希望大家比啲意見

萬念俱灰

真係好多謝咁多位師兄師姐。呢十日多得你地同我傾又教我點做。希望大家唔好介意我成日留言打埋啲無聊野。自從每個月都要還差唔多成份糧之後。我都好小再搵朋友。久而久之除左有wts幾句連街都冇出。日日返工放工冇靈魂

mchan

kpchg4 發表於 17-5-2019 18:02
講咗好多次佢星期二五先帶人宣誓

因為我之前提取過保險，佢話要寫封嘢解釋，咁就收咗三千。

加錢去派信，我寧願自己寄

萬念俱灰

出糧左手黎右手交哂比財仔。日日慳錢捱肚餓。等放工先返屋企食公仔麵。呢幾個月除左返工要講下野。我大部份時間都好似啞左咁。所以遇到你地我好開心。因為你地會明白我。希望大家唔好嫌我煩啦。我都真係屈左好耐啦

萬念俱灰

mchan 發表於 17-5-2019 18:58
加錢去派信，我寧願自己寄

佢加500都有得諗。幾千我真係唔捨得呀。

mchan

萬念俱灰 發表於 17-5-2019 18:59
佢加500都有得諗。幾千我真係唔捨得呀。

自己去寄掛號11蚊咋

mchan

萬念俱灰 發表於 17-5-2019 18:58
出糧左手黎右手交哂比財仔。日日慳錢捱肚餓。等放工先返屋企食公仔麵。呢幾個月除左返工要講下野。我大部份 ...

我之前都係日日食公仔麵食到就嚟癲

hornet

PoorGuy2018 發表於 17-5-2019 18:43
若單方面離婚好似要先分居兩年後才自動生效，就算雙方簽紙都要分居一年，若中途雙方傾點數可cancel唔離婚 ...

唔敢諗，現在成日都有新事來打擊我。死左會唔會好D? 但死左又會不負責任...唔知自己仲可以受到幾多。

萬念俱灰

hornet 發表於 17-5-2019 19:21
唔敢諗，現在成日都有新事來打擊我。死左會唔會好D? 但死左又會不負責任...唔知自己仲可以受到幾多。 ...

唔好死呀！死左就咩都冇架啦！為左幾十萬去死唔值呀。你條命邊只幾十萬呀！你以家都搞緊入學啦。你諗下個女。你捨得佢架啦？你唔想睇到佢大個成家立室抱孫咩？你諗下你屋企人最初好嬲。但係幾日之後都幫你。搞左入學就捱埋去啦。死左就咩都冇。又解決唔到問題。反而仲比屋企人又煩多樣。加油呀。

萬念俱灰

mchan 發表於 17-5-2019 19:10
我之前都係日日食公仔麵食到就嚟癲

琴日我早餐食左一個麵包。唔夠飽。lunch好肚餓。食左係屋企攞既餅乾。到夜晚收工返屋企餓到有啲胃痛。個人癲左咁又煮公仔麵又加左勁多餸落去。點知食左小小就冇胃口啦。個刻真係自己流眼淚。問自己點解要搞到咁折墮。呢幾個月買盒15蚊飯都覺得好貴呀。日日都唔夠飽架我。哈哈。

reslive

兄弟我曾經試過遲一個月，無話要比收數啵。
匯豐試過兩個月，轉左比收數(但還清就算，無附加費)
東亞遲左一個月，又係比左收數(態度好差，拿拿聲還翻 都加收左10%)

Ken0601

萬念俱灰 發表於 17-5-2019 17:47
但係咪要自己print啲表格出黎架？如果我扑民同we仔冇欠債文件呢？

表去到同佢買，好似15蚊，自己印都得，去填表唔需要任何文件，但填表需要填，所以要準備好，但你要準備欠債人資料(名，欠債額，債權人地址)同所有mpf戶口資料(戶口號碼，結餘)

reslive

BTW 我無破產，但曾經想過。。。 因為太大壓力
對付收數最好既方法就係，還錢 又或者聽電話
欠債還錢就一定架啦，頂唔住就快手入學 唔好拖
一係就落力d穩其他收入
我本來份工得一萬，還錢剛好無曬，係頂唔住之際，屋企人少幫一下再轉埋工收入變成兩萬五。。。。 現在差兩年還曬啦

萬念俱灰

reslive 發表於 17-5-2019 20:11
兄弟我曾經試過遲一個月，無話要比收數啵。
匯豐試過兩個月，轉左比收數(但還清就算，無附加費)
東亞遲左一 ...

到今日我遲左2個星期。呢3日都打黎話交比收數。sms我又話交比收數。個職員講到明會上門。

Jim69

hornet 發表於 17-5-2019 19:21
唔敢諗，現在成日都有新事來打擊我。死左會唔會好D? 但死左又會不負責任...唔知自己仲可以受到幾多。 ...

師弟，唔好諗咁多，搞掂入學先，當日我都簽左離婚協議書，心諗如果她覺得咁樣會開心的，就放她走，如果有緣一定會再一齊，依家見佢又無出聲，唔知有無入紙，不過為左小朋友開心，起碼肯一起出去。搞掂自己攔攤子先，平靜後努力做好自己，再追返她，我努力緊，你都好快見到曙光。

reslive

萬念俱灰 發表於 17-5-2019 20:29
到今日我遲左2個星期。呢3日都打黎話交比收數。sms我又話交比收數。個職員講到明會上門。 ...

佢地有壞賬部，估計現在係壞賬部打緊比你。。 一般要兩個月都唔還先會轉正在收數公司。如果你已經要入學，就唔好想咁多了，但我見你串翻個收數女。。。。 對你無咩好處， 師妹你都係忍下啦

Jim69

萬念俱灰 發表於 17-5-2019 20:29
到今日我遲左2個星期。呢3日都打黎話交比收數。sms我又話交比收數。個職員講到明會上門。 ...

上不上門都控制不到，找齊文件，盡快入學，唔齊文件就要延期。

Jim69

PoorGuy2018 發表於 17-5-2019 18:43
若單方面離婚好似要先分居兩年後才自動生效，就算雙方簽紙都要分居一年，若中途雙方傾點數可cancel唔離婚 ...

全對

reslive

我睇翻師妹 條數都唔係好大，單身 唔咩負擔

reslive

無咩負擔，其實穩過份工 應該都還到啵

萬念俱灰

reslive 發表於 17-5-2019 20:34
佢地有壞賬部，估計現在係壞賬部打緊比你。。 一般要兩個月都唔還先會轉正在收數公司。如果你已經要入學 ...

係呀。我聽日會忍住架啦。哈哈。我預左佢仲有排打比我。聽日我就試下用對老闆既語氣對佢。不過我想講一聽到佢既聲就真係著哂燈。