真心請教

hsbc903

bill0828 發表於 27-5-2016 00:14
面對現實啦，你依家實係拆東牆補西牆，好快就會爆波，問下hsbc怎樣半日時間，9045就可以自已完美搞破。 ...

你應該要寫清楚係網友hsbc903,        如果唔係一間樓主走左去屋企樓下間匯風銀行問點申破咁點算？

EWB

neoneoneo 發表於 27-5-2016 00:27
搵d野變賣下，攪破產d錢都應該夠，只係睇下老婆個邊有冇第二條路行

樓主, 你既所謂第二條路, 只有..
1)  中左六合彩過百萬或最少50萬, 仲要KEEP 著有工作唔可以斷去還埋餘數
2)  立即搬番細單位, 係這5-8年努力還錢, 當然..你要擔保未還完錢前, 你地每月最少有2萬以上收入

否則, 一個不留, 一齊快D 完成4年再開始新生活。樓主, 好快又一日和一個月, 你拖下拖下都已經開始4年生涯, 咁好快就過4年了...!!  你現在情況, 拖一日都會好大壓力, 認真考慮去決定, 拖得耐, 對你冇好處, 只會越拖越煩~

bill0828

hsbc903 發表於 27-5-2016 00:29
你應該要寫清楚係網友hsbc903,        如果唔係一間樓主走左去屋企樓下間匯風銀行問點申破咁點算？ ...

呵呵，甘你直接俾建議怎搞啦，一個破，還係二個一齊破，定有更好條路行。

EWB

hsbc903 發表於 27-5-2016 00:29
你應該要寫清楚係網友hsbc903,        如果唔係一間樓主走左去屋企樓下間匯風銀行問點申破咁點算？ ...

HSBC903 C HING .. 見你既個案你都係高手一名, 你有冇咩好介紹和意見比樓主呀???  

hsbc903

EWB , Bill 兩位朋友，千其唔好講咩高手低手，黎得破聯都係需要幫忙嘅人，我都係個句，「今日你幫我，他日我幫人」。Neo 樓主單野，我覺得重點係保住老婆份工最緊要。首先一定唔可以俾債主騷擾到老婆間公司，所以Neo 一定要計清楚你哋嘅 cash flow 可以挨到幾耐。當然，唔該留定救命$9045護身符！破產未必會令亞嫂無左份工，但係債主打電話騷擾公司就死硬！Neo 話過自己將申破，即係未啦，咁呢 $9045        你老婆需要過你，因為你老婆係水面，實俾債主刮到，你都已經潛左水，唔掙在個幾日或月，只不過問題係你而家無銀行戶口，唔知道點樣揾錢。
首先我想問一問亞 Bill 或 Alex,  佢而家呢個狀況開唔開到永窿？如果永窿要 address proof,  咁你電話個 statement 地址寫邊到？Anyway,  先唔講銀行戶口，講揾錢，我唔識教你去茶餐廳送外賣或做咕哩喎，你自己都做過生意應該知道自己長處係邊，我唔覺得 hide @ home 就揾唔到錢，不過真係要睇你自己，呢到唔係創業版所以唔講啦。講番住嘅問題，搬就肯定㗎啦，萬4蚊你點頂？你而家死約，我有個 idea,  我估計你之前都係揾地產agent 啦，我會揾番佢，同佢講，話我老婆突然患左個病(sorry 亞嫂) ，將來肯定用錢(記得有咁深情得咁深情，要好似黎明上身咁) ，問佢幫唔幫到手，如果agent 幫唔到，而你又開始無錢交租，咁就要開始氹業主，一定要講到老婆個病超級嚴重，等住個兩個月按金洗胃又好洗腎又好，當然最好拖到兩個月唔交租走人啦，多數業主怕煩都唔想搞大佢，話晒你老婆都病啦，虾個有病嘅咁仆街？？同一時間你老婆個兩萬蚊人工就要好好安排。再加上你講過話可以賣啲野，而家你最需要嘅錢係 一個  $9040 護身符 for 你老婆 + 兩按一租 for 新地方，你兩個將會係破產之人，面對現實，揾下啲唐樓無lip 啦！分分鍾樓上樓下係141!  正常黎講應該係你老婆破產先過你，正常黎講你老婆啲債都係大銀行，應該唔會搞事，你最好自己set 個 cash flow time table,  計下你啲 cash 可以 run 到幾時！Good luck!

EWB

hsbc903 發表於 27-5-2016 02:00
EWB , Bill 兩位朋友，千其唔好講咩高手低手，黎得破聯都係需要幫忙嘅人，我都係個句，「今日你幫我，他日 ...

HSBC903 C HING, 果然高手.. 有另一睇法!!

樓主, HSBC903 C HING 同我講法一樣, 唸唸用咩方法和理由同業主講用左按金個2個月去先!!  如果佢知你有問題暫等錢洗冇錢交租著, 如佢比你用按金後, 而之後又唔交番3個月 (比番用左既2個月按金+一個月租金),  正常情況下佢都唔敢繼續迫你租的!!  2個月租金已經 $28000, 雖然唔係大數目, 但對你現在情況, 絕對係一個好有用既數目, 而且, 就算你地係前後腳二個月內咁破, 仲有錢多出來生活添, 至於其他問題, 只要有錢老破左, 好多野都可以慢慢講!!  除左要趕快搬屋和老破外, 另一重要問題係..你要快D有工才有入息生活!!  因為, 我所知道 .. 就算你老婆有工做有入息都好, 佢既生活費只係 FOR 佢, 唔可以供養你, 因為, 你唔係 OVER 65歲, 應該更加唔係健康有問題而唔可以出來工作既, 所以..正常情況下, 外判/ 主任都唔會批比你老婆個份糧來養你一齊生活的!! 所以, 你地之後既生活可能仍要繼續公一份, 婆一份咁生活!!  但如果相反..你出來工作, 你老婆做主婦, 你負責工作養佢又得唔得..咁我就唔清楚了!!  咁要問其他 C HING C 姐解答!   祝順利解決問題

neoneoneo

打去三姓到問，想睇下個case點攪，頭五分鐘免費，之後3000一個鐘

bill0828

找我們頭頂6C團隊，他們昨天剛剛來。你是第一個破聯成員，問下他們可給你免費咨詢。
幫你解決問題，你去專業版發下你需要幫助。

bill0828

找6C做起碼要14-15K，你自己去搞才9045，你現在能省多少也是真金白銀。
可以問下hsbc903小C妹，她下午2點到高院，6點就拿到NO，她是很有經驗。

hsbc903

Bill 哥哥，我的例子不可作準, 我填得快因為我沒有收入，沒有mpf,  沒有銀行戶口，沒有租金，沒有供養，沒有保險，所以才填得這樣快

EWB

hsbc903 發表於 27-5-2016 11:54
Bill 哥哥，我的例子不可作準, 我填得快因為我沒有收入，沒有mpf,  沒有銀行戶口，沒有租金，沒有供養，沒 ...

樓主, 你去老破既時候話咩都冇, 破處唔會覺得好奇怪咩??  連機本銀行戶口都冇喎~~

hsbc903

你問我嗎？是啊，居然沒有銀行戶口，破署也有問，不過這是當時的事實。

neoneoneo

另外想請問一下, 如我老婆申請破產, 那開支申報那面, 屋租14000法庭那邊會批嗎? 因我自己也會申請破產而且己沒入息五個月, 因現在還是死約, 而且沒有多餘錢再找新地方俾上期按金,
如屋租14K, 生活費4K, 其他2K, 她已沒有多餘錢還給債主了, 那法庭會批嗎?我們現在最擔心的是住的問題, 謝

bill0828

主任能批你10K就很不錯啦，如果報2個人住就要各分擔一半。看下其他Ching分享下2個人可以批到多少租金。

neoneoneo

係一齊住，但我已沒有收入五個月了，而租約也是她名義租的

flypig

如果齊破，到時盡fight. 當然要你搵到工。由於理論上，如果你要中途cut 租約，你到時的按金上期都要充公。要令外再申請按金上期。所以，我覺得外判未必唔放行。

flypig

過唔過到關，好講命水。衰左唔好怨我。我只係花生友。
試過有人不同意外判所批，要法官判。當時有5點argue.
包括 緊急的士費，part time 女傭費，d 女們留學澳洲費。慢慢睇。呢d 野，好睇外判與法官。
http://hkiva.org/forum.php?mod=viewthread&tid=2172&extra=page%3D1