鼎X豐 小籠包

温sir

今晚本來想去 譚X頭 打邊爐，不過想起聽晚又係火煱，臨時轉去呢間 鼎X豐 食小籠包。

門口好多人等位，過癮在等位時己經比定點菜紙，一邊點菜一邊等，有位時就即入單，唔使慢慢諗...........

等咗約半小時就有位，成間嘅裝修竟然非常普通，像遊客快餐廳，絕不豪華，不過都算濶落，招呼亦唔錯。
4個人坐低，食品亦好快上枱，價錢亦唔算太貴，預咗份量唔會多，所以都點了不少款，樣樣試吓。果然款款都好"精緻"！
  
招牌小籠飽當然要食啦，叫咗兩款，不愧名店，手工一流！但味道我就覺得普通，無甚驚喜。
   水晶肉、燒賣等等水準都中上，尤其鮮蝦紅油抄手，推介！
最後再要些甜點，首推荔芋小籠飽，入口充滿芋香，甜度啱啱好，必吃之選！

感覺呢間主要都係食"功夫"，我自己就未必會再去。

埋單連加一共$688.-(4人)