|
唉, 今日破署打0黎, 話我申請解凍信時填0既數同支出不相乎,
- 支出: 9,xxx
- 申請解凍信張 form 就寫 18,xxx
點解會差一倍?????
我想知道第日頒令 (今個月27號) , 交嗰份 "對破產人的初步訊問", 裡面寫0既支出同申報時0既數唔一樣, 咁樣, 佢會唔會只係用較細嗰個數為準, 因為有d 數填錯左, e.g. 贍養費, 少咗$500. 萬一佢話我個數填得太大, 發假誓, 咪死...因為其實支出要超過一萬0架, 我又填得咁少.....
係我就點都寫個UPDATE 上去.原因係,如果申破時已經係FINAL 數,就唔需要再填多次
"對破產人的初步訊問",將申報數當作已填即可.由此觀之,可以改的.亦唔少人咁做.
而且,人地唔得閒為呢D 細數去上COURT.多數俾人寸幾句算數. 當然,如果條數出入太大,係有問題的.
如果係事實,有根有據,就應該填個正確數.
最後,申破時理應非常小心,你太過丟以輕心,呢個係attitude的問題.
仲有嗰份 "對破產人的初步訊問有一欄 "你有沒有繼續借貸" , 有什麼用 ? 我係有借, 但係現金, 佢會點睇呢樣嘢 ?
照填.因為你個戶口FREEZING左,唔問人借,餓死咩???
|
|