|
會唔會因為你已經係呢到做足哂(心理)準備,所以心情唔會有咩特別 祝你一切順順利利,再次重新起步.
mickey7100 發表於 2010-1-26 11:44
多謝, 都好有可能係咁! 其實我之前都想 post 我個感想出黎......一直以來真係好多謝咁多位比嘅意見和支持, 令我容易啲, 有信心啲走破產呢條路, 我唔係鼓勵人破產, 之不過喺度睇到其他同路人嘅經歷, 令到我下定決心要盡快搵個方法解決問題, 不能再拖。
在準備申請破產嘅過程中, 我做咗好多自我反省和檢討, 發現自己之前做錯好多決定, 引致今日嘅果。我希望破產就好似將以前做錯過嘅事, 一次過包起佢, 比個機會我由零開始, 所有嘢重新黎過!
我今日好大感概, 因為之前為咗準備破產, 令到我分心而忽略咗工作, 有啲嘢唔識變通做慢咗, 引致無咗一單生意, 如果唔係, 過年前應該有錢收到....唉, 又係另一個因果嘅教訓.... |
|