2 及 3線財務

FCHAN101

有2 &3線財務，如果我搞破產，佢地係咪一樣會照追?
我記得簽過一份同意書，話就算破產都要還或有權找其他收數公司追收。其實有冇法律效用呢?

alalfred913

照計唔會有份咁既野
就算有, 應該都無法律效力

只不過, 2/3線都唔會同你玩正路
追佢地會照追

kit430168

点會有份禁嘅野簽架，你有冇記錯牙

kit430168

何谓三線？如果有牌财仔，基本上破左產就唔駛理佢，又话破左都要還又話會告你，其實都係嚇下你，一颁令就全部唔見哂佢地

largelarge

我都有签，但听过无法律效力。但佢地会照追。

ken2542de

我果時2間財仔都有啦,吾可以破產喎,睬佢有味.
今日吾知聽日事.不過2,3線冇簽過什麼文件都照追一排.

301

知你搞"破",
"追", 財仔當然必然肯定應會追,

有類似簽過之文件更有持無恐似奉旨追.


呢種申貸時承諾指定日期內不能破產協議書,
已經有多年,
但未曾有案例被告過,
財仔自欺欺人把戲,
如此兒戲可笑協議承諾怎有法律效力,
根本無人能簽承後預期未來之事,
遑論登法庭之堂 !

FCHAN101

請問你地知唔知道佢地追數手法？

kit430168

FCHAN101 發表於 7-3-2017 19:13
請問你地知唔知道佢地追數手法？

打電話或發短訊俾資詢人，當中說話一定十分難聽，同埋有机會會上門搵你，不過你放心，一般收數公司唔會做犯法野，大耳〇除外，不過你都要預左煩一段日子，頒令後就冇事

FCHAN101

又想問，我借安x無報有二、三線既數，會比安x告嗎？

FCHAN101

另外，如果我借安x時冇報有二及三線既數，而去二及三線借時，都冇報冇在安x有數，會比財仔告嗎？

ken2542de

FCHAN101 發表於 7-3-2017 22:01
又想問，我借安x無報有二、三線既數，會比安x告嗎？

係咪X信呀?

FCHAN101

係呀…………………………

standup

FCHAN101 發表於 7-3-2017 22:03
另外，如果我借安x時冇報有二及三線既數，而去二及三線借時，都冇報冇在安x有數，會比財仔告嗎？ ...

男子因破產欺騙案被判入獄三個月

一名二十三歲男子二○○二年十月三日（星期四） 在東區裁判法院因破產欺騙案被判入獄三個月。

該名男子分別於二○○○年九月及二○○一年六月，在沒有完整地透露其財務情況下，向兩間財務機構共借貸七萬五千港元。 兩間財務機構隨後得知該名男子向他們借貸的時候，尚有其他債務，並隱瞞其部分負債情況。 兩間財務機構於是向警方報案。他們明確表示，假如他們事先得知該名男子的真實財務情況，其借貸申請應該不會獲得批准。

該名男子於二○○一年八月申請破產，並於二○○一年十二月被宣告破產。 商業罪案調查科人員經深入調查後，落案控告該名男子以一項欺騙罪名及一項以欺騙手段取得金錢利益。 男子承認有關控罪，被判入獄三個月。 　　

ken2542de

執正就間間都可以告你,安記係一線財仔,機會最大.
2,3線就自己都知自己公司咩料,亦吾會借好多比你,機會細D.
實照追,破左都有排煩.

huangsq

kit430168 發表於 7-3-2017 19:35
打電話或發短訊俾資詢人，當中說話一定十分難聽，同埋有机會會上門搵你，不過你放心，一般收數公司唔會做 ...

收數公司、大耳〇有乜嘢區別？

kit430168

收数公司做嘢有指引嘅，正常公司係唔會做犯法嘅事。大耳O冇牌嘅，同爛仔冇分別，乜都夠膽死。你有幾何聽新聞d收数公司會殺人放火牙

huangsq

咁乜嘢数会畀大耳O追呢

Owen1234

今日新聞

Owen1234

警方新界北重案組拘捕兩名男子，涉嫌以刑事毀壞及刑事恐嚇的手段來收數。警方稍後將其中一人，押返其葵涌石籬二邨石富樓住所搜屋。  新界北總區重案組張寶月高級督察稱，兩疑犯分別22歲及29歲，有黑社會背景，他們涉及今年1月19日、2月16日及2月19日，3宗在天水圍區的收數活動，受害人24至56歲不等，自己或家人欠債，款項由8千至20萬元。  其中一案中，歹徒拔出事主門外的消防喉，揳入門隙向屋內灌水，浸濕傢俬電器；另外兩案則透過手機發恐嚇性短訊。張寶月指，灌水入屋的方法「零成本、低風險」，因為歹徒不須要買紅油，又沒有犯案工具在身上，不易被警員緝獲，但其實對事主或街坊會構成危險，因為浸濕電器，有可能引致漏電或火警。她呼籲市民借錢要找信譽良好及持牌公司。  據了解，兩名歹徒本身有正職，分別做裝修及地盤工，但為賺快錢而鋌而走險。據悉，歹徒派字條拍門追債，收50元一次；有刑事成份的收數行為，如淋油或灌水，則收費300至500元一次