破產問題

miedumo

Admin大大你真的太好

miedumo

手機打常按錯回覆⋯對不起， 我明白你意思，但我在顧慮個官會吾會信半年內飲飲食食交費等等用左100萬，何況如叫我上去解釋點將100萬比我媽，我就是怕說現金交收無紀錄個官吾信，不批破產。現在正努力搵緊6c邊個很接我單甘復習野，太貴又比吾起，太平佢又吾會接⋯⋯唉

miedumo

當然果100萬根本係無存在過，因為我都無。我媽認真無錢⋯果d銀行數一真都未清過⋯唉

admin

如果個一百萬未出現過，你就麻煩啦。不過，個個到呢種情況都成身街數架啦。都唔難姐…

miedumo

Admin大大，你這句麻煩就是我心中所怕，但我又不懂怎麼講是什麼問題，我也希望個官會信吧⋯⋯⋯講真無單無據個官吾信你都好正路！

還想問一下這裡可以介紹或推薦幾間可靠可信6c行給我嗎？

flypig

有點兒亂,樓主睇下我有無理解錯.
1 樓主N 的 母親 L 欠銀行 850K.
早前按了層樓 俾銀行(市值3000K).2014年10月 N 用2000K 幫銀行 贖回.

2 由於層樓市值 3000K, 樓主欠母親 1000K

我問題:
1 有無簽正式買賣合約? 層樓是否 已轉到 N 名下??

樓主問題係, L 會否被告 資產轉移?? 或者不被告,但被判定 以低於市價 1000K 賣給樓主,而被追討!!!!!

flypig

我諗你搵律師 問清楚法律意見比較穩妥.

我睇法係,重點在於 N 買入 L 層樓的一刻.是否市價???
如果係,當然無問題. 如果唔係,就有機會 被追討.

miedumo

Flypig師兄 ， 你睇得好清～1. 已簽合約，已在我名下
無錯，我問題就是這樣，但我好希望保住層樓，始終我媽是比騙，我真的很想努力守住⋯當然我也是理性的，不是盲目去做！

flypig

miedumo 發表於 5-5-2015 11:08
Flypig師兄 ， 你睇得好清～1. 已簽合約，已在我名下
無錯，我問題就是這樣，但我好希望保住層樓，始終我媽 ...

我諗你同律師傾時,要問清楚 in case 被破署判為 低於市價的交易時,有無慣例如
你可否分期付款......

admin

樓主應該係用 3M 市價買左層樓。

但係只係比左 2M。

個 1M 無係支票，轉帳中出現過。

即係，合約上寫 3M 市價，但係實際上只係比左 2M。
而個 2M 已經還晒錢。

-----------------------------------------------

其實情形唔係太麻煩姐。

-----------------------------------------------
好多方法。

1. 個時幾耐之前？
2. 3M 係市價。所以無資產轉移問題。
3. 樓主比左2M。原則上你爭媽 1M。
4. 咁你可以每個月還錢比老媽子，咁有乜問題？而家唔比借阿媽錢？

你而家係業主，點強制拍賣？點釘你契？

最多米再按，還番幾10個羅。

點解？樓主平時都有比錢阿媽架啦，當還過架啦。破署有計米查下點解之前比唔係家用，係還錢羅。老人家收個仔錢，而家一定係家用架啦？唔比係還錢架。

如果係資產轉移，我就個2M都唔比啦！

miedumo

Flypig師兄，多謝你意見，其實我也問6c，但因為幫我搞轉按位6c怕再幫我搞埋破產會比更不可信，所以叫我出去搵其他6C,但較大6C行一聽到我個case就話要見律師1個鐘5000⋯⋯⋯痴線的嗎！

Admin大大，好彩有你後補都吾算太麻煩⋯⋯⋯唉⋯⋯⋯個心定一定，
1. 上年10月做轉讓
2. 明白，感激！
4. 希望個官人情上信我，只分期還幾十個我都無問題⋯最多食小d玩小d!

現在問題變相就是能否搵到間平6c幫我搞，非常擔心比人呃入局搞足4年⋯

flypig

admin 發表於 5-5-2015 11:54
樓主應該係用 3M 市價買左層樓。

但係只係比左 2M。

呢個好可能..到時 樓主欠阿媽錢,債主就追樓主.但樓主有樓,會唔會要即清數??
定可以分期呢???

flypig

miedumo 發表於 5-5-2015 12:55
Flypig師兄，多謝你意見，其實我也問6c，但因為幫我搞轉按位6c怕再幫我搞埋破產會比更不可信，所以叫我出去 ...

無水就試下D 免 費 法 律 諮 詢 計 劃....
http://www.dutylawyer.org.hk/ch/free/free.asp

Good Luck!

Daniel_Wong

1. 如果你戶口中的資產從來都無大概100萬的數目出現過, 叫人點信你曾經有100萬俾你媽媽? 不論點虛構你媽媽點大洗都好, 你呢個故仔先缺條件係你自己的資產曾經有100萬/證明自己借過100萬吧
2. 破產官會追返你呢個「口數」的100萬, 因為只有200萬的錢有證明交收過, 餘下呢100萬如果寧寧捨捨係用現金交易, 正常人都會查都會追啦
3. 搵律師係做一個最穩陣的諮詢, 睇下佢地有無橋幫你, 所以搵一D有少少名氣/信得過的律師係應該的, 當俾少少錢買一個希望, 因為你而家可以保到層樓的機會係below 20% (除非你自己有100萬可以嘔返出黎)

miedumo

Flypig 師兄， 感謝你的意見～水不多，但都希望搵幾個律師問意見，多謝提供免費的！

Daniel師兄，我在想也是我跟本証明吾到我有100萬，當然我說現金儲起也可，但信不信就由官決定。

我去有名的葉x鄧6c行都話見6c 要5000蚊1個鐘見面，但我跟本不知道他真的是有方法還是無，我值得去試試嗎？本人沒什麼錢，幾萬蚊我當然付得起，但最好留著日後打算用！

flypig

miedumo 發表於 5-5-2015 16:03
Flypig 師兄， 感謝你的意見～水不多，但都希望搵幾個律師問意見，多謝提供免費的！

Daniel師兄，我在想也 ...

我朋友有單 CASE 幫趁 又青色又紅色 6C樓,
洗左 10個,最後一日叫佢認罪. 要認罪就唔洗花10個喇...

你不妨搵D 有法律專業資格的議員問下......
當你講自己有100個 CASH 放係屋企,先唔好問個官,問你自己信唔信先???
如果你做小販,開 餐飲,做一D CASH FLOW 好快的生意,有可能...
如果你打份工,個官都會望下你 月入幾多....

admin

樓主其實唔駛咁驚呀

爭個 1M，同埋係成 8 個月前的事啦。

1. 有 2M 交易。如果想資產轉移，唔會有2M，最多米1M，有成 67% 喎。告你都要人信點解轉移的錢大過一半啦。好多人，轉移係90%轉走架！
2. 咁你米話，淨 下個 1M 米每個月還羅。而家又唔係唔還。所以最緊要寫明你欠媽 1M。

問題來啦，銀行可能迫你比 1M 出來。

咁米比羅。分期還。就算賣層樓，你都會收番 2M。因為你實在是現有業主。我睇唔到有乜資產轉移喎。

好多公司破產，都有好多錢未收晒架啦。
-------------------------------------------------

拿老實講啦。上面係點應對官問。

真實上來說，你有無打算轉移就得你同你媽知啦。

miedumo

Flypig師兄，我也明白這點，多謝你比甘多意見我，看來照直報無比過會是好選擇。

Admin大大，真的沒有自我轉移，如果我是都不會公開問各位，搵個私人律師傾就已經可以，我一心保住層樓，現在我也大概諗到我如何答個官，現在要努力搵到個平律師幫搞老破。超感感感激你，比太多定心丸我了！！

admin

樓主請留意，我回答係個人意見。

不過主要我意見係，你比番個 1M，其實無人可以告你。因為
1. 你媽媽正在申請破產，我睇唔到有乜地方你資產轉移 (當然我假設係市價啦)，而所有資產都有紀錄，包括你爭媽 1M
2. 8個月前，當時 1M 分期比媽係一個好合情理的做法。有時我都問人借幾個，分期還啦。好正常。

所以，你主動報你爭媽 1M，並且有協議分期還。我真係見唔到點告你資產轉移。破產唔係話之前唔可以家人互相幫助掛？

咁即係帳面上，無資產小到。

實際上，債主都有個時間表你點還個 1M。

不過，你都係要再問下義務律C先至真！

miedumo

Admin大大，我明白的，謝謝大大講解，但我忽然諗諗下如照上報左，就等同我頂左條數，我媽破產就已經無意思是吧⋯⋯⋯⋯