破產後還債回購業權求助

Kitty123 · 发表于 10-10-2016 08:31:04

amychan 發表於 10-10-2016 01:41
多謝大家回覆，我之前打去渣打，佢叫我搵破產管理處主任寫封信，說明我準備還錢贖樓，佢先肯報價比我，我想 ...

Amychan, 渣x係可以打電話去問，只要確認你身份，便可以立即覆回欠債多少。因為我欠債表，渣x無登記，C6要求渣打發信列明債項及不反對廢止破產令，因為C6解釋，如果其中一間債權人，不肯發信不反對廢止的話，申請廢止都無意思。但渣x答個個都係咁做不會發信，所以6C寫信給破產管理處主任跟進，你亦可與跟破欠主任聯絡，要求發信渣x查詢此事。

Kitty123 · 发表于 10-10-2016 10:47:06

唔好意思，打錯左，應該6C才對。

安太太 · 发表于 10-10-2016 11:13:59

samam2015 發表於 10-10-2016 00:17
Kitty, 每間銀行、分行都有唔同做法, 所以唔好咁快氣餒, 問多幾間, 我係獅子6C都係一早叫佢做定審批文件, ...

Kitty ,希望你轉按會易過在原銀行加按
加上你十一才上庭
現階段銀行未必信你的

Kitty123 · 发表于 10-10-2016 12:37:39

安太大8，多謝你意見，但6C同我傾過，可以比封排期信給銀行証明搞緊廢止令，有d銀行可以預先審批，田土廳枝釘起左之後，就可以立即做轉按，應該好似 Samma 個 case 咁。

Kitty123 · 发表于 10-10-2016 12:38:31

真係唔好意思，又打錯，安太太個名。

samam2015 · 发表于 10-10-2016 16:35:14

Kitty123 發表於 10-10-2016 12:37
安太大8，多謝你意見，但6C同我傾過，可以比封排期信給銀行証明搞緊廢止令，有d銀行可以預先審批，田土廳枝 ...

Kitty妳個律師講得啱，咁可以爭取按揭手續嘅時間，如果新翻按揭供款人嘅條件銀行OK晒，起釘後大約一至兩星期內可以贖舊契翻按套現。

samam2015 · 发表于 10-10-2016 17:01:03

Kitty123 發表於 10-10-2016 08:31
Amychan, 渣x係可以打電話去問，只要確認你身份，便可以立即覆回欠債多少。因為我欠債表，渣x無登記，C6 ...

其實妳可以向破署主任書面攞一份各債權人欠款明細表，入面有註明債權人有冇登記，但破署話呢份明細表嘅欠款數字唔update嘅，只係以最初破產申報嘅數字，不包括破產期多年產生嘅利息與行政費，所以應該係當事人自己與債權人直接聯絡取得最新嘅還款數為正確，而亦同時需由債權人發出不反對廢止破產令信件，至於渣兜方面，佢會自行聯絡破署update登記返個正確欠款數字嘅，所以程序係只需要電話問要還欠款嘅實數、議價、入數還款、等收不反對信轉交俾6C搞法庭呈請就完成。

Kitty123 · 发表于 10-10-2016 17:03:44

Samma, 多謝你的回應，明天我會再與6C聯絡,睇下有無其他銀行介紹，大家加油。

andy928 · 发表于 10-10-2016 20:45:22

各位網友，我都想分享下我嘅經歷，我系2004年攪老破，同樣跟大家一樣，早幾個月收到破產嘅信，要求贖樓，如果吾系就話要焗你賣樓，當其時真系好似跌左落地獄甘樣，後來經朋友介紹上網睇破聯，睇左honey.samam嘅網頁，好像苦海找到明燈一樣，跟住佢地嘅方法，先同銀行傾還錢，6間銀行都傾左好耐，最X街就系花X銀行，一毫子都吾肯減，仲要逐日計息，仲要比条銀行佬不留情面甘話你，當其時個心情簡直跌到去谷底，我報下，我嘅老細系恆X，獅子，AEOX,星X,花X(,AIG而家系中國X設)總共約欠45萬左右，自己傾到而家都要110幾萬先攪得店，唉…所以有物業嘅網友，真系要考慮清楚呀，我而家揾6c排緊期攪廢止令，我下一個難題，就系我同太太有一層未補地價嘅居屋，聽聞話要找房署批準，先至可以搵銀行做免補地價嘅加按，而且吾知得吾得，聽聞畫話免補加按係較難審批，因為啲親戚朋友幫咗好大個忙，所以希望盡快還番錢畀佢哋，唉…頭痛，頭痛！不過我都希望各網友都順順利利，咬緊牙根，堅持落去。

samam2015 · 发表于 10-10-2016 21:01:03

andy928 發表於 10-10-2016 20:45
各位網友，我都想分享下我嘅經歷，我系2004年攪老破，同樣跟大家一樣，早幾個月收到破產嘅信，要求贖樓，如 ...

andy, 你將有物業又要被迫攪老破嘅同路人心聲道盡出來了，這些日子真正苦不堪言，睇到你一關一關咁闖過，真替你開心。未補價居屋係有點難道，但你或者試轉按另一間物業估價較高嘅銀行，成功機會比較會大d。

samam2015 · 发表于 10-10-2016 21:32:20

amychan 發表於 10-10-2016 01:41
多謝大家回覆，我之前打去渣打，佢叫我搵破產管理處主任寫封信，說明我準備還錢贖樓，佢先肯報價比我，我想 ...

amy, 我同本貼文幾位都冇遇到妳嘅情況，會唔會渣兜覺得妳純粹係問下欠數未必係即還，所以佢唔係電話正面答覆妳。妳要直接同佢講要還錢清欠數，對方先會同妳核實個人資料、佢會即時或轉頭覆返妳總數要還幾多(渣兜應該淨收回本金同少量費用)，入數戶口號碼俾妳，入數限期等俾妳。

andy928 · 发表于 10-10-2016 21:34:24

多謝samam！我都系睇到你同其他網友一路甘樣走過，好似揾到支扶手棍，當中嘅過程真系非常難受，百般滋味在心頭，！我希望如果有網友系未補地價嘅居屋，請賜教下小弟点做。

amychan · 发表于 10-10-2016 23:54:48

多謝大家回覆，我同意andy講，感覺真係好似跌左落地獄，好彩响呢度有大家的資訊作參考，有大家無私咁回覆問題以及鼓勵，希望大家以後都可以順順利利。

amychan · 发表于 10-10-2016 23:56:23

可能好似你地咁講，渣打覺得我未必真係還，所以唔答，我明天再打電話去問問先！

samam2015 · 发表于 11-10-2016 00:14:10

amychan 發表於 10-10-2016 23:56
可能好似你地咁講，渣打覺得我未必真係還，所以唔答，我明天再打電話去問問先！ ...

妳係咪打直線聯絡「飯先生」?

andy928 · 发表于 11-10-2016 09:52:08

amy努力D,銀行其實多數都會覆個數比妳，不過可能妳要打多幾次電話至得，我自己都系每間銀行打咗好多次電話同fax咗幾次信，先至有回音，你好彩冇花x銀行，我同網友honey都有，同佢地傾簡直難受到想死，飽受委屈！所以妳要努力，我地支持妳，加油

honey · 发表于 11-10-2016 11:51:47

andy928 發表於 11-10-2016 09:52
amy努力D,銀行其實多數都會覆個數比妳，不過可能妳要打多幾次電話至得，我自己都系每間銀行打咗好多次電話 ...

Andy, 我都建議你問下D細銀行，睇下佢地點講！另外，我好想打seven 隻花旗死搖搖！

amychan · 发表于 11-10-2016 13:17:58

Saman:邊個係「飯先生」？

rainbow · 发表于 11-10-2016 13:48:03

但我公屋已經供完,咁係唔係還清銀行,做埋廢止破產令就會可冇事,我好想知,我已經好擔心

andy928 · 发表于 11-10-2016 14:06:25

謝謝honey,我法庭嘅廢止令攪店後，我尚試下揾下D細銀行傾下

		自动登录	找回密码
密码			註冊