谷底，徬徨中

superlemon911 · 發表於 22-3-2014 19:43:32

4年前我都係幫襯呢d pk顧問公司，呢d公司同d財仔有勾結，介紹d客過去借錢，我果時借左幾千蚊話做債務重組，最終唔做取消比顧問公司食晒做手續費，呢d財仔你破左都照追數，報警都無用的，我試過，你要有心理準備有電話騷擾，我果時迫住還錢比果間野，家人還的

落難天使 · 發表於 22-3-2014 21:07:44

咁即是話破咗都要還，報警都無用

落難天使 · 發表於 22-3-2014 22:07:13

今日收到破產署寄嚟嘅信，係咪領訊前會收到主任嘅信呢？信中話收到信立即聯絡他，因為之前律師宣誓時同時申請解凍戶口，係咪咁所以要約見呢？

落難天使 · 發表於 23-3-2014 02:56:20

仲有律師將開支嘅資料報大咗，可能我老公講到一舊雲，所以律師咁寫!若果比主任果份有啲出入會唔會有問題呢？係咪我照實報返就無問題？

flypig · 發表於 23-3-2014 13:58:07

落難天使發表於 23-3-2014 02:56
仲有律師將開支嘅資料報大咗，可能我老公講到一舊雲，所以律師咁寫!若果比主任果份有啲出入會唔會有問題呢 ...

你搵得6C﹐都係信佢好過

MEIMEI · 發表於 23-3-2014 15:18:30

落難天使發表於 23-3-2014 02:56
仲有律師將開支嘅資料報大咗，可能我老公講到一舊雲，所以律師咁寫!若果比主任果份有啲出入會唔會有問題呢 ...

律師幫你哋報幾多, 你咪填返幾多.

落難天使 · 發表於 1-4-2014 14:12:08

各位，我就嚟精神崩潰啦！追…追…迫得太緊，又話搵收數上門，我好驚嚇襯我個小朋友呀！我擔心到瞓唔安，食唔落！呢啲所謂3線有牌有註冊又如何？？政府出牌是這樣咩…唉…都係自己個衰佬on 9！

flypig · 發表於 1-4-2014 14:40:24

落難天使發表於 1-4-2014 14:12
各位，我就嚟精神崩潰啦！追…追…迫得太緊，又話搵收數上門，我好驚嚇襯我個小朋友呀！我擔心到瞓唔安，食 ...

煮到黎就食喇.佢地無咩放火O既.真係有人上門,記得報警.
你留意下,90年代初好多紅油,偶有放火.
今日偶有紅油都有,沒有放火.ID CARD 周圍貼,都講緊7位數人地先做野.

落難天使 · 發表於 6-4-2014 03:08:45

1)我老公15號就領令，而家律師比咗份表填支出表比我老公，到時比破產主任，我想問其中關於妻子填入息，而我本人收入$8600，但我4年前用我名幫個衰老借咗銀行錢，月供$5500，2015年5月先供完，咁我可唔可以用呢個理據同主任講，我唔可以開支方面幫到我老公呢？2)唉…真係好灰呀…網上搵到資料知道其中之一間3線係黑財嚟㗎，而家湊個女出出入入都提心吊膽呀…各位兄弟姐妹，係咪就算我老公領令後都大把手尾跟，咁我同亞女點算呀？

flypig · 發表於 6-4-2014 11:58:37

落難天使發表於 6-4-2014 03:08
1)我老公15號就領令，而家律師比咗份表填支出表比我老公，到時比破產主任，我想問其中關於妻子填入息，而我 ...

1 你要月供5K5,當然要報上去,話無能力分擔佢生活支出了.
2 財仔係煩架.不過你地無錢麻.佢又可以點??你又可以點??一有事就報警.
你要明白,大家都係打份工.你不妥協,對方都只有走人.

落難天使 · 發表於 7-4-2014 11:48:49

多謝你嘅回覆，未計啦…見步行步！有個問題，我老公公司出咗張支票係3月份人工，到時開新戶口可否即刻入票，第二天全數提取呢？…因為3月同4月生活費都係我屋企人同朋友幫我咋！唔該哂

flypig · 發表於 7-4-2014 13:03:44

落難天使發表於 7-4-2014 11:48
多謝你嘅回覆，未計啦…見步行步！有個問題，我老公公司出咗張支票係3月份人工，到時開新戶口可否即刻入票 ...

當然即刻入票,總之要快.

落難天使 · 發表於 10-4-2014 11:42:31

想問下
1)當開到戶口立即入噃張票，但要3個工作天才可提取，咁洗唔洗話比主任知有張出糧支票要入，同時破署會唔會hold 住啲錢呢…因為今個月生活唔得啦…屋企人唔再幫啦！2)好奇怪，有啲疑惑，之前果2間2，3線不停打電話嚟騷擾我同屋企人，又話會交比收數又叫我哋多少錢都比住先，搞到我精神崩潰，上星期五再同律師講，但今個星期一個電話都無，係咪會平息咗，4月15號出埋破產令就唔會再有手尾跟呢？上星期，因為驚得濟湊住個小朋友搬咗返外家，但我面對唔到，好想返屋企呀？係咪果兩間之後唔再追唔會進一步行動㗎，仲係好徬徨呀…我哋在明，他們在暗，怎麼辦？
感謝大家

mobilesss · 發表於 11-4-2014 09:35:48

放心破产令一出就无事, 如果财仔或财务依家打离, 你可以吾洗理直接收线, 上门架话吾洗开门由区地站在外面, 区地做吾D乜架

301 · 發表於 11-4-2014 11:14:02

哈~ 呵~。。
講起收數，
而家好文明，非一般粵語殘片橋段，
起碼我輩住屋邨既，
以前樓下邊有保安？大閘？
以前係人都上樓企在門口大吵追數！

笨笨狼 · 發表於 11-4-2014 11:42:20

不要太擔心, 只要您填報的數據合理, 而誠實, 破官不會太為難人的, 雖然理論上破產後的錢是歸破官管理, 不過她們會減除了你應用的開支,
餘下的錢才要扣押, 我同學在破產期間每月是被扣除200多而已, 另外就是, 你的收入是獨立的, 你先生申請破產, 在法律上不關你的事, 除非是兩人都申請,
不然在收入上是填報你會付多少為共同開支, 那就是他要填報的收入一部份了, 另外有難題也可以查詢破官啊.

加油, 不要灰心, 再難的事都有方法解決的.

落難天使 · 發表於 11-4-2014 21:44:04

好多謝你哋嘅解答呀！我c9仔咩都唔識，有個蠢得肯嘅老公！

flypig · 發表於 12-4-2014 14:23:49

落難天使發表於 10-4-2014 11:42
想問下
1)當開到戶口立即入噃張票，但要3個工作天才可提取，咁洗唔洗話比主任知有張出糧支票要入，同時破署 ...

1 唔同財仔有唔同做法,但大家方向都一樣.
2 係你騰雞之前,你將心比心,就會明白收數心態.
3 收數心態係 :放棄SUSPECT,追恆PROSPECT.其實同外判差不多.
當債仔又一被人恐嚇就錄音報警,2/3線損失係續牌可能有問題+人工時間

所以,收數一覺得呢個債仔麻9煩煩.就會放棄.

如果,你俾一部份.你就落入原來呢個債仔有錢還.佢一定不斷搵你.
如果唔好彩,仲會通知其他行家.

所以,要企硬!!!!!

落難天使 · 發表於 15-4-2014 19:04:22

我老公今日領咗令啦…好多謝呢一，兩個月各網友嘅解答!

落難天使 · 發表於 15-4-2014 19:34:14

c9仔有小小問題，攞咗令後下午破產主任打比我老公話叫他後日交文件去九龍灣果邊呀？想問下呢間係咪剎手同之後程序又係點呢？

		自動登錄	找回密碼
密碼			註冊