破產後還債回購業權求助

samam2015

外判收33萬，直頭係搶錢啦，佢唔讓步，同破署反映，睇下有冇得傾!

daiman

多謝各 CHING 赐教，已初步联络債權银行，只有渣X电话覆話免息，另星X回覆8厘，其他四間未覆，都諗住揾6c搅，想問吓幇你搅嗰个6C叫咩名？ thanks!

cl475867

daiman 發表於 6-9-2016 21:48
多謝各 CHING 赐教，已初步联络債權银行，只有渣X电话覆話免息，另星X回覆8厘，其他四間未覆，都諗住揾6c搅 ...

揾咗黃x錫傾未

daiman

未，揾過破產主任問，主任話如果我揾6C做，6C会同王x石傾嗰喎！

honey

daiman 發表於 6-9-2016 21:48
多謝各 CHING 赐教，已初步联络債權银行，只有渣X电话覆話免息，另星X回覆8厘，其他四間未覆，都諗住揾6c搅 ...

星X 你有冇再同佢傾？ 應該有得傾下！

honey

Diaman, 其他債權人是那幾家？ 每家欠多少？ 因為如果花X欠很多，你條數就會好大！因

honey

最近聽聞佢地收四倍企硬

samam2015

honey 發表於 7-9-2016 10:42
最近聽聞佢地收四倍企硬

我欠花奇4萬3, 佢一開價要還16萬5, 都係接近4倍, 開頭都企得好硬, 好在得到honey你地鼓勵, 同佢議價到利息折扣, 最後接近14萬埋單, 所以要不斷要同佢磨牙, 磨到幾多得幾多, 但經外判就難講, 佢地係靠從中吸血搵食, 議價勝算真係唔高, 但都要死砌。

rainbow

我想問吓，我家人都收到禤x律x行受託人信要求買回業權,但佢講咗一個方法,就係自己同銀行傾還債務,銀行就可以去到,但我地唔知有咩辦法搵到aeon傾,如要去銀行傾應該點傾,我地已經冇哂辦法,如果真係還完債後受託人會口會收我地手續費,我地實在太多問題,又唔知點算,希望可以解答

samuel1010

4月時出過post後而家有進展了,本來父親有腦退化要申請監護令，不過其後就過身了，最後排期取得由媽媽遺產管理人身份後終於可以和債主們講數了,總共有五個債主，

恆X 8% x6年
HSBX 待覆，不過接洽的小姐好nice,希望有得傾
大X(前身JXG) 8%x年期，財仔算好。
邦X 開我本金差不多6倍，可還價，都諗緊點還。
仲有星X未聯絡

samam2015

rainbow 發表於 24-9-2016 17:48
我想問吓，我家人都收到禤x律x行受託人信要求買回業權,但佢講咗一個方法,就係自己同銀行傾還債務,銀行就可 ...

rainbow, aeon呢間嘢之前聽版友Honey講接觸佢地都用好多時間同佢磨, 不過最後都搞掂, 等Honey答你好d, 佢應該有呢方面嘅經驗。

samam2015

samuel1010 發表於 24-9-2016 18:05
4月時出過post後而家有進展了,本來父親有腦退化要申請監護令，不過其後就過身了，最後排期取得由媽媽遺產管 ...

samuel, 祝好運, 能早日解決問題!

rainbow

我想問,受託人收費係d咩野,我家人個間只係話自己同銀行傾,如還完之後,佢講可以係佢律x行做廢止破產令,佢地係唔係會好貴

honey

Rainbow- aeon 你去左美麗華中心交信未？ 定你已經交左信等回覆？ 我呢排知道佢地覆快左， 如果當初唔係借完即破，佢都算係一間有良心嘅財仔，而且唔會同你磨！ 8%埋單！ 如果你再找不到，上來再告知。

honey

samuel1010 發表於 24-9-2016 18:05
4月時出過post後而家有進展了,本來父親有腦退化要申請監護令，不過其後就過身了，最後排期取得由媽媽遺產管 ...

Samuel1010, 恆生有得傾，要寫信比佢地，星X : 好容易搵，亦都有得傾，仲好好添， 快D搵佢地啦！

honey

rainbow 發表於 25-9-2016 07:52
我想問,受託人收費係d咩野,我家人個間只係話自己同銀行傾,如還完之後,佢講可以係佢律x行做廢止破產令,佢地 ...

你係外判，我建議你先問清楚佢地收費先好開始還錢比債權人！因曾聽過外判收費好貴，都係要傾！ 祝你順利

rainbow

未去,封信要寫咩資料架,我地真係唔知要寫d咩

rainbow

咁係唔係要同受託人傾好先好去債權傾

samam2015

rainbow 發表於 25-9-2016 07:52
我想問,受託人收費係d咩野,我家人個間只係話自己同銀行傾,如還完之後,佢講可以係佢律x行做廢止破產令,佢地 ...

rainbow, 我同honey都係破署跟case，唔係判俾外判，但我當日都問過破署，如果我肯清還欠款同埋利息，經破署聯絡通知所有債權人，破署話可以咁做，但就唔會幫我同債權人議價，債權人所列出嘅金額要照單清繳之外，再另加兩個月總欠款嘅利息作為破署是次嘅行政收費，不包括基本收取嘅行政費(現在有冇變更你要問破署核實)，但我同honey都係選擇自己同債權人議價後再將不反對廢止破產令文件交6C搞法庭呈請。至於你個受託人都有建議你可以直接同債權人傾價，咁你可以問清楚佢地，另外會加收你其他乜嘢費用。至於搞廢止破產令，大多數6C都搞到，邊間收費平就俾邊間做。

samam2015

rainbow 發表於 25-9-2016 10:06
未去,封信要寫咩資料架,我地真係唔知要寫d咩

如果你決定自己同債權人直接議價，首先都係先打電話，搵到對方負責還款部門負責果位職員，同佢先打個招呼，話想還欠款，佢或者會即時報到個數俾你，如果你問可唔可以減收d費用，佢多數會答揸唔到主意，要問上頭，咁你就打蛇隨棍上，問下可唔可以用書面寫封信俾佢上面，希望可以減收d利息費用，如果對方答ok，先至問佢抬頭人寫俾邊個部門、邊位負責人姓名、地址、電話、傳真等。信嘅內容要註明你個姓名、地址、電話、欠款戶口號碼、法庭破產檔案編號等。信嘅內容不外乎都係提及想清還欠款及對方嘅利息損失，但自己能力有限，希望能給予幫助減收利息等等措辭(自己老作d悲情內容啦)，傳真或郵寄後咁就要等對方回覆先才作部署。