屋企人欠債, 但又唔可以破產(因為會冇左份工)

豬公

原帖由 asurada 於 2009-6-30 00:41 發表

唔好意思 ... 我講清楚d

其實係我阿哥佢欠左A銀行錢, 但間樓係 B 銀行做按揭的, 而 A銀行同B 銀行不是同一集團,
而佢重有銀行C 同銀行D o既欠款, 不過因為就黎還晒咁佢都係會繼續還到尾的

咁佢想只係走銀行 A 條數 (約 2X萬), 而其他欠款及按揭都係會繼續供的

佢間樓只係買左一年多d, 同埋間屋依家已經吉左冇人住而佢地一家人亦已經搬左去一個新地方(冇通知銀行)及我阿哥都轉左去新o既地產公司工作 (由做住宅轉左做商業單位)

其實銀行大概會點做我都有同我阿哥講過, 不外乎申請我阿哥破產, 但由於銀行A 在我阿哥個 Case 黎講唔係最大債權人, 銀行A 入紙申請, 到最後可能收唔得返幾多 (因為銀行 B 應該佔收左大部份o既錢) ... 就算銀行 A 唔申請我阿哥破產, 佢地係我阿哥個樓契落釘, 我阿哥一樣唔賣得間樓, 點知我阿哥話唔賣得咪放租囉 ....

我其實亦同阿哥講, 你又唔係諗住全部數唔還, 咁點解唔攪 IVA ?, 佢話 IVA 收得重貴過破產, DRP 銀行A都唔肯同佢傾, 所以佢先至諗住唔還銀行 A 條數

其實我阿哥應該可以點做 ? 佢依家 o既決定又係咪最好 ? 麻煩各位有經驗o既人士幫手諗下

你阿哥係香港有樓，A銀行一定查到 ( 因為係 B 銀行借左錢，信貸資料庫一查就見 )，如果 A 銀行發覺你阿哥走數又搵佢唔到，比著你係 A 銀行負責呢單 case 嘅人，你會點做？惟一的做法是申請你哥破產，這是標準程序，收唔收到錢根本不在考慮之內，負責人一定要做番的野。


都係叫你哥正式去面對啦，想得太多以為最聰明的做法有時其實是最差勁的處理方法。

ely07

绝對同意.面對才是最直接解决方法