新數幾耐先可搞drp, iva or 破產？

orewa_j

各師兄師姐，問題如標題，有冇人可以答到？感謝……

Alex2233

無明文要求

好簡單，還唔起就去破產

邊有話一定要還幾多先破產，咁就有矛盾，你冇晒錢，冇收入，十條新數，炒輸晒，唯一只能夠破產

重新戰士

只要有合理解釋就OK，無寫明

abc2046

但好多時財仔都要求你供一至二期先會順你意比你做iva

flypig

律師建議起碼清三個月數。

orewa_j

即係drp的話，新數基本上係冇可能？

Alex2233

orewa_j 發表於 30-9-2015 19:43
即係drp的話，新數基本上係冇可能？

難d唔代表無可能，你有心還都係拎出黎一五一十傾，

你提出傾，佢一定肯傾，銀行聽到債仔講drp，手都震晒啦，代表你比最後通牒警告佢，趁我仲有意欲還，快d同我deal

佢仲驚過你，一傾唔掂走去破，佢仲血本無歸

orewa_j

alex兄，你的回覆十分同意，thx

重新戰士

我對以上說法有保留。
DRP 定 唔DRP 決定權跟本唔係你到，係銀行到！
你老破的確係有壊帳，HKMA的確會每個月要求銀行申報呆壞帳數目。太多的確會影響銀行及股價。
咁係呢個情況下點解DRP接受或是拒絕仍然係銀行到呢？緊係有原因啦！
講真！係銀行黎講，你講十幾萬算幾多。有D百幾萬都未驚啦。係破聯既人可以有幾大條數。我處理過1300萬呀，銀行都係一句，佢信唔過要佢破產好過。你有幾大呀！最後通碟！
破產...唔係代表完全唔需要還只係還款比重因人已而。收得幾多銀行自己會計，你供左10期分分鐘息連本都收突，你點會有權最後通碟呀！
你話對銀行通碟.....真係....
你買樓搵銀行定搵朋友呀！咪傻啦....蝕底自己咋！你以後買樓唔搵銀行咪得囉！
你係欠債人咪以為發球權係自己到呀！
你老破左之後咪係到猛叫:生活費批幾多！
DRP就你話事
老破就主任話事...
真係咁講個個DRP啦....仲咩要老破。
呢個世界邊個有錢就邊個話事....你欠債係就輸家！咪發夢自己有發球權！
你跌左落收數,銀行話要收多50%手續費都得。利息有監管,手續費冇呀！

重新戰士

其實銀行每人每一日要狽大概10萬數，你個10萬或者70萬。對銀行係黎講只係其中一間分行當日冇數返！
影係真係細到。咩叫最後通碟......
你唔還...條數咪係加左去前條到跑多D。
管理層完全不受影響........只係小朋友先覺得自己條數好大，唔還你間銀行可以收隊！

Alex2233

其實無問題，銀行唔同財仔就係佢做野太有原則，兼且個彩池夠大，比人走數都不以為然

如果樓主試過之後傾唔掂，仲可以慳番，人地唔希罕你還，可以果斷上金鐘埋單

Drp講得好聽就生活費自己話事，配錯人就變搵老襯，睇你收支去到咩地步，我諗你上得呢個論壇，入得破產呢一版，都有番咁上下極端

拿，如果樓主自問都係搵兩萬樓下，搞兩搞個個月還都還萬幾，你自己有數計，
曾經有會員話搵萬三還萬三，我都R晒頭。

舉個例子，如果你搵果萬三，我當你還緊8千，咁就真係有大啦啦''五千蚊'''比你話事啦，

主任批比你既數隨時都過萬

一句講晒，都係從你背景判斷破產你有冇著數

全香港唔會所有人都會置業/或者需要靠借錢置業，你係唔係果群人，或者有幾大機率需求呢個服務，自己清楚

對錯證下錯藥，比你千辛萬苦供番果個代價番黎都係冇用，原來供完你都用唔著，即係落晒搭

例如做茶記阿姐，一萬蚊
或者四五十歲既運輸老，仔都幾個，
自己人工又唔係高，又唔見得有前景，生活費都隨時係人工八九成，置業都輪到個仔

或者一早有配偶做靠山,純粹係攬上身

就洗用置業呢個藉口落搭，

如果你係高人一等，乜博士，專業資格，就梗係要諗深一層，破左蝕底好多

你破產前一定有人提及過後果比你聽，fit唔fit你自己，有冇數為，自己先最清楚

重新戰士

首先，我唔係想搵交拗^^ 討論一下！

ALEX兄提過，香港唔係個個人置業時都需要銀行既按揭式者借貸服務。呢點我非常同意，但是係0係到既一群有冇錢...大家心照啦！

破產:
每一年既收入都會重新審視，可能隨便望下又可能認真去處理。
DRP:
當你再次簽下另一份債務舒緩還款合約，基本上未來既時間就算你中左六合彩亦可以按時還款又或者提早清數。簡單D加左人工或者出左花紅都可以自己選擇還款定駛左佢
我想重申: IDRP 你還幾多是由銀行OFFER，DRP由你實際情況由律師幫你去OFFER一般情況下只係佔你人工不多過50%，只係年期就長左！IDRP 由於銀行獨立去睇要你還幾多所以，如果處理文件時有咩出錯分分鐘還錢比例多過收入50%
失業:
不講你DRP, IVA 定係破產都有問題架啦。生活都受影響啦！
信貸記錄:
M... ... 個咁講啦！每一個人價值觀都好唔同，幾廿歲無咩所謂(又可以)。後生既仲希望以後可以翻身，又得！
我自己試過一次，見到部車好靚HK$100,000 。銀行得HK$110,000出左咩都冇，好冇安全感咁咪上車會囉！上3萬數都唔批我(DRP最後6個月中)，之後個車行都話不如你俾現金買啦。最後我個朋友買左，3個月佢放左出去12萬，咁...
你話好定唔好，機會唔會因為你幾多歲而唔俾你，亦唔代表後生就一定有機會。

我既口號:只要我一日唔死，我一日都有還拖既機會！

我都覺得我好似成日叫大家還錢，其實我自己都經歷過走數，俾收數搵到上公司，慢慢還。工作穩定左要出TRIP個陣成日都希望老闆唔好叫我！因為出TRIP所有消費都要用信用卡之後CLAIM返公司！
我出一次又駛一次錢。冇卡嘛，駛左都CLAIM唔到。

但是當我年齡開始老，發現就算我有首期，過到咩咩測試都好。問題重點是有冇銀行借錢俾你！個陣大埔都係200萬時，唉.... 荀盤都無用！

orewa_j

我講下我情況……
我係一個好有問題的人，賭博問題……
9月初成功向富X同兄弟夾埋申請左20個清咭數，之後自己唔生性，又賭，輸15左右……錢係2張咭提款，當然唔係一次過。
賭，已經停左，已經知道回唔到頭……
寫得出來，預左俾好多師兄師姐鬧，我知我抵死，唔抵可憐……

講返下款:
富x同兄弟果2條，夾埋每月5000，我負擔得到。
恒x卡 84000,另卡分期每月1800(本1400,息400左右)差20期左右
兄弟精明卡 70000左右
我月入17000，大公司，不過份工新，只做左2個月，肯定會過試用期
經人介紹揾左間會計師行傾，收6%，不成功不收費，成功但我唔接受亦不收費
前2日應該係會計師行fax左申請去恒生，恒生call我叫我可以落分行。問返會計師行，佢話佢地同銀行熟易傾啲，加上我個case自己傾有難度。我仲未去恒生的。
我想將恒生果84000+卡分期30000+兄弟卡70000左右做drp,每月還4000都仲負擔到

有想過破產，但屋企架車係我名，唔想佢地知，所以破產係最後一步。

我已經揾左戒賭服務，亦已停左冇賭了。

我……可以點做……

重新戰士

DRP 你冇彎轉，話俾你代表人知，我17000 可以OFFER 4000 每個月,不過應該唔得啦！
根據DRP做法會用你人工做少40%找數， 4000 太少啦

重新戰士

你仲有車，俾人知道你仲死得快。銀主車我收唔少！
一部BMW M3 2008 銀主盤15000
你一係快快自己放，唔係.....你喊都無謂

orewa_j

我淨係諗住做2張卡數，是否不可以？

orewa_j

我之所以offer4000係因為我打算順供ploan果5000，加埋9000，我人工扣埋mpf都over50%了

orewa_j

推……

orewa_j

請問有冇其他師兄師姐可幫忙解答到？

orewa_j

好徬徨及無助……