我咁既情況自辦破產會唔會好難？

pre-bankruptcy

因為準備搞破產了，但唔知搵6c好定系自己搞好？當然自己搞可以省幾千，但我既問題怕比較麻煩，想大家幫幫我有乜嘢意見：

由於幾個月前發生財困時已經離開香港，在香港一直沒有居所，也沒有任何的開支，如水電煤或租金，就只有手提電話費。而我一直就住在大陸朋友家及親人接濟。在這樣的情況下我有以下問題。

一）我沒有香港居住地址可否辦理破產？用GPO BOX可以嗎？
二）我沒有入息或開支申報，去辦理破產是否最簡單？到時候只要填寫欠債數字，收入或還款能力填寫“沒有“就行了？
三）在沒有收入的情況下，我會不會收到債權人拒絕我申請破產？
四）今後我準備離開香港生活，可能仍然會保持沒收入沒支出的狀態，這樣狀態能否維持四年？離開香港生活如何跟破產主任說？因為破產會有限制出入境的問題。

問題有點多，有經驗的朋友煩請幫忙解答一下。謝謝

温sir

我就咁睇落去都覺得有啲麻煩，相信你自己搞亦可能有問題，個人建議，你比得起的話唔好慳幾千，揾律師搞安心好多。
一) 應該唔可以。但你可利用郵局嘅"郵件轉寄"服務，將信轉去GPO BOX。
二) 無收入唔代表無開支，開支申報係你爭取每月生活費嘅憑証。
三) 至於債權人會不會拒絕你申請，要睇你哋双方嘅欠債關係，無得答你！但如一般正常情況，好少會拒絕，除非........
四) 呢個問題答案得四個字 : 合理解釋！
破產係唔會限制你出入境嘅，同樣只係需要你有"合理解釋"。

pre-bankruptcy

温sir 发表于 6-10-2012 12:52
我就咁睇落去都覺得有啲麻煩，相信你自己搞亦可能有問題，個人建議，你比得起的話唔好慳幾千，揾律師搞安心 ...

唔該溫Sir，
一）如果按照你的回答，咁睇來應該好容易搞先至系，點解你會建議我搵律師？是那個一個方面會遇到困難？
二）由於我沒有收入，系咪可以唔需要爭取生活費/報銷開支？
三）如果我目前只能提供半年前的生活開支，有用嗎？
四）我目前沒有收入，頒發破產令後或會有，到時候是否可以再跟破產主任爭取生活費？
五）你提到關於被債權人拒絕申請破產，可能會發生系因為”。。。。。。“你意思是是否有欺詐成份嗎？或是什麽？請再說明一下。

謝謝

worldcat

自己意見。
1) 如果你啲數簡單，又無新數，特別欠款。最重要係有時間。咁你自己報亦無況。交表可能要去兩三次，頒令又可能要遲啲。
2) 之前有問過律師有關地址問題，其實無話一定唔可以用po box， 但法官會有疑問同埋可能要求好多額外資料。我搵果個律師可以代收文件，但費用對我地普通債仔都算好貴。
3) 一個人無可能無支出，只係錢從可來(其他人幫你俾等等).
如果正常支出，開頭破署都係要3個月內單據。
4) 債權人要有理由懷疑有資產或欺炸先會提出反對。債權人會議會頒令後可能會開，去傾點還錢同生活費。
5) 長期離港要有合理解釋，佢地有權延長破產期但無權唔俾你出入境。例如，佢地諗你會唔會係香港外有收入而唔還錢等等。

pre-bankruptcy

worldcat 发表于 6-10-2012 15:46
自己意見。
1) 如果你啲數簡單，又無新數，特別欠款。最重要係有時間。咁你自己報亦無況。交表可能要去兩三 ...

唔該Worldcat，

由於我目前食住都系朋友既，所以真系無水電煤支出憑證可以提供。平常駛費唔多，所以親人每月比些少零用錢生活就足够了。只有手提電話費用有單據。如果三個月前我就有大把駛費，但我知道無用。
我目前系計劃緊系境外重新生活，到時候便會一切正常，如有收入同支出，到時再向主任申報。是這樣嗎？

worldcat

pre-bankruptcy 发表于 6-10-2012 16:23
唔該Worldcat，

由於我目前食住都系朋友既，所以真系無水電煤支出憑證可以提供。平常駛費唔多，所以親人 ...

咁你朋友食住幾錢，除返人頭就係你支出。
如果係香港境外生活，到時你再問問主任或外判要點做。

man3x

有小小唔明！既然你都想離港生活！咁點解仲想申破？

你都唔係香港！個萬幾都可以慳反啦！

lulumason

我都好想知 你咁情况 唔似一般不善理財 或入不(夫)支 環境突變 層壓受害者 負支產人士 走去申破喎 你居於人屋 衣食無愁 咁仲駛嘜申破 或者你講多Ｄ你現時情况 可能我地会多點意見同你分享 如果你去揾6c 可以比多点建意比你 law

pre-bankruptcy

可以咁講，我希望可以系海外有所發展，成功我可以不回來，但失敗的話，都希望以後返來香港自己地方再試過。另外，如果唔把香港手尾搞掂，出入境都擔心會有問題。

其實我都有嘗試過打電話問律師，但系十個有九個對回答問題都表現好差。激鬼氣咪想自己搞掂。

温sir

pre-bankruptcy 发表于 6-10-2012 23:17
可以咁講，我希望可以系海外有所發展，成功我可以不會來，但失敗的話，都希望以後翻番來香港自己地方再試過 ...

其實如果債項簡單，自己搞唔難，因為唔清楚你情況，而且你似有其它原因，所以建議你揾律師搞。
無收入啫，開支一定有，就算有人供養你，你都可以報，如食飯大約幾多、搭車上網等，水電煤都可以攤分，呢啲係正常支出，只係而家唔使你比啫。
你可以提供以前嘅支出，再解釋最近情況，點批你係破署嘅事。
債權人拒絕與否，係睇你咩原因欠債，答你唔到！
其它worldcat都答得好清楚，應該幫到你，日後海外發展問題，以後可以如實申報，重要係破期內破署可以聯絡到你，你又依時候交報告，咁一般問題不大。

pre-bankruptcy

温sir 发表于 7-10-2012 00:05
其實如果債項簡單，自己搞唔難，因為唔清楚你情況，而且你似有其它原因，所以建議你揾律師搞。
無收入啫 ...

我明白你們所說的開支了！可能我一直想說的開支是水電煤、差餉、租金、上網等一切生活上有單據既開支。而你們所提到是我平常吃飯大概多少？交通費大概多少等等對嗎？這些我是可以報出來的，只是沒有單據。咁如果我要報水電煤，我是否需要問我朋友拿單據出來給我上報？

另外，如果我沒有收入，我只上報支出，如每月收入3000（親人給予），支出10000（假設填寫租金或供養父母），這樣可以嗎？

bb_q_888

pre-bankruptcy 发表于 7-10-2012 11:36
我明白你們所說的開支了！可能我一直想說的開支是水電煤、差餉、租金、上網等一切生活上有單據既開支。而 ...

破產重要一點就係支出不可大過收入,

你失業無收入,而有支出.....你報10000支出,就只可說這是10000支助（親人給予）.

但你報10000支出,親人支助3000.....那餘下7000是誰出?
不合理你要作出解釋.

假若你未有收入,你可以先報自己基本生活費,因為生活費是可以改,到有收入再報供養父母.

pre-bankruptcy

唔好意思，仲有個問題想問清楚一些。

由於我回來香港辦破產都會搵個朋友地方住住先，如果我用我朋友地址來搞破產，破產處會利用這個通信地址幾耐？以後主任或外判會唔會都要用這個地址作為我的通信地址？甚至四年內都要用？
仲有，債權人又會不會知道我這個通信地址呢？

worldcat

pre-bankruptcy 发表于 7-10-2012 23:16
唔好意思，仲有個問題想問清楚一些。

由於我回來香港辦破產都會搵個朋友地方住住先，如果我用我朋友地址來 ...

我自己開頭有3封信。
1. 申請後1個月到，破署寄份問卷同交文件俾乜人。
2. 頒令後兩星期到收法庭破令副本。
3. 破署生活費確認信(唔係個個有)

你要提供聯絡地址同電話俾主任或外判，係4年內隨時可以聯絡你。
債權人會知你地址，某程度上你封申破書會通左天，而申破書上係有你所報的地址。但如果申破成功，無乜問題，因為債權人係唔可以追數。相信香港所有合法放債人都唔會為你啲數違規。如果欠街數(就算唔係黑財), 咁就麻煩啲。

tk226

睇咗咁耐都唔知樓主欠銀行幾多數 ???

20202003

反正樓主係香港都  居無定所  ！！！ 又打算去外地發展 ！！！


咁搞破產有乜意思？？


香港永久居民出入境係自由，其實你顧忌 D 咩呢 ？？？

flypig

破產Q&A:
1 無地址點算?
前面CHING 講過﹐用郵政署轉寄服務去GPO BOX。
你既然目前住在朋友度﹐就當個個係地址﹐跟手去
郵政署搞就OK了。以後郵局一見個個地址的檯頭人
係你﹐會TRANSFER 去 GPO BOX。
成本都係 1K之內﹐包個 TRANSFER 服務同GPO BOX。
不過你應該分開申請的。

2 破產後出境發展點算?
我朋友就去左外地4年。
同破產管理局講﹐你去外地靠朋友+搵工。
4年內 1 毫子無交過俾破局。
根本佢一定批。
問題係你要講明﹐機票+食宿 都係靠朋友親人。
不能自己俾

flypig

3 自己搞老破可以嗎?
小弟就係自己搞。我認為﹐如果你數不多﹐又唔係開公司﹐
自己搞不難。我花左2日時間上網﹐再去半日申請﹐最後上COURT
搞左大半日。其實大家讀書讀左10+年﹐咩都學唔識﹐無理由填
FORM 唔識呀?讀書就係教我地填FORM。
當然﹐如果你有古怪野﹐如 碌卡買 10部 IPHONE﹐就搵律C 喇

4 唔搞老破可以嗎?
你要問自己﹐為何要老破?
老破主要費事個班收數人煩。
如果你居無定所﹐又無欠政府/公共機構錢﹐可以選擇不老破。
過了幾年﹐個班債權人﹐如果不告上法庭﹐你的欠數會自動
一筆勾銷。根據網上+朋友經驗﹐債權人告上法庭機會非常之細。
呢個係同佢地運作/利益有關。因為搞上法庭會浪費人力物力﹐
同外判收數公司唔同﹐佢地外判 ﹐收到數會收番一定比例﹐收唔到無損失。
收數公司不會向佢地收費的
最重要係﹐佢地明白 告你9成99 都收唔到數。
最多幾年後﹐你搵律C 查一下債權人有無採用法律手段呢?
除非特殊個案﹐ 一般債權人都唔會告上 court.
到時省番 萬幾銀。不過以後你都幾難開銀行戶口。相反老破之後﹐
縱然無CREDIT CARD﹐但係你可以開銀行戶口﹐又可以申請
消費卡。

pre-bankruptcy

好多謝咁多位朋友既詳細回覆！

無錯我會離開香港生活，但離開發展有好多不明朗因素，怕以後都要返來香港，搞破產就系為咗比自己一條後路，一條光明合法的後路。
由於爬文見到，只要6年內債權人找不到自己，那些欠債便會撤銷。這種講法系---錯既！（有經驗人士說）因此，爲了避免萬一如這些經驗人士所說，怕有麻煩。所以決定做埋個破產先至走。

flypig

pre-bankruptcy 发表于 8-10-2012 12:28
好多謝咁多位朋友既詳細回覆！

無錯我會離開香港生活，但離開發展有好多不明朗因素，怕以後都要返來香港， ...

關鍵在於債權人有無採取過法律行動。
我知道一般銀行唔會﹐亦有朋友自此甩身。
但唔敢保證每一個債權人做法一樣。破產的確可以清清楚楚地甩清呢筆債。


http://hk.knowledge.yahoo.com/question/question?qid=7007040100960
法界：若曾依法追討　不受六年規限

有讀者日前突被追數公司追數，指其10多年前開始欠下卡數未還，但她在此段期間一直未有收過銀行通知，且已事隔多年，實令她難找證據抗辯。她亦質疑銀行已超過《時效條例》的6年追數期限，實無權作出追討。但有律師指出，只要債主於欠債6年內曾採取「法律行動」追討，即使債仔其間不斷搬屋避債，債主便不受該條例規限。

讀者李小姐投訴稱，她於去年接到一名自稱受一家銀行委託的男人來電，向她追收一筆10多年前的信用卡欠數；她曾致電銀行查問，但銀行職員卻未能交代詳情。