話報嘅金額, 你都要問實是否包括全部本金+利息、行政費、計算到幾時幾日, 最重要係問是否還清數後, 佢地係咪會即刻簽發「不反對廢止破產令」信件, 記住還款入數紙要好好保存以作証實及查證之用。
如果你覺得銀行電話報價冇白紙黑字, 你可以要求對方書面回覆, 但有d銀行或機構未必睬你, 而且時間可能會拖長, 我自己係對方電話報價, 但都冇問題出現, 咁呢個你自己決定好了。
信內容要有戶口號碼同檔案內容，戶口號碼是指欠債時的帳戶號碼？是
檔案內容是破產內容？應該不外係有關日期、聯絡資料、欠款戶口種類、金額等之類嘅描述吧。

robi · 发表于 9-4-2016 16:39:22

samam2015 發表於 23-3-2016 00:38
溫馨提示: 與債權人議好條件及清償欠款後, 最重要是要留意核實債權人發出的「不反對廢止破產令」信件的內容 ...

請問只有ID NO無破產檔案編號可以嗎?

samam2015 · 发表于 9-4-2016 20:56:02

本帖最後由 samam2015 於 9-4-2016 21:19 編輯

債權人發出的「不反對廢止破產令」信，主要有你嘅姓名、日期、地址、破產案件編號、有關破產案嘅賬戶號碼、已還款金額, 不反對你申請廢止破產等。

samam2015 · 发表于 9-4-2016 21:05:34

本帖最後由 samam2015 於 9-4-2016 21:14 編輯

你可以參考前面第(#97)的附圖，這是我其中一間債權銀行發出的「不反對廢止破產令」信，對方用中英文格式都可以，基本上都係公式化文件，間間內容都差不多, 你收到之後可交俾幫你辦廢止破產呈請嘅律師過目，有不符就要對方更正，否則呈請文件俾破署時, 會唔接受你嘅呈請申請, 又會拖延咗時間。

samam2015 · 发表于 9-4-2016 21:35:19

本帖最後由 samam2015 於 9-4-2016 21:41 編輯

robi 發表於 9-4-2016 16:39
請問只有ID NO無破產檔案編號可以嗎?

一定要有破產檔案編號, 因為有版友試過破署話內容資料唔夠完整要重新出信, 特別是破案編號。

robi · 发表于 9-4-2016 22:03:17

因今日收到匯丰信件是沒有破產編號，所以問問，如果要就星期一請佢再出

samam2015 · 发表于 9-4-2016 22:33:56

robi 發表於 9-4-2016 22:03
因今日收到匯丰信件是沒有破產編號，所以問問，如果要就星期一請佢再出

建議先打去破署問下比較清楚!

honey · 发表于 10-4-2016 01:04:14

honey · 发表于 10-4-2016 01:05:44

你有冇問匯豐講過價先？講過未必肯改，不過打去同主任傾亦是上策

robi · 发表于 10-4-2016 21:30:39

匯丰無價講...照跟息.....

honey · 发表于 13-4-2016 01:12:42

咁你叫匯豐改啦

samam2015 · 发表于 29-4-2016 18:40:05

最新匯報下近況，由同債權人傾數、籌款、還款、搞廢止令、土地註冊署起釘，同銀行傾轉按，足足搞咗半年多，6C介紹獅子銀行做轉按，大致上批咗會，等埋起釘份文件，應該五月內可以套到現還錢俾朋友，咁就真正完結。

補充內容 (30-4-2016 23:03):
至於轉按產生嘅6C費同銀行實際費用暫時未知, 因程序尚未完結。

honey · 发表于 30-4-2016 12:01:48

恭喜您呀

gx1808 · 发表于 30-4-2016 14:07:48

恭喜您呀,想問你全個過程用了幾多錢?

samam2015 · 发表于 30-4-2016 22:57:14

gx1808 發表於 30-4-2016 14:07
恭喜您呀,想問你全個過程用了幾多錢?

欠款本金51.8萬, 總還款本加息合共償還81萬, 5個債權人, 好彩其中揸兜、催屎、A醫冇收利息, 花奇銀行、中國件切銀行就收足有凸, 6C費全部就用咗4萬(自己同債權人講價)。

samam2015 · 发表于 30-4-2016 22:59:09

honey 發表於 30-4-2016 12:01
恭喜您呀

多謝您呀honey, 相信妳都就搞掂啦:victory:

		自动登录	找回密码
密码			註冊

破產後還債回購業權求助

浏览过的版块