呢次我都攪到頭痛

queenielamok

smallcat 发表于 24-6-2012 21:16
師兄, 老實講, 依家失業率咁低, 其實你只要有中3學歷, 年輕力壯做乜都得, 甚至跟車送貨, 順X 速遞,  ...

smallcat... 你完全講左我想講既心聲...

其實有心搵工... 唔會話搵唔到... 你話要搵份人工高/福利好/同事好/工作量低/保證唔會炒魷的工作就話難啫... 搵份夠生活的... 宜家一定唔會太難... 打開份報紙大把工... 記得我3年幾前俾公司裁員... 撞正雷曼事件... 經濟環境差過宜家好多... 我失業左3個月... 因為急住搵份工來還債... 無辦法之下... 我係咁降低人工要求... 連平時唔會揀的工作地點都照搵... part time 都照搵... 最後搵到份比之前份工少3千蚊... 工作地點亦比較遠既工作... 人工係少... 但總算夠生活... 3年後既今日... 我依然係響呢間公司度做... 人工亦加左幾次...

我想話... c_ronaldo... 你諗定後路係啱... 但你與其用咁多時間諗點樣可以申請多d綜援金... 又諗綜援金夠唔夠你2母子生活... 不如用呢d時間打開份報紙搵工好過啦... 你話唔知找邊d工... 記住... 你宜家係失業... 你要生活... 你要錢... 就去搵工... 你有咩學歷... 咩工作經驗... 見到報紙有咩啱... 咪去見下囉... 總有份會請你...

smallcat

queenielamok 发表于 25-6-2012 09:07
smallcat... 你完全講左我想講既心聲...

其實有心搵工... 唔會話搵唔到... 你話要搵份人工高 ...

其實好多人無認真思考, 就算起薪唔算高, 只要你勤力, 老闆一定會知, 一定會有人工加, 一個人在香港肯勤力做野, 一定有唔錯既生活, 跟車送貨雖然辛苦, 如果師兄勤力, 唔怕吃虧, 加埋班一萬蚊一定唔難, 唔鐘意既, 搵d 店鋪 sales 亦可, 有冷氣歎又可以接觸多d人, 講野都醒目d, 加埋班都會有一萬蚊!

點都好過拿綜援, 左查你又查你, 查完一大輪 又要做義工 (唔係做義工唔好, 而係義工都要花時間, 咁不如工作)
又先得果4千大元, 撞鬼, 衰衰地搵份工都有8千, 有尊嚴又可以多d錢使, 如果做得好, 過2年過萬, 點都好過拿綜援, 拿了3, 4年個人懶晒, 出去見工人地問你之前做乜野 ? 唔通話做良地官 ?  拿綜援 ? 除非老闆真係搵唔到人, 否則即刻一腳申你出去    

唔做野2, 3年既"代價", 比拿到綜援既得益 "大很多"     

所以,C朗師兄真係要三思而後行, 當然搵唔到工作先去申請, 頂住先, 但工一樣要搵  無工作點面對朋友, 想追女仔, 更加唔好講, 晒氣, 係女仔見到都驚  

smallcat

queenielamok 发表于 25-6-2012 09:07
smallcat... 你完全講左我想講既心聲...

其實有心搵工... 唔會話搵唔到... 你話要搵份人工高 ...

所以, 只要人肯努力, 就如你加幾次人工一樣, 老闆唔係傻的, 搵一個肯勤力肯用心做野既人唔容易的, 所以, 一定有回報的! (當然有傻老闆衰老闆, 如果遇到咪轉工搵個欣賞自己努力既老闆咯, 哈哈)
我既情況都同你差唔多, 都係一樣努力老闆都會知, 會自動加的, 呵呵

wahtung

c_ronaldo 发表于 24-6-2012 21:47
我不知找那些工作才好...

斯朗兄以往做開甚麼工種咪試吓再揾囉,物流業現時都成日請人