想試下IVA先, 頂唔順先破產, 會唔好傻???

wexchau

rabbitki153155 发表于 9-10-2012 22:31
點解唔可以博既?? 雖然要穩定, 但唔明點解唔博得

我相信呢度好多師兄師姐都係過來人,既然比得意見你,希望你明白老破係對你最好的辦法,唔想你將來更迷茫和辛苦,四年好快過,起碼有終點..想清楚吧..

天帝

wexchau 发表于 9-10-2012 23:29
我相信呢度好多師兄師姐都係過來人,既然比得意見你,希望你明白老破係對你最好的辦法,唔想你將來更迷茫和 ...

RIGHT , 無 謂 嘥 時 間 , 算 人 工 9 K , 破 產 要 快 手 , 樓 主 有 時 間 在 此 處 扒 多 D 舊 文

OCO1582

我算係同樓主，有類似或相同經歷。
因我係自行申請DRP。
樓主情況人工同負債比，十分勁。
IVA條路唔短，破產其實係有個心理關口。
以樓主個人利益行先，就緊係破產會佔優D

rabbitki153155

OCO1582 发表于 9-10-2012 23:51
我算係同樓主，有類似或相同經歷。
因我係自行申請DRP。
樓主情況人工同負債比，十分勁。

就算肯破產, 但破期滿後都係30頭, 幾時先得老呀! 最大心理就係覺得自己做左個咁既決定會悔恨一世.
但現實係有個過左退休年齡既老豆同自己揾得唔多. 所以先揾過份, 揾到啦, 又剛起步, 未知之後係點.
前路茫茫呀

20202003

rabbitki153155 发表于 10-10-2012 00:01
就算肯破產, 但破期滿後都係30頭, 幾時先得老呀! 最大心理就係覺得自己做左個咁既決定會悔恨一 ...

IVA  同 破  都冇乜分別，以後銀行都係唔再信你，賒借免問！！！！


其實你都未清楚 IVA 係乜野產品， IVA  原意設計係俾一 D 唔破得產既人仕專用！！

即如律師、會計師、公務員、地產代理、保險從業員 ...............  等等


因佢地破產就會冇左份工，所以就要做 IVA ！！！


而你只不過係一個月薪得  一萬幾仟 既小市民，話肯幫你手做 IVA 都係呃你居多，你收入咁少，有銀行信你先至奇！！！！！！！！！！




****************  補充資料 *******


如搞 IVA  不成功  要再揾律師幫你解除 IVA オ可以申請破產！！

解除費約  $ 3000 至 $ 5000   再另加破產費用！！！！！！！

wexchau

rabbitki153155 发表于 10-10-2012 00:01
就算肯破產, 但破期滿後都係30頭, 幾時先得老呀! 最大心理就係覺得自己做左個咁既決定會悔恨一 ...

其實咩心理關口呢?點解會發生這種事,原因只有你清楚,其實老破就係要比自己四年反省一下,重新做人,你都識講,你仲年輕,將來的事誰人知呢!!..你還說仲有一個到左退休年齡的父親,你就更加要有穩定的收入,老破是最好的選擇,起碼唔駛擔驚受怕下個月夠唔夠還,有無飯食,四年真的很快過,過左就重新做人,只要肯努力,一定有人欣賞,邊個記得你老破過...加油喇,下決心做決定.....如果唔係,而家都過唔到,仲有什麼資格講將來呢!!!以上只是我看完後,一些個人感受,希望樓主明白

OCO1582

冒味一問其實樓主係男定女？

OCO1582

樓主，當人工，有一萬齊頭。但要扣MPF
每個月用5.4-5.7 我計用6千來還款。
每月，有約3千多來使用。唔係唔夠，但一定係辛苦D
未計有突發情況要用錢。
講返個情況先，IVA其實算係破一半產。係個底好DD
無人想行到破產呢步，但問題係，破產算係最後活路。
可能你覺得行IVA唔得，仲可以破產<=== 呢樣係對的，但要多用金錢同時間
真係要你自已衡量
最後，我先講明無睇死你做唔完IVA，只係路會好好好遠。
我自已本身都行緊DRP，相信你收集IVA資料時，都應該留意到DRP係咩。
如果你有興趣，你可以追返我個帖睇下。

rabbitki153155

OCO1582 发表于 10-10-2012 12:45
樓主，當人工，有一萬齊頭。但要扣MPF
每個月用5.4-5.7 我計用6千來還款。
每月，有約3千多來使用。唔係唔 ...

本人係女，但未有拖拍。 上到律師樓，佢都唔肯幫我做iva。 最終落實老破會分段比，可能無咁快正式搞到。仲要等，依兩個月睇怕都唔夠膽接電話。

rabbitki153155

本人係女，但係超宅
上到去，佢都再次勸我老破，最終變左搞老破。但先比少少，再諗尾數，可能最快都要等月尾或
下個月先可宣誓，唉

worldcat

你自己都識講4年後30歲，就算iva成功照計還完33歲。你覺得要儲幾多年錢先夠買樓？有心儲，你慳左個3年已經有廿萬。係嫁，自己將來無乜機會做私樓按揭。我自己計劃將來都係老婆出名，或者有機會就抽居屋/夾屋。

你要講計劃，咁你有無諗過過幾年結婚生仔？Iva 就算你收入少左支出多左都係還咁多，破產起碼有機會傾。

以宜家經濟環境講，跟住個兩三年唔多機會俾你搵到份好好嘅工。到經濟好時，都唔知係幾時。

破產唔係唯一條路，但理性分析呢條路係最適合你。

20202003

macauranger 发表于 10-10-2012 08:41
版主，只想補充兩點：
1. IVA同破產都係破產處嘅產物，同樣須要法庭頒令作實。
2. 我亦試過做咗IVA兼法庭 ...

如果 IVA 己經開始左 ( 即供左一段時間 ) 再更改破產，首先係要通知所有債權人，得到同意先可以進行！！！因搞 IVA　通常係要經過中間人（即律師或顧問公司等等 ) 同銀行等債權人商討重組，半途停供更改係要收取手續費用！！！如未開始供款就即更改就冇問題！！！


而 IVA 原先設計，係俾 D 有工作穩定收入人仕適用，避免破產！！而又不用通知顧主！！如有物業亦可保存續供，不用拍賣！！但信用評估紀錄同破產差不多級數，同被銀行財務列為不受歡迎客戶！！！

wexchau

rabbitki153155 发表于 10-10-2012 13:06
本人係女，但係超宅
上到去，佢都再次勸我老破，最終變左搞老破。但先比少少，再諗尾數，可能最快都要等月 ...

正面些,樂觀些,有問題總要面對...四年好快過,加油吧

rabbitki153155

wexchau 发表于 10-10-2012 14:09
正面些,樂觀些,有問題總要面對...四年好快過,加油吧

係咁望, 但真係前路茫茫, 最怕係未來個幾十年.
但個心係度阻就緊令我破產班人

wexchau

rabbitki153155 发表于 10-10-2012 17:59
係咁望, 但真係前路茫茫
但個心係度阻就緊令我破產班人

其實唔知妳咩原因老破..不過咁,既來之,則安之...放鬆些,呢度好多師兄師姐都經歷過妳這個時期,初初一定好唔習慣,遲些妳就覺得無問題架喇,最緊要來緊這四年知道要點改變自己,迎接一個新的自己..努力

rabbitki153155

worldcat 发表于 10-10-2012 13:14
你自己都識講4年後30歲，就算iva成功照計還完33歲。你覺得要儲幾多年錢先夠買樓？有心儲，你慳左個3年已經 ...

我諗住繼續宅落去添, 住死公屋吧.
D錢儲黎都係下半世慢慢洗算吧

温sir

rabbitki153155 发表于 10-10-2012 18:19
我諗住繼續宅落去添, 住死公屋吧.
D錢儲黎都係下半世慢慢洗算吧

廿幾歲人........何解咁灰？？

worldcat

rabbitki153155 发表于 10-10-2012 18:19
我諗住繼續宅落去添, 住死公屋吧.
D錢儲黎都係下半世慢慢洗算吧

決定左就好，起碼搞掂後有返基本生活。4年係重新開始。

wexchau

rabbitki153155 发表于 10-10-2012 18:19
我諗住繼續宅落去添, 住死公屋吧.
D錢儲黎都係下半世慢慢洗算吧

駛咩咁灰,妳仲大把時間,住公屋唔好咩,我都唔知住得幾舒服...我夠宅喇,條街咁多人,屋企最過引

wahtung

rabbitki153155 发表于 10-10-2012 18:19
我諗住繼續宅落去添, 住死公屋吧.
D錢儲黎都係下半世慢慢洗算吧

住死公屋又如何?有公屋住已好過好多其他人出面捱貴租,仲要受業主及房東氣,老實講,以現時香港咁環境,啲樓價咁高企,真係買樓談何容易放鬆些