新手報到, 有D問題想問...好徬徨

nc1he6

..你CASE同我好似...
我欠25萬數左右..之前都俾人介紹左去所謂既顧問公司...我果陣時好徬徨..同你一樣....
果間顧問公司一開始講到包生仔咁(6萬蚊全包&破後吾洗還)...我果時還吾到....都唯有信佢...
好啦..咁我都同果間顧問公司簽左合約..因為我果時無錢...得番幾百蚊..俾左500蚊訂金...
跟住顧問公司就帶左我去借所謂有合作既黑財果度借錢...D息貴到呀媽都吾認得....係簽名果一刻..好似突然醒左咁...
因為諗緊真係破產後2頭吾到岸就慘啦...所以我無簽到名..我話吾搞破產啦..要同屋企人傾傾先...可能屋企人幫到我..
跟住顧問公司自稱係律師果條友係度嘈..話要相信佢....最後我拎番自己身分証走左...

接著成2個星期..顧問公司不停打俾我同我屋企人騷擾...叫我屋企人幫我還番錢俾佢(顧問公司)....因為吾搞破產都要俾手續費...都要俾4萬..
因為我屋企人同佢講識律師..仲要識左10幾年果隻...佢之後就無再騷擾我同屋企人了...

跟住..我就搵屋企人識得果個律師搞破產...我同你一樣係8月左右申請左UX3萬左右...律師要求我還一個月...如果吾係有機會俾人告...
9月頭我就入左紙..黎緊10月尾上庭.....
仲有..我問過律師...申報欠債果度本身想報埋呢4萬蚊(顧問公司手續費)...但律師俾意見我話吾洗理佢...佢做吾到D乜出黎....

個人意見:
你CASE同我有小小吾同..因為你借左黑財...呢個一定無得走....因為佢吾合法的...
黎緊..我suggest可以既話問屋企人借6萬蚊去還左呢間黑財佢...另外欠顧問公司尾數可以不用理會...呢筆錢就當買個教訓..上人生寶貴既一堂...
(我經過自己呢件事..都學識好多野...)
另外...用15000蚊搵律師幫你搞破產....

呢個只係我自己個人意見....希望可以幫到你.goodluck...

flypig

黑財60k 無得還。一還就可以俾人質疑，你還俾某些債主，咁係對其他債主不公的。咁係犯例的。呢d野要企硬。或者樓主問下法律意見吧。

nc1he6

flypig 發表於 28-9-2014 00:26
黑財60k 無得還。一還就可以俾人質疑，你還俾某些債主，咁係對其他債主不公的。咁係犯例的。呢d野要企硬。 ...

黑財...係吾合法的=大耳O...就算申請左破產...都係要還...
佢應該問完屋企人借..還左黑財先...因為黑財無得走...追到你天涯海角...

flypig

黑財，都係欺善怕惡。以前，過大海的大耳loan 非常橫行，宜家比收斂。以前，借信用卡如 查打都用黑社會追數，宜家唔可能。而且呢單野，顧問同大耳loan掛勾，大家知咩料。一定可以講數，講多講少，睇牙力。邊有可能一見黑財，立即腳軟？？？你要幾多就幾多？而且，你留意下新聞，呢幾年黑財放火燒屋，減到接近0。而淋油，有，但少好多。有s黑財如及xx,亦收斂左。

Heihei

就算你擺脫都呢間顧問，又成功搵到正經6C搞破產，黑財個邊都好麻煩。你快D搵個正常6C傾下啦~~~~

Heihei

ireneeneri 發表於 27-9-2014 13:22
佢有俾卡片我... 但係個title係資深法律行政人員..

呢個就緊係唔係6C啦，佢可能只係負責訂文具。