激死我啦！

karenliu22

各位朋友，我又回來匯報啦！
不過今次比間外判激死！
回顧一下我個case先....

http://hkiva.org/forum.php?mod=viewthread&tid=14338&extra=page%3D7&mobile=2

上星期，我寄左通知信比外判...
說明我已搵到工，並列明新工地址，薪金同新公司名...
成個星期我都等外判打電話黎同我confirm...
點知到今日我終於忍唔住打電話去問...
今朝11點打去搵負責既主任，個reception就叫我2:30pm再打....
到左4:00pm再打，佢就叫我5:30pm再打...
咁好啦，到左5:30pm...
終於搵到個主任，咁就問佢收唔收到封信...
佢開頭話收唔到，之後就話收到....
咁我問佢可唔可幫我解凍左個戶口先...
講真，外判凍左我個戶口真係好煩....
佢話唔得，一定要上黎傾左生活費先...
但我話我無理由為左呢件事同公司請一日假...
同埋岩岩開始返新工...
無理由為左咁而得登請假架...
咁咪全公司都會知我破左產啦....
佢話呢d係我既問題，總之就一定要上去傾好生活費先會出解凍信...
到呢個時候我終於忍唔住鬧人....
佢竟然話我係度發爛渣....
大佬啊....而家係佢地影響到我生活啊....
我無話我唔傾生活費...我一直等緊佢地安排....
但佢就話我因為之前傾唔掂生活費...
叫我上庭等官判....我話乜上庭唔洗錢咩？
我話邊有錢上庭啊？唔洗請律師啊？
但佢話唔洗請律師...(ps:唔通我一直誤會左？)
不過呢一刻，我既目的唔係呢樣....
所以唔理啦！我呢一刻既目的係出解凍信！
不過再傾落去，佢都係唔出，所以唯有cut佢線....
我而家好灰...都唔知點算....
成件事好煩...好想唔再拗落去....好想放棄....
咁而家我應該要點做啊？T.T

PS: 我好少鬧人....
但今日竟然鬧人鬧到手到震埋....
鬧完之後仲胃痛添....
好唔舒服....T.T

重新戰士

你堅持唔上去，損失既會係邊個
你同主任嘈，如果你係佢，未來4年又會點招呼呢???
的確有好多野，做就人情，唔做就道理。只要佢係跟程序去做。你根本冇發球權！
你諗下: 比起收數打去公司，定你自己請假呢??你自己揀！
係麻煩....我明白。但是無法.....
你玩串左......你咪又係搵自己黎煩！
佢一陣佢你玩未安排到時間傾，你咪仲煩！
我係你:打電話去道歉,叫佢幫幫手快D傾仲好啦！

wahtung

我唔知樓主形容的是主任定外判???
但佢話要傾生活費先會辦理解凍信事宜是好正確喎,之前沒有在職是唔可傾生活費,樓主覺得主任做法有乜唔妥???

ken2542de

你盡快上去傾下簽生活費啦!!!

拖拖下有機會延長破產期呀.

$8000生活費雖然吾多.基本生活都可以既.

$8000樓下生活費大有人在

你細佬仲有工作添

盡考道就吾使攪到破產啦.

破左產先話比$5000阿媽做生活費盡孝道.

有D講吾過去囉!!!

重新戰士

ken2542de 發表於 30-11-2015 21:40
你盡快上去傾下簽生活費啦!!!

拖拖下有機會延長破產期呀.

又唔係樓主一個咁既！大把人都係咁；未破之前都係俾2-3千屋企，破左就話要俾5000。
或者好多人未必同意我所講，但是事實上係短短呢幾個月，我見到既係好多朋友唔識，唔知點填FORM又或者乜乜物物，好啦！我地答左佢之後"人就走左啦" 唔好話多謝，就連講下搞掂未都冇。呢D咪就係<過橋抽板>
咁既人會俾錢屋企....我真係唔會信！

wahtung

重新戰士 發表於 30-11-2015 22:06
又唔係樓主一個咁既！大把人都係咁；未破之前都係俾2-3千屋企，破左就話要俾5000。
或者好多人未必同意我 ...

最主要唔好諗住破產大晒啦,破產唔係代表唔使還錢,是扣除基本生活費餘吓啲錢就要還

itsme

退一步，海闊天空！樓主不如平心靜氣同石仔傾啦，搞到無彎轉蝕底嘅一定係自己。讚同樓上師兄所講，咁落去好有機會被延長破產期。其實仲有唔到三年就畢業，時間話咁快就過，仲有大把日子盡孝道，加監要繼續還錢㗎! 樓主爬下文就會知道，無論主任定外判，供養一般都係批2k - 2.5k，宇宙最强唔算特別手緊。還款由頒令開始計亦都係一貫做法。睇番好似係批9500生活費，算係比上不足，比下有餘，無謂自尋煩惱。既然你自己都話唔想拗就唔好再拗咯。

flypig

簡單d講，個勢唔係你度。人在屋檐下，不能不低頭。我明白搵對方搞左好耐，令你好煩躁。
而且之前大家有爭執。
但宜家係你要求佢，佢可以玩你，而你係無法還擊的。
比如佢故意唔聽你電話，要你打多幾次。你煩都煩死喇！！我去交fotm,條友走去開會，我一等，等左1-2粒鐘，我唔想反面咩！！！死忍喇！！無計！！

flypig

我睇你一方面道歉，另方面嘗試解決搵唔到人的問題。
你可以借機會同佢講要搵佢唔易，因為行開行埋。
順便問佢拎email.因為大家都方便。當然要睇Company Policy 喇。因為如果佢唔俾，你都無法！！

cc4321

又主任又外判
樓主真係好唔明自己處境係點,而家可以話係你求人而唔係人求你,個主導權係佢手上,只要外判提出要求唔違反破署規定你都要履行,佢要你請假上去見佢,我諗唔到你有咩條件同佢撐,你唔上去佢又唔會有損失,相反你就一直比佢拖住,蝕低係邊個?做人要能屈能伸,尤其對住一個你生死對佢無關而你又有求於佢嘅人,更加要放下身段,請假呢D野你真係要自己想辦法

karenliu22

flypig 發表於 1-12-2015 06:27
我睇你一方面道歉，另方面嘗試解決搵唔到人的問題。
你可以借機會同佢講要搵佢唔易，因為行開行埋。
順便問 ...

我有佢卡片，我之後就會用電郵同佢聯絡....
不過唔係近期既事....
因為尋日同佢鬧完....
我唔會咁快低頭say sorry....
因為錯不在我....至於搵唔到人呢個問題....
我尋日都有同佢講過....
想起當初未判比外判前....
我早上搵破署主任話要解凍信...
佢話下午就可以攞....問都唔問多兩句就比左我....
超快手超順攤....
而家？唉.....
但我又想問問....
我同外判之前既爭執...
會唔會影響到今次傾完生活費後唔比解凍我呢？

boeing747

忍下啦 KAREN, 事情沒有分錯與對,同外判嘈,自己蝕底.

flypig

karenliu22 發表於 1-12-2015 08:47
我有佢卡片，我之後就會用電郵同佢聯絡....
不過唔係近期既事....
因為尋日同佢鬧完....

表面不影響。實際God knows.要玩你，總有方法。
所以超過9成的破產者扮死狗。
當然，有少部份不求人，唔駛開戶口，加多4年的生活都絕無影響，咁就唔care.另一種係破霸，類似租霸的物體。但一般人唔得麻！！

WINGLOK

樓主搞清楚你係一個破產人士,唔様様都話烦

WINGLOK

flypig 發表於 1-12-2015 10:28
表面不影響。實際God knows.要玩你，總有方法。
所以超過9成的破產者扮死狗。
當然，有少部份不求人，唔駛 ...

十分認同 , 到而家老破主任講咩我都冇 SAY NO

天帝

karenliu22 發表於 1-12-2015 08:47
我有佢卡片，我之後就會用電郵同佢聯絡....
不過唔係近期既事....
因為尋日同佢鬧完....

忍 吓 氣 啦 , 同 外 判 吵 鬧 永 遠 蝕 章 係 自 己, 現 在 say sorry 好 難 下 台,日 後 相 討 語 氣 温 和 d 便 可,樓 主 剛 剛 開 始,如 同 外 判 搞 甘 彊 4 年 日 子 好 惡 過,找 外 判 揾 唔 到 人,無 人 覆 呢 度 有 邊 個 未 試 過?由 其 最 后 果 年 臨 畢 業 呢 類 情 況 更 嚴 重,幾 多 會 員 被 外 判 拖 足 半 年 以 上 大 有 人 在。

karenliu22

flypig 發表於 1-12-2015 10:28
表面不影響。實際God knows.要玩你，總有方法。
所以超過9成的破產者扮死狗。
當然，有少部份不求人，唔駛 ...

咁我如果呢一刻SAY SORRY....
兼且簽返同意佢地批既生活費....
要我即刻還返之前欠落....
但我又無得還...
可以有咩辨法???
分期得唔得???

PS.:去到呢一步真係好唔甘心....
之前做左咁多野反抗.....

aiai6020

我忘記了樓主每月生活費是多少了，不過依家已經嚴重影響生活，你係需要去傾，如果你認低威，可能傾到分期還，其實你最後同外判點鬥鬥成點，你都應該預計自己要還錢，你有最壞打算，件事先有轉機

flypig

karenliu22 發表於 2-12-2015 00:44
咁我如果呢一刻SAY SORRY....
兼且簽返同意佢地批既生活費....
要我即刻還返之前欠落....

其實兩樣野。一係個人修為。cut 外判電話，講唔通。好易惹起意氣之爭。一講到意氣，就pk了。大家不為成功爭取咩，只為一啖氣。
二係不同意生活費。此係你權利下面的。講緊business is business,不涉及個人私怨。對外判，寸步不讓，仍然好有禮貌。其實請半日假事少。目前你需要開戶口，即有求於對方。如果你不同意生活費，就要上庭。問題係，有潛在威脅，你唔同意，佢就唔出解涷信。直到法庭宣判。咁你當然投訴去主任度喇。但往來需時，拖住出糧的壓力甚大。 如果你認為上到庭有勝算，不妨去盡。即問對方要上庭喇，叫佢去搞。不過都要請半日假，睇下可唔可以俾住某個數佢，不同意部份就等法官判。佢唔同意就搵主任。
如果諗住唔上庭。算數喇！都要約個時間。始終，呢半日走唔甩。
除非，你唔需要解涷信，你就可以叫佢搵法官喇。你好忙，唔得閒上去了。

flypig

karenliu22 發表於 2-12-2015 00:44
咁我如果呢一刻SAY SORRY....
兼且簽返同意佢地批既生活費....
要我即刻還返之前欠落....

分期可以的。始終唔係責任全在於你。上到庭你要問佢點解咁遲先傾生活費。對於無得答。主任都幫佢唔落。