情緒病的入學者

LALALALA

2012破第一次，今年6月4正式頒領第二次，第一次跟黃嘉x,唉，慘到要個個月上去出信出糧，俾佢玩，攪到情況病由2014年開始發出嚟，一睇就睇左10幾年。

今年3月頭寫左遺書想自殺，最後入左精神科病院20日。

6月10號交左文件，同時上去破產管理處主仼到出信開户口，當時問主仼可否不外判，我扣完強積金加埋傷殘津貼大約有31000收入，攪緊離婚，每月開支填左41000，包括父母已退休無做嘢，一個4歲小朋友，工人加自己，個主仼好好，計番話我應該不用供款，應該不用外判

到6月17再打上去問多次幾時先知要唔要外判，主仼話已向高等法院申請由破產管理處做受托人，佢話即係佢唔轉部門就由佢黎做，只係等高等法院批就ok,大家知唔知仲要等幾耐？

同埋破產管理處主仼真係好好，公司有乜claim全部都可以claim，只係每年填寫次申報表寫清潔就ok

第一次破產跟外判經歷好慘
自己衰賭錢，依家已經去左參家介賭服務，希望幫到我

Yuyuyuu

最緊要戒賭，唔係既話只會再有第三次第四次

LALALALA

我都覺得係，希望戒賭中心幫到我，不過精神科醫生都證明左我係病態賭博，我都唔知有無社工幫到我

LALALALA

最希望真跟主任不用外判

明天會變好

可以申請唔外判？

Lee1234

LALALALA 發表於 23-6-2024 13:11
我都覺得係，希望戒賭中心幫到我，不過精神科醫生都證明左我係病態賭博，我都唔知有無社工幫到我 ...

邊度精神科証明到自己係病態賭博？

cftong

第一次點慘法？
今次好彩判主任當然恭喜你，但有冇諗過如果真係外判，點樣可以令自己唔好咁慘？第一次跟外判吸收到啲咩經驗？

cftong

你開支41,000 ，根據爬文，好似冇師兄可以填得到咁多。主任係咪真係批足俾你？

LALALALA

明天會變好 發表於 23-6-2024 18:38
可以申請唔外判？

主任同我講如果佢地預計破產期內還款唔起過20萬就可以唔外判，但又有啲人話債主有權要求外判，我都想知。我主仼已經同我講左話佢已向高等法院申請由佢地做受托人

LALALALA

Lee1234 發表於 23-6-2024 22:40
邊度精神科証明到自己係病態賭博？

政府醫院精神科，我連精神科病院都入埋

LALALALA

cftong 發表於 24-6-2024 12:08
第一次點慘法？
今次好彩判主任當然恭喜你，但有冇諗過如果真係外判，點樣可以令自己唔好咁慘？第一次跟外 ...

第一次輸經驗，2012年，同依家玩法唔同，我上去傾生活費，最後電話確定左一個生活費，年半後話無簽文件唔計，再傾一次生活費就話我頭年半欠佢5萬左右，生活費比最初講批小3千幾，之後立即凍結我户口，每月好似乞兒咁上去出信去銀行攞錢，明明話12:30前上去就可以拎到信，有一個月12點15分上到去就話俾我聽要2:30先再上嚟拎封信，2:30上到去再等咗好耐，直頭佢搞到喺度喊，最後屋企人比咗五萬蚊我還俾佢先，佢就戒凍咗我戶口，正常2016年應該完成四年，拖到我2017年年中，足足多咗一年先正式俾個破產解除令我，但2016年完咗到2017年我冇理佢冇交過任何嘢，佢都冇叫我再交，但一路追佢破產，解除另一路都唔俾，要等到成年後先俾

cftong

LALALALA 發表於 24-6-2024 23:11
第一次輸經驗，2012年，同依家玩法唔同，我上去傾生活費，最後電話確定左一個生活費，年半後話無簽文件唔 ...

師兄真係好慘，我成日關注的就係呢啲案例。介唔介意講吓邊間外判咁仆街？

想再問吓，佢話你欠佢個50,000係因為生活費搬龍門批少左，而你的戶口及報稅證明你的收入原本是足以支付呢筆錢，但因為你已經洗咗所以當你欠佢錢？

咁最後你都俾咗五皮嘢佢，照計冇欠錢，憑乜嘢拖你年幾都唔解破？可否去破署投訴？

cftong

LALALALA 發表於 24-6-2024 23:04
主任同我講如果佢地預計破產期內還款唔起過20萬就可以唔外判，但又有啲人話債主有權要求外判，我都想知。 ...

咁又有少少奇怪，如果係咁破產時失業，咪唔使外判？有錢還反而要跟外判，冇錢咪着數咗？

LALALALA

cftong 發表於 25-6-2024 00:37
咁又有少少奇怪，如果係咁破產時失業，咪唔使外判？有錢還反而要跟外判，冇錢咪着數咗？ ...

Lee個我都幾肯定，因為律師都咁講，預計小過20萬還款叫做簡易情序，你報失業，但如果你一個人，無乜人要供養，就預計你到時可能搵到嘢做要上繳，詳情我都唔知，但我因為都多開支，而我人工加晒都係得31000到，所以可能預計不用還

LALALALA

cftong 發表於 24-6-2024 12:10
你開支41,000 ，根據爬文，好似冇師兄可以填得到咁多。主任係咪真係批足俾你？ ...

我情況有啲特別律師有解釋俾我聽自己申請會好啲。主任淨係話俾我聽佢計過我嘅開支正常應該多過人工，所以應該破產期內唔會有200,000或者以上還款，所以已經向高等法院申請由破產管理處接管。跟破產管理處主任真係好好，基本上小朋友學嘅所有嘢佢都比我claim，電話費我自己啦，老竇 老母 工人姐姐 都 俾 我 claim，果到8xx蚊，我小朋友興趣班在家學費，我冇記錯大概填咗$4000，我小朋友一路都學緊，主仼話俾單佢就ok，另外工人姐姐人工，供養老竇老母再加個女，另外水電煤，自己食飯，搭車再加公屋兩千幾蚊幾租，加加埋埋有41,000，41000裡面有填咗$2500醫療費用，因為我有晒精神科紀錄，要睇情緒病加精神科醫生，主仼無講實話批幾多錢俾我，不過出信叫我補交小小文件

LALALALA

cftong 發表於 25-6-2024 00:34
師兄真係好慘，我成日關注的就係呢啲案例。介唔介意講吓邊間外判咁仆街？

想再問吓，佢話你欠佢個50,000 ...

2012年我跟黃+石，屋企人幫我俾番5萬佢就已經唔洗再凍結户口，都無欠佢錢，拖我年幾先俾解除令我就係咁話整緊，計緊，但到左4年就無叫我再交仼何嘢，我估係經過5萬蚊後，我全部嘢做到足，拖我年幾搵唔到我錯處先出俾我，但2012到16年我出境我都無報俾佢，但今時今日就唔好，因為同10年前唔同晒，我都係4月申請先知同之前好唔同，嚴左好多，佢出信叫我解釋番我有幾條大數d錢去左邊，同埋要我詳細寫番賭錢嘅經過，我確實無講大話，所以如果跟主仼應該易解釋好多，我最怕跟外判每條數都問我就慘????

LALALALA

cftong 發表於 24-6-2024 12:10
你開支41,000 ，根據爬文，好似冇師兄可以填得到咁多。主任係咪真係批足俾你？ ...

同埋我申請緊離婚，未批到，但交左申請文件俾主仼，主仼勁好，無叫我將個囡d開支除一半，個我覺得如果跟大果幾間外判肯定除半同小朋友興趣班一定唔會批咁多

LALALALA

cftong 發表於 25-6-2024 00:34
師兄真係好慘，我成日關注的就係呢啲案例。介唔介意講吓邊間外判咁仆街？

想再問吓，佢話你欠佢個50,000 ...

2012果次中途情緒病，就俾俾黃+石攪到咁，中間喊住打上破產管理處投訴，完全無理我，話你只可以搵你受托人，佢地都幫你唔到

a981142

已經搞到離婚,一定要戒啦

cftong

LALALALA 發表於 25-6-2024 09:21
2012果次中途情緒病，就俾俾黃+石攪到咁，中間喊住打上破產管理處投訴，完全無理我，話你只可以搵你受托 ...

嘩真係好無助，外判擺明玩你。破產好似冇晒人權。佢鍾意點就點。
同某啲國家聲稱調查，其實困你幾年，最後話唔告你有何分別？

而最L重要，就係拖你嗰年時間，使唔使你上繳先？