呢排大家係咪多收咗D九唔搭八追數信？！

CEEPO

破左就快成年，正式盼咗令後風平浪靜～

但到呢排大半個月內已收到兩封追數信，一封有寫公司排頭（係之前借落D二線黎），我打返去佢地公司電話同佢地講小弟已經破咗成年，乜你地公司無溝通嘅咩？你哋咁樣再追，我會去灣仔放債人牌照投訴科度投訴你地！跟住聽電話個員工就好有禮貌哋答.....都係果D野（我哋會Mark低返你現在記錄再通知公司更新翻....各樣那樣..）

到第二封信,呢封就冇提供公司排頭,封信白紙一張都係寫嗰啲嘢..見字速回XXX,唔係就上門各樣那樣，留咗一個手提電話號碼，同所謂嘅檔案號碼，但係呢個檔案號碼，前面某幾個英文字（亦都係我之前借嘅二線公司名），不過我都費事理佢～擺明就係賣料氹水魚落搭。

小弟亦唔係老破新手，呢啲信其實可以完全不理，不過見有排頭公司名嘅信咪打返比佢哋公司（當同佢講聲更新返個資料），如果淨係留手提電話嗰啲，基本上全部都係白撞，千祈咪做傻仔打返去封信果D手提no揾乜xxx生，全部都係釣魚，睇下邊條水魚上釣戇居居走去還錢比佢哋，大家小心也！

都係想睇下大家呢排有冇收到呢啲九唔搭八信！？

uukth

有 公司都收到 我打左去咗次 仲話我講大話破產 依家都依然日日打黎公司 唔知仲會唔會第二次寄信

天意玩弄人心

係咪poko

emiiiii

收到財務公司委託嘅收數公司，喺網上印埋一堆破產簡介，話要還錢，冇理到，最近收到話要去小額錢在審裁處，正諗住打電話俾佢同佢講你唔知道當事人已經破產咩