瀕危.. 幾個問題關於申請破產

VIVIA

一路走來, 走到黎呢個論壇, 小妹搵左好多好多資料關於點樣解決債務, 蓋唔住, 最終走到黎呢步

想問下 1)破產的話, 仲可唔可以做公務員, 小妹好辛苦先讀完書考緊公務員, 難得有面試, 唔想臨門因為破產而失去機會
            2)小妹仲有讀書時借落學生資助辦事處既債款, 雖然破產但可唔可以比我照還, 唔想牽涉到彌償人幫我還
            3) 破左產之後會唔會仲有追數公司追數, 因為我有銀行數有財務數, 佢地都PASS左去收數公司日日打黎好煩
            4)面已經無晒, 又幫唔到屋企, 都冇咩野可以再失去, 唔敢諗買樓, 請問我破產前仲有咩要注意呀 ?

不勝感激!

cc4321

1.可以,只要唔涉及財務同個人誠信較高職位,好似稅務局或律政署
2.唔清楚
3.財仔係一線定二三線?一般銀行同一線財仔,只要你入左紙通知佢地就唔會再追,至於二三線就算出左破產令都會煩你一段時間,所以要有心理準備
4.欠債公司要諗清楚有幾多間,諗下自己搞定搵律師,一般都由律師搞好D,自己搞又要填資料又要問銀行總共爭佢幾多錢,又要通知債權人,自己親身上法庭,好煩呢排有D自稱顧問公司叫你借錢搞破產,千祈咪上當,破產後你個底會花哂跟你一世,唔好再諗住銀行,財務公司會再借錢比你

Heihei

有無多d資料？欠債多少？月入多少？以下係我所知的，不是完全正確，歡迎各位補充。
1,公務員填表99%都問有無破產，唔多唔少一定有影響
2,破咗產你所有收入同支岀都受監管/外判受託人，破產管理局會幫你計哂數，每個月要還幾多比監管/外判受託人，你係唔可以私底下還錢比你嘅債權人的。
3,一收到申請破產編號，通知銀行同財務公司，理論上係立即停止追數的，因為一入紙申請有冧碼，你嘅錢就唔再屬於你，你唔可以還錢比任何人。但銀行同財仔都揾咗收數公司，就麻煩少少可能要糾纏耐d。有咩事就報警！
4,睇你編嘢你好似好細個，係唔係真係唸清楚？有無爬下文，破咗產有咩後謂症？係唔係有心理準備？
買樓？算罷啦，就算無破產月入無50k以上真係唸都唔好唸啦。
PS 千其唔好信一d所謂財務顧問可以幫你搞破產乜乜乜，跟從4年乜乜乜，但先要比佢你4-8萬。唸清楚真係無人幫到手要破產嘅話一係搵律師做一係自己搞。

admin

老老實實，呢篇用字真係好寸。18 以下就唔好睇啦。


樓主，你知唔知 "瀕危" 點解？
http://cidian.eduu.com/detail/2077.html

接近危险的境地；病重将死。

講問破唔破產，會令你死？

如果連一般用字都唔識，點去考公務員？會唔會到時面試，你會話見唔成工，香港會滅亡？做人唔好作到咁大！

樓主都應該讀過下書。唔通而家香港教育真係…

------------------------

幾點留意：
1. 假設你破產，你的收入，財產都會受到保護，華，幾好聽，其實即係你的錢已經唔係你。既然唔係你，你點還學生貨債？
2. 破產唔係大罪，無案底的，不過有紀錄。見政府工，睇你見乜啦。AO … 比較難啦。不過，樓主連用字都唔識，AO 唔駛諗。反而做行政會就得！張振遠個時都得啦！或者做議員！


其他無野講啦。

flypig

1 大部份公務員可以申請。但如果我係請人個位，傾向唔請。費事麻煩。

在申請時申明仍是破產者的身分！因為破產法例規定，破產的公務員必要將其破產的事通知其上司！而且在長俸等退休保障計劃方面會有特別的處理方法！2 唔得！！要彌償人即磅。如果佢無水，就分期。
3 一線二線收到老破no. 會停止追數。黑財唔理你。
4 你要準備一d bank statements, 如 saving.credit card..print 定出黎。電，mobile 等單據。詳細請看絲打的舊文。教你一招，受用無窮。 係google 打 site:hkiva.org Heihei 你會見到 heihei 絲打老破的心理歷程。佢仲好詳細指出 申破前，頒令後的準備。

Good luck

VIVIA

係呢度可能小妹年紀好輕，都係唔識先係度問姐
我都唔係考高級公務員，只係普通公務員職位都有d機會，有人講要主動主破產，又有人話人地一般文職唔係紀律部隊只查有無案底，唔會查身家，除非我主動報，亦聽過有人講既版本係破產中會做唔到，破產期完成就無影響，呢幾個版本唔知邊個先係正確

因為如果真係破產會係考唔到公務員，我真係可能會去問大耳lone借住先，以免真係無左個offer

至於用瀕危一詞，我唔係度爭論啦，反正你地都明，我唔係要死要自殺個種人，只係目前已經係去到困境，我諗呢度既人會明白我既狀況吧?

VIVIA

cc4321 發表於 1-4-2015 21:37
1.可以,只要唔涉及財務同個人誠信較高職位,好似稅務局或律政署
2.唔清楚
3.財仔係一線定二三線?一般銀行同 ...

謝謝你既回答

再想問多次，第1點係咪好肯定? 我都係見文職, 唔係與財務有關部門, 都放心d

第2點真係無咩人知, 但我唔想人地幫我還讀書錢

第3點, 有間財仔叫Welend, 唔知二定三線，係我幫人做擔保人地走左佬我先要孭上身, 都成10萬, 所以我好明白擔保人被通知要還錢個種憤怒

VIVIA

Heihei 發表於 1-4-2015 21:58
有無多d資料？欠債多少？月入多少？以下係我所知的，不是完全正確，歡迎各位補充。
1,公務員填表99%都問有 ...

30幾萬，有銀行有財務, 之前月入30K, 年尾比人裁左出來, 而家岩岩轉左份工月入13K
我最對唔住呀媽, 無比家用幾個月, 仲要累佢比人拍門, 聽電話同人鬧交, 見到鄰居又唔敢出門口, 我諗住借錢一筆清,  但係求助無門, 所以想破產, 我會小心搵律師, 唔會比超過兩萬去搞個破產

admin

VIVIA 發表於 2-4-2015 00:29
謝謝你既回答

再想問多次，第1點係咪好肯定? 我都係見文職, 唔係與財務有關部門, 都放心d

第2點答左你，你唔想睇姐

VIVIA

admin 發表於 2-4-2015 01:12
第2點答左你，你唔想睇姐

我而家先睇到上面flypig答左我, 可能同一時間我又回覆緊睇唔到

VIVIA

flypig 發表於 2-4-2015 00:16
1 大部份公務員可以申請。但如果我係請人個位，傾向唔請。費事麻煩。

在申請時申明仍是破產者的身分！因為 ...

thx~ 甘我會睇下到時點同主任傾

同埋如果解破後, 再申請公務員, 入職是否唔需要通知破過產?

多謝你提供網站!

Heihei

flypig 發表於 2-4-2015 00:16
1 大部份公務員可以申請。但如果我係請人個位，傾向唔請。費事麻煩。

在申請時申明仍是破產者的身分！因為 ...

係咪講我呀？哈哈哈

flypig

VIVIA 發表於 2-4-2015 02:00
thx~ 甘我會睇下到時點同主任傾

同埋如果解破後, 再申請公務員, 入職是否唔需要通知破過產?

1 如果你肯定 公務員 份工好快可以決定...就話之佢, IN 左先...
IN 完先申破 請左再通知 上司...到時佢吹你唔脹呀!!!
2 你欠300K,有份工...要認真考慮係唔係真要破.... 個重點在於 你以前月入30K...係唔係好難搵番同類工???
假如你搵到20K... 已經唔駛破了....
3 申破都係逼不得已.因為有後遺症.... 你個CASE, 無奈 欠款只係30K...假設4年內你月入20K,一個月還款12000...
4年還560K 因為中間要起釘, 外判又要收 BONUS... 提早清又要俾手續費...咁4年左右,你都清左條數喇...

4 WELEXX 多數 係黑財喇.你都要預左有人上門滋擾...有可能電話去你親朋戚友度,淋油亦有少少機會..
到時就報警喇.... 佢地應該做唔出咩野O既.... 不過要讚下你,你都算夠騾.... 我錢可以借俾FD,但要得做
擔保人,我就死都唔會制....

flypig

Heihei 發表於 2-4-2015 07:07
係咪講我呀？哈哈哈

個申破資料寫得咁詳盡,
捨你其誰呢!!!

flypig

VIVIA 發表於 2-4-2015 02:00
thx~ 甘我會睇下到時點同主任傾

同埋如果解破後, 再申請公務員, 入職是否唔需要通知破過產?

入職是否唔需要通知破過產?

佢唔問你當然唔需要講...唔係所有職位都問......

VIVIA

flypig 發表於 2-4-2015 11:00
1 如果你肯定 公務員 份工好快可以決定...就話之佢, IN 左先...
IN 完先申破  請左再通知 上司...到時 ...

haha 我唔係幫朋友架.. 我係幫屋企做擔保架... 加上我自己之前有卡數, 不過一直搵開30K都還得起

我約左今日去見6C問下申請破產既事, 聽日就復活節期有排又唔辦公 我又好急

我其實有諗過去申請DRP果D, 不過我幾個月冇入數人地PASS左去收數公司 都唔得啦!

我好想還錢架, 我真係唔想走數, 一個月還一萬我都得, 慳D洗, 又唔係咁左一百萬出黎洗, 但同收數公司限我要一次過交錢出黎我先冇法

301

VIVIA 發表於 2-4-2015 13:24
haha 我唔係幫朋友架.. 我係幫屋企做擔保架... 加上我自己之前有卡數, 不過一直搵開30K都還得起

我約左 ...

樓主講到咁"瀕危",
要生要死想申破 !


但最後口風竟偏向"還錢".
祇是怕追數.


被"追數"乃申破期之必經階段.
如另有"反追數"問題,已非"破聯"所論了.

VIVIA

301 發表於 2-4-2015 13:50
樓主講到咁"瀕危",
要生要死想申破 !

其實我為解決問題姐，冇要生要死過
你誤會左我意思

我亦都冇意圖什麼反追數 我解釋多次係人地唔比我分期，要一次過找數，所以我先諗緊做唔做到drP？定只有破產一條路？我唔知其他人點諗，但我好垛地有得揀就梗係想分期還晒好過破產 邊個想有收入人地又接受分期還既情況下都去破產算數喎

admin

flypig 發表於 2-4-2015 11:05
入職是否唔需要通知破過產?

佢唔問你當然唔需要講...唔係所有職位都問...... ...

樓主未見成工，唔駛咁早諗。政府工見工都要幾輪，玩好耐！

而且，政府有一套明文制度，乜野職位要報好清楚。上司唔會問，係入職者要報。

flypig

admin 發表於 2-4-2015 15:41
樓主未見成工，唔駛咁早諗。政府工見工都要幾輪，玩好耐！

而且，政府有一套明文制度，乜野職位要報好清 ...

I C. 遲D 搵份政府工報下先...