有臨破令是否停收數？

manu

天意玩弄人心 發表於 4-8-2024 22:13
二線好難講。 我自己得三間二線 。 申請臨時令只有一間打過幾次電話，就無左影。 直到破左大半年之後又打 ...

最怕係上門追到時要同2佬交代

天意玩弄人心

manu 發表於 4-8-2024 22:45
最怕係上門追到時要同2佬交代

實知，坦白吧

一個傻人

manu 發表於 4-8-2024 21:40
年頭幫我搞掂張卡數都激到生蝦咁跳打到我啲番唔到工
老實講同2佬講分分鐘打死我都似 ...

去到而家仲可以暪得住？錯就要認打就要企定

Loserisme

請問一下，二線係指邊d 公司？

CEEPO

manu 發表於 4-8-2024 21:37
收成5萬呀
分左7期還……
1黎唔識搞2黎燒到埋身唔知搵邊個幫我搞變相焗搵佢 ...

第一: 你揾中介搞乜嘢清數或破産你已經輸咗先，已經救唔返！

第二: 有臨時令唔係大晒！老實D同你講句，呢個只係噩夢嘅開始！，就算有臨令債權人都可以合法追你還錢！記住人地合法形式追債唔係犯法！預咗未有正式令呢段時間內（你個人，公司，或諮詢人會不斷受到電話或wts騷擾，甚至上門拍門或叫囂，屋企門口貼大紙報，或貼滿屋企門口走廊亦都要預咗先！）

第三: 呢段時間（未正式盼令前），你預咗要硬食同有心理準備，重點係要同屋企人清楚講定！（記住呢樣永遠紙包唔住火），同嘛呢段期間內亦唔到你驚得咁多！因為你預咗日日晚晚都會精神崩潰！不過人地追數還追數，如果對方做出D過激行為（例如: 塞匙窿，淋紅油..，人生恐嚇..，你係可以打999報警或去就近警署開FILE備案，同嘛建議屋企門口裝定好cctv,因為報警你有嘛證據先會同你先處理（但未必一定，總之有好過冇）!

第四: 捱到你有正式令係手（破處會寄封有紅印仔信比你，呢張就係正本！），記住有嘛正式令亦唔代表無敵！欠一線或二線頭嘅，多數會停止追收，但二線尾或扣底財（電話數就預有排追！）就預咗都會照追，只不過追嘅方式會有所改變，因為呢D二線尾多數已經係外判比人，追你數果D亦唔會同你講代邊間公司去追你，因為佢哋呢個行為亦都係犯法，你還錢比任何一間亦都係犯法！同嘛預咗打後會有好多呢D騙案會出現！，終之乜都唔好理！見唔對路電話就封鎖，唔接唔聽！

第五: 可以嘅話，最好就轉工轉電話轉住址，（裝cctv亦好重要！）

CEEPO

重點: 預咗有令後都唔好排除風平浪靜！真追假追同騙案每日都層出不窮！記住一樣！破咗後就唔可以私下還錢比任何人，對家追你係犯法，你還錢比人更加犯法，監都有得你坐！，如生命受到威脅就報警處理！！！

Cs618

manu 發表於 4-8-2024 21:37
收成5萬呀
分左7期還……
1黎唔識搞2黎燒到埋身唔知搵邊個幫我搞變相焗搵佢 ...

無啦啦仲要俾中介呃
搵三姓都係15000啫 要搵快手嘅都唔使2萬啦

manu

CEEPO 發表於 5-8-2024 04:16
第一: 你揾中介搞乜嘢清數或破産你已經輸咗先，已經救唔返！

第二: 有臨時令唔係大晒！老實D同你講句， ...

當時個5間2線有扣底……

manu

CEEPO 發表於 5-8-2024 04:16
第一: 你揾中介搞乜嘢清數或破産你已經輸咗先，已經救唔返！

第二: 有臨時令唔係大晒！老實D同你講句， ...

轉電話轉工都冇問題
問題點轉住址呀……都無錢搬

天意玩弄人心

manu 發表於 5-8-2024 13:49
轉電話轉工都冇問題
問題點轉住址呀……都無錢搬

你搬 佢都會照上舊地址追你屋企人，同屋企人講聲打定底好過無啦啦嚇親佢哋

manu

天意玩弄人心 發表於 5-8-2024 14:22
你搬 佢都會照上舊地址追你屋企人，同屋企人講聲打定底好過無啦啦嚇親佢哋 ...

但都冇錢搬啦

一個傻人

manu 發表於 5-8-2024 22:23
但都冇錢搬啦

既然無能力搬
就坦白同兩個老人家講清楚
門口裝定cam
有乜嘢事就報警

manu

一個傻人 發表於 5-8-2024 23:08
既然無能力搬
就坦白同兩個老人家講清楚
門口裝定cam

想坦白架
但唔敢坦白係驚2老激到身體出事
有冇咩辦法滿落去

天意玩弄人心

manu 發表於 6-8-2024 10:31
想坦白架
但唔敢坦白係驚2老激到身體出事
有冇咩辦法滿落去

知唔知財仔點解明知你無錢還都要追你數，就係迫你屋企人幫你還 咁點樣仲滿到落去？ 遲早通晒天

manu

天意玩弄人心 發表於 6-8-2024 10:36
知唔知財仔點解明知你無錢還都要追你數，就係迫你屋企人幫你還 咁點樣仲滿到落去？ 遲早通晒天 ...

問題就算我家人都冇咁多錢還……
所以真心想滿落去住……至少起碼滿過呢個月等正式令工先

Yuyuyuu

manu 發表於 6-8-2024 10:31
想坦白架
但唔敢坦白係驚2老激到身體出事
有冇咩辦法滿落去

由你自己把口講咗先，會好過債主上門淋紅油時佢地自己發現。起碼幫佢地打咗個底先。

天意玩弄人心

manu 發表於 6-8-2024 10:53
問題就算我家人都冇咁多錢還……
所以真心想滿落去住……至少起碼滿過呢個月等正式令工先
...

你借二線扣底 正唔正式都一樣。有d人申報就停哂追，有人就算破左年幾都照追 你覺得有咩分別？

a981142

manu 發表於 6-8-2024 10:53
問題就算我家人都冇咁多錢還……
所以真心想滿落去住……至少起碼滿過呢個月等正式令工先
...

咁驚屋企人知仲借爆哂?衰咩?
都貼左大字報,點瞞?
到時鄰居都受騷擾,你屋企人出入都無面
你比中介呃啦,自己破1萬都唔洗,律師都係萬幾

manu

a981142 發表於 6-8-2024 13:06
咁驚屋企人知仲借爆哂?衰咩?
都貼左大字報,點瞞?
到時鄰居都受騷擾,你屋企人出入都無面

本身正常供到ub同幫民既
自己衰on9冇計自己夠唔夠錢供數就借錢俾人
後尾有追，但條友幾百最多1000咁1個月1個月咁還我，搞到冇錢供數要頭搭尾借左5間2線黎數蓋數
到而家搞唔掂破左
最初借ub同幫民係為交學費，但懵懵下唔知原來有免查入息借政府去讀書，借左ub同幫民後先知……
衰就衰在自己on9冇計好數就借錢俾人同懵下懵下咁冇好好搵定資料去問政府做免入息借錢交學費
家陣真係為自己當初on9後悔莫及

CEEPO

早早同屋企人坦白吧，唔好咁天真！一定瞞唔到，手都唔怕舉，舉咗仲怕乜？比我會同屋企人講預咗個追數情況更惡劣添！！起碼比定心理準備佢地，裝定cctv,買定天那水抹油，呢個環境預咗括出去，錢就冇命就一條，夠膽就攞嘛去。