call loan

2hkdpcs

祝各位新年快樂! 心想事成! 一切順順利利!

我是個初哥, 已經追看過晒大部份既帖子。

事源是咁的, 本人已於1月26日經3姓入紙申破, 已有no., 但上星期六被其中一間二三線財務(x駿) 知道我申破, 說我如果真的要申請破產, 就要 call loan, 叫我考慮下初四即係明天覆佢, 因在這間財務借的是業主貸款, 申請人是我+我媽兩個名的, 而屋契個名只有我媽名字, 但一直都有準時供款, 沒有遲還過, 但如今以佢說法是要我們全清。

我想問:

1) 如今我申請破產, 份合約仲有另一個借款人, 如果繼續還到而無出現唔還既情況, 佢地都會 call loan?

2) 如他們是以我本人申請破產而作出這個callloan理由, 是否可當觸犯法例呢?

希望各師兄可以幫忙解答, 謝謝!

flypig

By contract.你要睇番合約。照我理解，就算你借銀行，佢完全可能根據商業決定而突然要求你全部還款。你可以做o既，快快搵第二間銀行去傾。

2hkdpcs

最幣既係我果個業主貸款層樓係未補地價居屋, 係唔知可唔可以再同X駿佢地傾下唔好CALL LOAN

flypig

你應幾線進行，同x進 傾之前，最好搵到後路佢唔制時你plan b 係點

depressman

以我理解, 未補地價居屋佢唔會收你樓! 不過會釘你契

depressman

佢應該會call你loan要求你媽代還晒

admin

樓主應該是用物業抵押，借錢邊個名都無所謂，因為你係用物業抵押。

call loan 就99% 幾時都得。

因為你破產，咁即係話，佢會覺得你還唔到，即是佢可以收樓。唔理有無補地價，佢可以羅去賣。

問題在於你家庭是否只有你一人有收入？

如果是，咁算啦。無乜希望，點做都死。就算你找到另一間做借貸，因為你破產，即係無收入 (破左產)，唔會有人再借錢比無收入證明的人架啦。
如果有，就要計下數，問題是要收入是足夠還錢 (我指你去找另一間)，如果另一個收入夠，轉過第2間應該唔難。

2hkdpcs

各位師兄, 已經解決了, 麻煩晒你地既意見呀!
我頭先同佢地傾完, call loan 原因係因為呢間野我仲有啲"騰能瓜瓜能騰"既事,
所以佢地先要call loan, 但已經同佢地傾掂數, 所以算係解決左唔call loan, 內容係咩就唔係幾適合係度多講了。

提外話, 都係多得有呢個論壇, 我先可以爬下文了解下整個破產事前事後其實係點樣既事, 希望之後會事事順利啦, 謝謝各位師兄!

jos

未補地價居屋，點解唔會收樓？

alan1alan

其實屋契係樓主母親的, 那個業主貸款是抵押貸款, 應該樓主只是擔保人...
擔保人破產應該是要找另一個擔保人便可以了....但債項不屬於擔保人, 我這樣說對嗎?

deeyuyan

depressman, 請問未補地價唔收樓， 是否有法例講明？